ភ្នំពេញ ៖ កីឡាករសញ្ជាតិប្រេស៊ីល លោកធីអាហ្គោ តេសេរ៉ា (Thiago Teixeira) ដែលស្រឡាញ់ពេញចិត្តយ៉ាង ខ្លាំងចំពោះគុនខ្មែរ ហើយទើបតែភ្ញាក់ខ្លួនដឹងថា កីឡាប្រដាល់ដែលខ្លួនបានហ្វឹកហាត់តាំងពីអាយុ១៦ឆ្នាំមកនេះ មានប្រភពពីគុនខ្មែរ របស់កម្ពុជា នោះ បានប្រកាសមុនពេលចេញដំណើរទៅប្រទេសអាល្លឺម៉ង់ ថា រូបគេទៅប្រ កួតក្នុងកម្មវិធីអន្តរជាតិ នៅអាល្លឺម៉ង់ នៅថ្ងៃទី០១ ខែមេសា ឆ្នាំ២០២៣ ខាងមុខនេះ គឺតំណាងគុនខ្មែររបស់កម្ពុជា ។
តាមប្រភពលោកឧកញ៉ា ស្រី ចាន់ថន អនុប្រធានសហព័ន្ធកីឡាប្រដាល់គុនខ្មែរ និងជាស្ថាបនិកក្លឹបគុនខ្មែរជើង ឯកពីភពលោក បានឲ្យដឹងថា កីឡាករ ធីអាហ្គោ បានចេញដំណើរទៅប្រទេសអាល្លឺម៉ង់ នៅថ្ងៃទី២២ ខែមីនា ឆ្នាំ ២០២៣ ដើម្បីទៅប្រកួតជាមួយកីឡាករអង់គ្លេស ហើយធីអាហ្គោ បានបញ្ជាក់ថា គេទៅប្រកួតលើកនេះ គឺតំណា ងឲ្យគុនខ្មែរ របស់កម្ពុជា។
លោកឧកញ៉ា ស្រី ចាន់ថន បានបញ្ជាក់តាមទំព័របណ្តាញសង្គម ហ្វេសប៊ុក របស់លោក នៅថ្ងៃទី២១ ខែមីនា ឆ្នាំ ២០២៣ ថា «ខ្ញុំសូមជម្រាបបងប្អូនជនរួមជាតិថា Thiago នឹងចេញដំណើរទៅប្រទេសអាល្លឺម៉ង់ នៅថ្ងៃទី២២ ខែ មីនា ឆ្នាំ២០២៣ នេះ។ ថ្ងៃនេះផងដែរ ខ្ញុំបានជូនក្លុកតេជះ និងប្រថាប់ដៃ ទៅកាន់កីឡាករ Thiago ដើម្បីឲ្យគាត់ មានស្មារតីខ្លាំងក្លា មោះមុត និងក្លាហ៊ានផងដែរ។ ដោយគាត់ឡើងវ៉ៃលើកនេះ គឺតំណាងឲ្យប្រទេសកម្ពុជា តំ ណាងឲ្យគុនខ្មែរ។ កីឡាករ Thiago នឹងវ៉ៃជាមួយកីឡាករសញ្ជាតិអង់គ្លេស នៅសង្វៀនប្រទេសអាល្លឺម៉ង់។
ដូច្នេះក្នុងនាមខ្ញុំជាអនុប្រធានសហព័ន្ធកីឡាប្រដាល់គុនខ្មែរ និងជាប្រធានក្លឹបគុនខ្មែរជើងឯកពិភពលោកខ្ញុំ នឹងរៀបចំការជូនដំណើរមួយសម្រាប់កីឡាករ Thiago ដល់ព្រលានយន្តហោះ ដើម្បីជាកម្លាំងចិត្តឲ្យគាត់ អាចដណ្តើមយកជ័យជម្នះមកជូនប្រទេសកម្ពុជាយើងវិញ។ មិនយូរមិនឆាប់ នៅពេលដែលកីឡាករ Thiago ត្រលប់មកប្រទេសកម្ពុជា វិញ នឹងមានដំណឹងល្អមួយសម្រាប់បងប្អូនប្រជាជនកម្ពុជា ទាំងមូលផងដែរ…»។
ចំណែកកីឡាករ ធីអាហ្គោ តេសេរ៉ា (Thiago Teixeira) បានបញ្ជាក់ថា រូបគេនឹងខិតខំឱ្យអស់ពីសមត្ថភាព ដើម្បីតំ ណាងឱ្យកម្ពុជា និងប្រេស៊ីល ហើយរូបគេអរគុណចំពោះការគាំទ្រទាំងអស់ដែលរូបគេបាននិងកំពុងទទួល។
លោកធីអាហ្គោ បានសរសេរក្នុងទំព័រហ្វេសប៊ុក របស់ខ្លួន នៅថ្ងៃទី២១ ខែមីនា ឆ្នាំ២០២៣ ថា «I will do my best to represent the Cambodia flag together with the Brazilian flag, I am grateful for all the support I have been receiving God bless us. God is always good (ខ្ញុំនឹងខិតខំឱ្យអស់ពីសមត្ថភាព ដើម្បីតំណាងឱ្យទង់ជាតិ កម្ពុជា រួមជាមួយនឹងទង់ជាតិប្រេស៊ីល។ ខ្ញុំអរគុណចំពោះការគាំទ្រទាំងអស់ដែលខ្ញុំបាននិងកំពុងទទួលព្រះប្រ ទានពរយើង។ ព្រះ គឺតែងតែល្អ»៕ ខៀវទុំ