លោកOleksandr Syrsky មេបញ្ជាការយោធាជាន់ខ្ពស់អ៊ុយក្រែនបានប្តេជ្ញាកាលពីថ្ងៃព្រហស្បតិ៍ថានឹងមានការវាយប្រហារប្រឆាំងនឹងកងកម្លាំងរុស្ស៊ីនៅជិតទីក្រុង Bakhmut ភាគខាងកើតអ៊ុយក្រែននាពេលដ៏ខ្លីខាងមុខនេះដែលជាដំណាក់កាលសម្រាប់ការប្រយុទ្ធដ៏យូរបំផុតនៃការឈ្លានពានរបស់ទីក្រុងម៉ូស្គូ។
មេបញ្ជាការកងទ័ពជើងគោកអ៊ុយក្រែនបាននិយាយថា អ្នកឈ្លានពានមិនបានបោះបង់ក្តីសង្ឃឹមក្នុងការដណ្តើមយកតំបន់ Bakhmut ទោះក្នុងតម្លៃណាក៏ដោយ បើទោះបីជាមានការខាតបង់ផ្នែកកម្លាំងពលកម្ម និងឧបករណ៍ក៏ដោយ។ កម្លាំងប្រយុទ្ធដ៏សំខាន់របស់រុស្ស៊ីនៅជួរមុខនេះគឺក្រុមទាហានស៊ីឈ្នួល Wagner ។
លោកបន្តថារុស្ស៊ី] កំពុងបាត់បង់កម្លាំងសំខាន់ៗ នៅ Bakhmut] និងអស់ថាមពលហើយនៅពេល ឆាប់ៗនេះ យើងនឹងទាញយកប្រយោជន៍ពីឱកាសនេះ ដូចដែលយើងធ្លាប់បានធ្វើកាលពីអតីតកាល នៅតំបន់Kiin Kharkiv, Balakliya និង Kupyansk” ដោយសំដៅទៅលើករណីដែលកងទ័ពរុស្ស៊ីបានដកថយមុនការ ប្រឈមមុខនឹងការវាយលុករបស់អ៊ុយក្រែន។
ធនាគារពិភពលោក៖អ៊ុយក្រែនត្រូវការលុយ៤១១ពាន់លានដុល្លារស្តាប្រទេស
ធនាគារពិភពលោកបានដំឡើងការប៉ាន់ប្រមាណរបស់ខ្លួនសម្រាប់ការចំណាយលើការស្តារ និងកសាងឡើងវិញរបស់អ៊ុយក្រែនពីសង្គ្រាមរបស់រុស្ស៊ីដល់អប្បបរមាចំនួន៤១១ពាន់លានដុល្លារក្នុងទសវត្សរ៍ក្រោយ។
ការវាយតម្លៃនេះត្រូវបានអនុវត្តរួមគ្នាដោយក្រុមធនាគារពិភពលោក រដ្ឋាភិបាលអ៊ុយក្រែន គណៈកម្មការអឺរ៉ុប និងអង្គការសហប្រជាជាតិ។នេះបើយោងតាមរបាយការណ៍របស់AlJazeeraចេញផ្សាយកាលពីថ្ងៃពុធ។តួលេខថ្មីៗនេះបានកើនឡើងពី ៣៤៩ ពាន់លានដុល្លារក្នុងការព្យាករណ៍មុន។
ការខូចខាតដោយផ្ទាល់ចំពោះអគារ និងហេដ្ឋារចនាសម្ព័ន្ធ បានកើនឡើងដល់១៣៥ពាន់លានដុល្លារ មកទល់ពេលនេះ ពីសង្គ្រាមជាងមួយឆ្នាំ។
យោងតាមរបាយការណ៍បានឱ្យដឹងថាផ្ទះប្រហែល២លានខ្នង និងជាង ២០% នៃស្ថាប័នសុខភាពសាធារណៈត្រូវបានខូចខាត ហើយយ៉ាងហោចណាស់មានជនស៊ីវិលចំនួន៩៦៥៥ នាក់ត្រូវបានបញ្ជាក់ថាបានស្លាប់រួមទាំងកុមារចំនួន៤៦១នាក់៕