អ្នកនាំពាក្យជាន់ខ្ពស់របស់មន្ទីរបញ្ចកោណបាននិយាយកាលពីថ្ងៃពុធថាយោធាអ៊ុយក្រែនបានបាញ់ទម្លាក់មីស៊ីលដែលមានល្បឿនលឿនជាងសំឡេងKinzhalរបស់រុស្ស៊ីដោយប្រើប្រព័ន្ធការពារដែនអាកាស Patriot របស់ សហរដ្ឋអាមេរិក។
ឧត្តមសេនីយ៍ Patrick Ryder មកពីកងពលតូចបានថ្លែងក្នុងសន្និសីទសារព័ត៌មានខ្ញុំអាច បញ្ជាក់បានថា អ៊ុយ ក្រែនបានបាញ់ទម្លាក់មីស៊ីលរុស្ស៊ី ដោយប្រើប្រាស់ប្រព័ន្ធការពារមីស៊ីល Patriot។ ដូចដែលអ្នកបាន ដឹងហើយ ថាប្រព័ន្ធនោះគឺជាផ្នែកមួយនៃសមត្ថភាពការពារដែនអាកាសដ៏ទូលំទូលាយ ដែលសហរដ្ឋអា មេរិកនិងសហ គមន៍អន្តរជាតិបានផ្តល់ដល់អ៊ុយក្រែន។
ប្រព័ន្ធការពារដែនអាកាសPatriotត្រូវបានប្រើប្រាស់ដោយសហរដ្ឋអាមេរិកប្រឆាំងនឹង មីស៊ីលផ្លោងរបស់អ៊ីរ៉ង់ នៅក្នុងប្រទេសអ៊ីរ៉ាក់ និងអារ៉ាប៊ីសាអូឌីត ប៉ុន្តែនេះជាលើកទីមួយហើយដែលប្រព័ន្ធនេះបានបាញ់ទម្លាក់ មីស៊ីល លឿនជាងសំឡេងរបស់រុស្ស៊ីនៅប្រទេសអ៊ុយក្រែន។
លោក ឧត្តមសេនីយ៍ Patrick Ryder បានបន្ថែមថា សហរដ្ឋអាមេរិក សម្ព័ន្ធមិត្ត និងដៃគូរបស់យើងនឹងបន្តប្រ ញាប់ប្រញាល់នូវសមត្ថភាពការពារដែនអាកាស និងគ្រាប់រំសេវដើម្បីជួយអ៊ុយក្រែនគ្រប់គ្រងដែនអាកាស របស់ខ្លួននិងដើម្បីជួយអ៊ុយក្រែនការពារពលរដ្ឋរបស់ខ្លួនពីមីស៊ីលហ្វូងរបស់រុស្ស៊ីនិងយន្តហោះគ្មានមនុស្សបើករបស់អ៊ីរ៉ង់ដែលមកជួយរុស្ស៊ី។
រដ្ឋបាលលោក បៃដិន កាលពីថ្ងៃអង្គារបានសន្យាផ្តល់ជំនួយយោធារយៈពេលវែង ចំនួន១,២ពាន់លានដុល្លារ បន្ថែមទៀតដល់អ៊ុយក្រែន រួមទាំងប្រព័ន្ធការពារដែនអាកាស និងគ្រាប់រំសេវផងដែរ។