Zlatan Ibrahimovic បានសម្រេចចិត្តទម្លាក់វាំងននចុះក្នុងអាជីពបាល់ទាត់ដ៏យូរ កាលពីថ្ងៃអាទិត្យដោយបានប្រកាសចូលនិវត្តន៍ដែលមិនបានរំពឹងទុកជាមុន។
ខ្សែប្រយុទ្ធជើងចាស់ Ibrahimovic បានបង្ហាញពីការសម្រេចចិត្តចាកចេញពីសមរភូមិវាលស្មៅ បន្ទាប់ពីក្រុម Milan ទទួលជ័យជម្នះ ៣-១ លើ Veronaកាលពីថ្ងៃអាទិត្យ។
Ibrahimovic បាននិយាយថាវាជាពេលដែលត្រូវនិយាយលាបាល់ទាត់ ។វាមានអារម្មណ៍ច្រើនពេកសម្រាប់ខ្ញុំពេលនេះ។ កីឡាករវ័យ៤១ឆ្នាំត្រូវបានគេរំពឹងថានឹងគ្រាន់តែលាទៅកាន់អ្នកគាំទ្រMilanបន្ទាប់ពីការចាកចេញរបស់គាត់ពីម្ចាស់ជើងឯកអឺរ៉ុបប្រាំពីរសម័យត្រូវបានប្រកាសកាលពីថ្ងៃសៅរ៍។
គាត់បានស៊ុតបញ្ចូលទីបាន ៥១១គ្រាប់សម្រាប់ក្លឹបទាំង៤ រួមមាន៖ក្លឹបParis SG, Man United ,Inter និងMilan ដោយឈ្នះពានរង្វាន់លីកក្នុងប្រទេសចំនួន ៤។
គាត់បានត្រលប់មកMilan វិញកាលពីចុងឆ្នាំ ២០១៩ សម្រាប់ការស្នាក់នៅជាលើកទី 2 បន្ទាប់ពីរយៈពេល 2 ឆ្នាំមុនដែលគាត់បានឈ្នះពានរង្វាន់ Serie A ក្នុងឆ្នាំ ២០១១។
Ibrahimovic គឺជាតួអង្គសំខាន់ក្នុងការងើបឡើងវិញរបស់ Milanទៅកាន់កំពូលតារាងនៃបាល់ទាត់អ៊ីតាលីបន្ទាប់ពីការត្រលប់មកក្លឹបវិញដោយបានជួយនាំពួកគេត្រលប់ពីភាពរអាក់រអួល ហើយទីបំផុតបានឈ្នះពានរង្វាន់កាលពីរដូវកាលមុន។
Ibrahimovic បាននិយាយថា លើកទីមួយហើយដែលខ្ញុំមកទីនេះ អ្នកបានផ្តល់សុភមង្គលដល់ខ្ញុំ ហើយលើកទីពីរដែលអ្នកបានផ្តល់ក្តីស្រឡាញ់ដល់ខ្ញុំ។អ្នកបានស្វាគមន៍ខ្ញុំដោយបើកចំហ អ្នកបានធ្វើឱ្យខ្ញុំមានអារម្មណ៍ដូចនៅផ្ទះ ៕