អ្នកនាំពាក្យក្រសួងការបរទេសអាមេរិកលោកNed Price បាននិយាយថាសហរដ្ឋអាមេរិកបានកោះ ហៅឯក អគ្គរដ្ឋទូតរុស្ស៊ីប្រចាំទីក្រុងវ៉ាស៊ីនតោនកាលពីថ្ងៃអង្គារ បន្ទាប់ពីយន្តហោះចម្បាំងរុស្ស៊ី Su-27 បានបុកយន្តហោះ យោធាគ្មានមនុស្សបើកអាមេរិកនៅលើសមុទ្រខ្មៅ។
ឯកអគ្គរដ្ឋទូតសហរដ្ឋអាមេរិកប្រចាំនៅទីក្រុងមូស្គូបានផ្ញើសារដ៏ខ្លាំងមួយទៅកាន់ក្រសួងការបរទេសរបស់រុស្ស៊ី និងបានពន្យល់ដល់សម្ព័ន្ធមិត្ត និងដៃគូអំពីឧប្បត្តិហេតុនេះ ។
លោកPriceបាននិយាយថាយើងកំពុងចូលរួមដោយផ្ទាល់ជាមួយរុស្ស៊ី ជាថ្មីម្តងទៀតនៅកម្រិតជាន់ខ្ពស់ ដើម្បី បង្ហាញពីការជំទាស់យ៉ាងខ្លាំងរបស់យើងចំពោះការស្ទាក់ចាប់ដែលមិនមានសុវត្ថិភាព និងគ្មានវិជ្ជាជីវៈនេះ បណ្តាលឱ្យមានការធ្លាក់យន្តហោះគ្មានមនុស្សបើករបស់សហរដ្ឋអាមេរិក។
លោកបន្តថាយើងកំពុងកោះហៅឯកអគ្គរដ្ឋទូតរុស្ស៊ីមកកាន់នាយកដ្ឋាន ដែលយើងនឹងបញ្ជូនសារនេះ។លោក ក៏បាននិយាយដែរថា កិច្ចប្រជុំរបស់ឯកអគ្គរដ្ឋទូតរុស្ស៊ី Anatoly Antonov ជាមួយមន្ត្រីជាន់ខ្ពស់អាមេរិកនៅក្រ សួងការបរទេសនឹងធ្វើឡើងនៅរសៀលនេះ ដោយមិនបានប្រាប់ថា តើភាគីអាមេរិកនឹងជួបអ្នកណានោះទេ។
គួររំឭកថាឧបទ្ទវហេតុនេះបានកើតឡើងនៅម៉ោង ៦និង៣នាទីកាលពីថ្ងៃអង្គារនៅពេលដែលយន្តហោះរុស្ស៊ី Su-27 ចំនួនពីរបានធ្វើការស្ទាក់ចាប់ យន្តហោះគ្មានមនុស្សបើកឈ្លបយកការណ៍របស់អាមេរិក MQ-9 ដោយ គ្មានសុវត្ថិភាព និងគ្មានវិជ្ជាជីវៈ។
សេចក្តីថ្លែងការណ៍បាននិយាយថា យន្តហោះរុស្ស៊ីមួយគ្រឿងក្នុងចំណោមយន្តហោះពីរគ្រឿង បានប៉ះពាល់លើ យន្តហោះគ្មានមនុស្សបើក។
មុនពេលប៉ះទង្គិចគ្នា យន្តហោះ Su-27s បានបាញ់ផ្សែង ពីមុខ MQ-9 ក្នុងលក្ខណៈមិនប្រុងប្រយ័ត្នប៉ះពាល់ដល់ បរិស្ថាន និងគ្មានវិជ្ជាជីវៈ.
រុស្ស៊ី អំពាវនាវឲ្យអាមេរិកបញ្ឈប់ជើងហោះហើរ អរិភាពក្រោយប៉ះទង្គិចគ្នា
រុស្ស៊ីបានអំពាវនាវដល់សហរដ្ឋអាមេរិកកាលពីថ្ងៃពុធឱ្យបញ្ឈប់ជើងហោះហើរអរិភាពបន្ទាប់ពីមានការប៉ះទង្គិចគ្នាកាលពីថ្ងៃអង្គារ។
ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិកបានអំពាវនាវឱ្យទីក្រុងវ៉ាស៊ីនតោនបញ្ឈប់ការហោះហើរអរិភាពនៅ ជិតព្រំដែនប្រទេសរបស់ខ្លួន បន្ទាប់ពីយន្តហោះគ្មានមនុស្សបើករបស់អាមេរិកត្រូវបាន ស្ទាក់ចាប់ដោយយន្ត ហោះចម្បាំងរុស្ស៊ីនៅលើសមុទ្រខ្មៅ។
ឯកអគ្គរដ្ឋទូត Anatoly Antonov បានសរសេរនៅលើ Telegramថានឹងបញ្ឈប់ការហោះហើរនៅជិតព្រំដែនរុស្ស៊ី ។ យើងចាត់ទុកសកម្មភាពណាមួយជាមួយនឹងការប្រើអាវុធរបស់អាមេរិកថាជាអរិភាពដោយចំហ៕