របបយោធាមីយ៉ាន់ម៉ាបានថ្កោលទោសប្រធានសិទ្ធិមនុស្សរបស់អង្គការសហប្រជាជាតិ បន្ទាប់ពីអង្គការនេះបាននិយាយថា យោធាប្រហែលជាបានប្រព្រឹត្តឧក្រិដ្ឋកម្មសង្គ្រាម ខណៈដែលខ្លួនតស៊ូដើម្បីបង្ក្រាបក្រុមប្រឆាំងនឹងការគ្រប់គ្រងរបស់ខ្លួន។
ការិយាល័យសិទ្ធិមនុស្សពិភពលោកបាននិយាយកាលពីសប្តាហ៍មុននៅក្នុងរបាយការណ៍មួយថាពីរឆ្នាំបន្ទាប់ពីយោធាបានបណ្តេញរដ្ឋាភិបាលជាប់ឆ្នោតរបស់លោកស្រី អ៊ុងសាន ស៊ូជី ស្ថានភាពសិទ្ធិមនុស្សក្នុងប្រទេសមីយ៉ាន់ម៉ាស្ថិតនៅក្នុង មហន្តរាយដ៏ធ្ងន់ធ្ងរ ។
អង្គការសហប្រជាជាតិបាននិយាយថាយោធាកំពុងពឹងផ្អែកកាន់តែខ្លាំងឡើងតាមអាកាស និងកាំភ្លើងធំច្រើនជាង៣០០ ដងក្នុងឆ្នាំចុងក្រោយនេះ រួមទាំងសាលារៀន និងមន្ទីរពេទ្យផងដែរ។ដើម្បីប្រយុទ្ធប្រឆាំងនឹងក្រុមចលនាតស៊ូប្រឆាំងដែលកំពុងរីករាលដាល។
ក្រសួងការបរទេសរបបយោធាបាននិយាយថា របាយការណ៍នេះបានចោទប្រកាន់យ៉ាងទូលំទូលាយប្រឆាំងនឹងរដ្ឋាភិបាលនិងកងកម្លាំងសន្តិសុខរបស់ខ្លួនដូច្នេះមីយ៉ាន់ម៉ា ជំទាស់យ៉ាងម៉ឺងម៉ាត់ប្រឆាំងនឹងអនុសាសន៍ដែលមិនពាក់ព័ន្ធធ្វើឡើងដោយឧត្តមស្នងការ។
របបយោធាបានទទួលស្គាល់ថារបាយការណ៍របស់អង្គការសហប្រជាជាតិបានទទួលស្គាល់អំពើហិង្សាដែលប្រព្រឹត្តដោយក្រុមមួយចំនួនដែលប្រឆាំងរដ្ឋាភិបាលប៉ុន្តែបានធ្វើវាតែបន្តិច ប៉ុណ្ណោះ។
ក្រុមប្រឹក្សាសន្តិសុខអង្គការសហប្រជាជាតិបានអនុម័តសេចក្តីព្រាងដំណោះស្រាយលើកដំបូងរបស់ខ្លួនស្តីពីស្ថានភាពនៅក្នុងប្រទេសមីយ៉ាន់ម៉ាកាលពីខែធ្នូ ដោយជំរុញឱ្យរបបយោធាដោះលែងលោកស្រី អ៊ុងសាន ស៊ូជី និង អ្នកទោសដែលត្រូវបានឃុំខ្លួនតាមអំពើចិត្តទាំងអស់។
សមាជិកអចិន្ត្រៃយ៍នៃក្រុមប្រឹក្សាសន្តិសុខ ចិន និងរុស្ស៊ី បានអនុបវាទ ដោយជ្រើសរើសមិនប្រើសិទ្ធិវេតូ បន្ទាប់ពីធ្វើវិសោធនកម្មពាក្យពេចន៍នោះ។
យោងតាមក្រុមឃ្លាំមើលក្នុងតំបន់បានឲ្យដឹងថាមនុស្សជាង ៥០០០ នាក់ត្រូវបានសម្លាប់ក្នុងការបង្ក្រាបរបស់យោធាលើការមិនពេញចិត្ត៕