អតីតនាយករដ្ឋមន្ត្រីថៃលោកថាក់ស៊ីន ស្នើសុំចូល ស្រុកនៅខែកក្កដា ខាងមុខ

អតីតនាយករដ្ឋមន្ត្រីថៃដែលនិរទេសខ្លួនទៅរស់នៅក្រៅប្រទេស(ទីក្រុងឌូបៃ)លោកថាក់ស៊ីនស៊ីណាវ៉ាត្រាបាន បង្ហោះនៅលើប្រព័ន្ធផ្សព្វផ្សាយសង្គមជាថ្មីម្តងទៀតកាលពីថ្ងៃអង្គារដោយនិយាយថាលោកចង់ត្រលប់ទៅប្រទេសថៃវិញនៅខែកក្កដាមុនថ្ងៃខួបកំណើតរបស់ខ្ញុំក្នុងគោលបំណងដើម្បីមើលថែចៅៗរបស់ខ្ញុំ។

លោកបានសរសេរនៅលើ Twitter ថា ជាថ្មីម្តងទៀតខ្ញុំសុំការអនុញ្ញាត។ ខ្ញុំតាំងចិត្តថានឹងត្រលប់មកផ្ទះវិញនៅ ខែកក្កដាមុនថ្ងៃខួបកំណើតរបស់ខ្ញុំដើម្បីមើលថែចៅៗរបស់ខ្ញុំជាពិសេសចៅទី៧របស់កូនស្រីពៅដែលឆ្លងទន្លេកាលពីសប្តាហ៍មុន។ វាមានរយៈពេលជិត ១៧ ឆ្នាំហើយចាប់តាំងពីខ្ញុំបានបែកគ្នាពីគ្រួសាររបស់ខ្ញុំ។ ខ្ញុំចាស់ហើយ ។

សាររបស់លោកថាក់ស៊ីនបានបញ្ជាក់ជាថ្មីពីការចង់ត្រឡប់មកផ្ទះជាលើកទីពីរក្នុងខែនេះគឺនៅថ្ងៃទី២៦ខែកក្កដាចំថ្ងៃកំណើតរបស់លោក។

កាលពីថ្ងៃអង្គារវេលាម៉ោង១០និង២៦នាទីលោកបានបង្ហោះសារម្តងទៀតនៅលើ Twitter ថា កុំបារម្ភថាខ្ញុំនឹងក្លាយ ជាបន្ទុករបស់គណបក្សភឿថៃ ខ្ញុំនឹងចូលដំណើរការផ្លូវច្បាប់។ នៅថ្ងៃដែលខ្ញុំត្រលប់មកវិញ រដ្ឋាភិបាលចាំផ្ទះ របស់ឧត្តមសេនីយ៍ ប្រាយុទ្ធ ចាន់អូចានឹងកន្លែងដែលលោកស្ថិតនៅដដែល។ វាគឺជាការសម្រេចចិត្តរបស់ខ្ញុំផ្ទាល់ – ដោយក្តីស្រឡាញ់និងការភ្ជាប់មកជាមួយគ្រួសាររបស់ខ្ញុំ មាតុភូមិរបស់ខ្ញុំ ។

រហូតមកដល់ពេលនេះគេមិនទាន់ឃើញមានប្រតិកម្មពីរដ្ឋាភិបាលនៅឡើយទេ។ការបង្ហោះដំបូងរបស់លោក បានទាក់ទាញប្រតិកម្មចម្រុះ។ ក្រុមអ្នករិះគន់បាននិយាយថា វាគឺជាការជំរុញចុងក្រោយរបស់គាត់សម្រាប់ គណបក្សភឿថៃរបស់គាត់ ដើម្បីសម្រេចបាននូវគោលដៅរបស់ខ្លួនក្នុងការឈ្នះការ បោះឆ្នោតដោយភ្លូកទឹក ភ្លូកដី ខណៈដែលប្រជាប្រិយភាពរបស់គណបក្សផ្លាស់ទីទៅមុខកំពុងកើនឡើងយ៉ាងឆាប់រហ័សនិងគំរាម កំហែង ។

នៅថ្ងៃទី ២១ខែតុលា ឆ្នាំ ២០១៨ ការិយាល័យព្រហ្មទណ្ឌកម្រិតធ្ងន់នៃអ្នកកាន់តំណែងនយោបាយរបស់តុលាការ កំពូលបានកាត់ទោសគាត់ឱ្យជាប់ពន្ធនាគាររយៈពេល ២ ឆ្នាំបន្ទាប់ពីបានកាត់ទោសគាត់ពីបទរំលោភច្បាប់ជាតិ ប្រឆាំងអំពើពុករលួយក្នុងសំណុំរឿងទិញដីនៅ Ratchadapisek ។លោក ថាក់ស៊ីន បានភៀសខ្លួនចេញពីប្រ ទេសភ្លាមៗមុនពេលតុលាការសម្រេចកាត់ទោស៕