ទីបំផុតកីឡាករខ្សែប្រយុទ្ធErling Haaland បានតាមស្មើកំណត់ត្រាស៊ុតបញ្ចូលទីរបស់កីឡាករជើងចាស់ របស់ ប្រឺមីញេលីកពីររូបខណៈដែលខ្សែប្រយុទ្ធ Manchester City ស៊ុតបញ្ចូលទីជាលើកទី ៣៤ ក្នុងជំនួបជាមួយ Fulham កាលពីថ្ងៃអាទិត្យ។
Haaland ស៊ុតបាល់ប៉េណាល់ទីនៅនាទីទី ៣នៅឯពហុកីឡដ្ឋាន Craven Cottage តាមស្មើកំណត់ត្រាសរុបនៅ ប្រឺមីញេលីកតែមួយរដូវកាលរបស់ខ្សែប្រយុទ្ធAlan Shearer និង Andy Cole ។Shearer ស៊ុតបាល់បាន៣៤គ្រាប់ សម្រាប់ក្លឹប Blackburn ក្នុងឆ្នាំ ១៩៩៥ហើយកីឡាករ Andy Cole បានស៊ុត បញ្ចូលទីដូចគ្នាសម្រាប់ក្លឹប Newcastle ក្នុងឆ្នាំ១៩៩៤។
ក្រៅពីតាមស្មើកំណត់ត្រារៀមច្បងទាំងពីរខាងលើនេះវាក៏ជាគ្រាប់បាល់ទី៥០របស់ខ្សែប្រយុទ្ធន័រវេសក្នុងការប្រកួតទាំងអស់ចាប់តាំងពីគាត់បានចុះហត្ថលេខាពីក្លឹប Dortmund កាលពីឆ្នាំមុន។Haaland រកបាន ៣៤គ្រាប់នៅប្រឺ មីញេលីកក្នុងការបង្ហាញខ្លួន ៣០ប្រកួត ៕