ទីប្រឹក្សាបាល់ទាត់របស់ក្លឹប Paris SGលោក Luis Campos និយាយថាខ្ញុំនឹង រីករាយប្រសិនបើកំពូលតារាអា ហ្សង់ទីន Lionel Messi យល់ព្រមបន្តកុងត្រាថ្មី ជាមួយក្រុមជើងឯកបារាំង។
Campos បានប្រាប់ទូរទស្សន៍បារាំង TF1 ថា យើងកំពុងពិភាក្សាគ្នា។ ខ្ញុំមិនអាចលាក់បាំងរឿងនោះបានទេ ខ្ញុំ ចង់ឱ្យគាត់ចូលរួមក្នុងគម្រោងនេះ ដើម្បីបន្តជាមួយយើង។
ខ្ញុំនឹងរីករាយប្រសិនបើគាត់ធ្វើដូច្នេះប៉ុន្តែយើងកំពុងនិយាយនៅពេលនេះ ដើម្បីសម្រេចបាននូវគោលដៅនោះថា Leo Messi នៅជាមួយយើង។
Camposបានកោតសរសើរចំពោះការរួមចំណែកនាពេលថ្មីៗនេះរបស់ Messi ចំពោះក្រុម ជាពិសេសក្នុងការឈ្នះ លើក្រុម Montpellier ។
លោកបន្តថានៅពាក់កណ្តាលម៉ោង ខ្ញុំបាននិយាយទៅកាន់គាត់ថា វាជារឿងចាំបាច់ដែលអ្នក ត្រូវអូសទាញអ្នក ផ្សេង ទៀតមកជាមួយអ្នកហើយបន្តស្នាក់នៅទីនេះរយៈពេលយូរទៀត។
ម្ចាស់ជើងឯក Ballon D’Or វ័យ ៣៥ ឆ្នាំរូបនេះបានសំរេចនូវមហិច្ឆតាពេញមួយជីវិតរបស់គាត់ ក្នុងការឈ្នះពាន រង្វាន់បាល់ទាត់ពិភពលោកកាលពីខែធ្នូ ប៉ុន្តែបានរក្សាទម្រង់លេងសមរម្យនៅពេលគាត់ ត្រលប់ទៅប្រទេសបា រាំងវិញ។
Messi បានចូលរួមជាមួយ Paris SG ក្នុងឆ្នាំ២០២១ ក្នុងកិច្ចសន្យារយៈពេល២ឆ្នាំជាមួយនឹងជម្រើសនៃការ បន្តវា មួយឆ្នាំទៀត បន្ទាប់ពីលាគ្នាយ៉ាងរំជួលចិត្តជាមួយ Barcelona ជាកន្លែងដែលគាត់បានចំណាយពេលពេញអាជីព របស់គាត់៕