រដ្ឋមន្ត្រីការបរទេសឥណ្ឌា ជប៉ុន សហរដ្ឋអាមេរិក និងអូស្ត្រាលីបានជួបប្រជុំគ្នានៅទីក្រុងញូវដែលីកាលពីថ្ងៃសុក្រដើម្បីពិភាក្សាអំពីរបៀបរក្សាសណ្តាប់ធ្នាប់អន្តរជាតិចំពេលមានការកើនឡើងនៃយោធារបស់ចិន និងការឈ្លានពានរបស់រុស្ស៊ីលើអ៊ុយក្រែន។
នេះគឺជាការប្រមូលផ្តុំគ្នាលើកដំបូងដោយម្ចាស់ផ្ទះឥណ្ឌា ចាប់តាំងពីសម័យប្រជុំរដ្ឋមន្ត្រីការបរទេស Quad ត្រូវបានចាប់ផ្តើមនៅក្នុងឆ្នាំ 2019 នៅទីក្រុងញូវយ៉កហើយក៏ជាការ ត្រួសត្រាយផ្លូវសម្រាប់កិច្ចប្រជុំកំពូលដែលត្រូវបានគេរាយការណ៍ថាអាចនឹងរៀបចំនៅទីក្រុងស៊ីដនីនៅចុងខែឧសភា ឬដើមខែមិថុនា។
អ្នកការទូតកំពូលមកពីប្រទេសប្រជាធិបតេយ្យឥណ្ឌូប៉ាស៊ីហ្វិក ដែលហៅថាQuadក៏មានបំណងបញ្ជាក់ពីផែនការសម្រាប់កិច្ចសហប្រតិបត្តិការលើការកសាងហេដ្ឋារចនាសម្ព័ន្ធគុណភាពខ្ពស់និងបង្កើនការសម្របសម្រួលលើសកម្មភាពសង្គ្រោះគ្រោះមហន្តរាយ ។នេះបើយោងតាមមន្ត្រីរដ្ឋាភិបាលជប៉ុន។
មន្ត្រីរូបនោះបាននិយាយថារដ្ឋមន្ត្រីទាំងបួនទំនងជានឹងប្តេជ្ញាបន្តធ្វើការរួមគ្នាដើម្បីសម្រេចបាននូវឥណ្ឌូប៉ាស៊ីហ្វិកសេរី និងបើកចំហដែលជាចក្ខុវិស័យភាគច្រើនគាំទ្រដោយទីក្រុងតូក្យូនិងវ៉ាស៊ីនតោនក្នុងការប្រឆាំងនឹងការអះអាងដែនសមុទ្ររបស់ទីក្រុងប៉េកាំងនៅក្នុងតំបន់។
មន្ត្រីបាននិយាយថា បន្ទាប់ពីកិច្ចប្រជុំ Quad នៅថ្ងៃសុក្រ លោក Hayashi គ្រោងនឹងជួបពិភាក្សាទ្វេភាគីជាមួយ Blinken និង Jaishankar ៕