អ្នកនាំពាក្យសេតវិមានលោក John Kirby បាននិយាយកាលពីថ្ងៃពុធក្នុងបទសម្ភាសន៍ជាមួយទូរទស្សន៍ CNNថាមន្ត្រីសហរដ្ឋអាមេរិកបានប្រាប់ឯកអគ្គរដ្ឋទូតរុស្ស៊ីប្រចាំសហរដ្ឋអាមេរិកថាទីក្រុងម៉ូស្គូត្រូវតែមានការប្រុងប្រយ័ត្នបន្ថែមទៀតនៅពេលហោះហើរក្នុងដែនអាកាសអន្តរជាតិនៅជិតទ្រព្យសម្បត្តិរបស់សហរដ្ឋអាមេរិក។
លោកKirbyក៏បាននិយាយផងដែរថាយន្តហោះគ្មានមនុស្សបើកមិនត្រូវបានរកឃើញពីសមុទ្រខ្មៅទេក្រោយប៉ះជាមួយរុស្ស៊ី។
អ៊ុយក្រែនចោទពូទីនចង់ពង្រីកសង្រ្គាម
ទីក្រុងគៀវបានចោទប្រកាន់មេដឹកនាំរុស្ស៊ី លោក វ្ល៉ាឌីមៀ ពូទីនកាលពីថ្ងៃពុធពីការព្យាយាមពង្រីកជម្លោះក្នុងប្រទេសអ៊ុយក្រែន បន្ទាប់ពីទីក្រុងវ៉ាស៊ីនតោន បាននិយាយថា យន្តហោះចម្បាំងរុស្ស៊ីបានស្ទាក់ចាប់យន្តហោះគ្មានមនុស្សបើករបស់ខ្លួន នៅលើសមុទ្រខ្មៅ ដែលបណ្តាលឱ្យវាធ្លាក់។
លោក Oleksiy Danilov លេខាធិការក្រុមប្រឹក្សាសន្តិសុខជាតិ និងការពារជាតិរបស់អ៊ុយក្រែនបាននិយាយនៅលើប្រព័ន្ធផ្សព្វផ្សាយសង្គម។ឧបទ្ទវហេតុជាមួយយន្តហោះចម្បាំង MQ-9 Reaper UAV របស់អាមេរិក ដែលបង្កឡើងដោយរុស្ស៊ីលើសមុទ្រខ្មៅ គឺជាមធ្យោបាយរបស់លោក ពូទីន ក្នុងការបង្ហាញពីការត្រៀមខ្លួនរបស់គាត់ក្នុងការពង្រីកជម្លោះ ដើម្បីចូលរួមភាគីដទៃទៀត។
រុស្ស៊ីបន្តវាយប្រហារទីក្រុង Kharkiv
អ្នកនាំពាក្យរបស់រដ្ឋអាជ្ញាប្រចាំតំបន់បានប្រាប់ទូរទស្សន៍សាធារណៈអ៊ុយក្រែន Suspilne ថា មីស៊ីល S-300 បានវាយប្រហារទីក្រុង Kharkiv ភាគឦសាននៃប្រទេសកាលពីព្រឹកថ្ងៃពុធ។
អ្នកនាំពាក្យលោក Dmytro Chubenko បាននិយាយថា នៅម៉ោង១០និង២០នាទីមីស៊ីល S-300 បានវាយប្រហារតំបន់លំនៅដ្ឋានមួយក្នុងសង្កាត់ Shevchenkivskyi នៃ ទីក្រុងKharkiv” ។លោកបានបន្ថែមថា មិនមានរបាយការណ៍ពីចំនួនអ្នកស្លាប់និងរបួសទេ៕