កីឡាករខ្សែបម្រើAngel Di Maria បានបញ្ជាក់កាលពីថ្ងៃអង្គារថាលោកនឹងចាកចេញពី Juventus នៅរដូវក្តៅនេះ បន្ទាប់ពីលេងបានត្រឹមតែមួយរដូវកាលជាមួយក្លឹបអ៊ីតាលី។
Di Maria បាននិយាយនៅលើ Instagram ថា ខ្ញុំបានឈានដល់ទីបញ្ចប់នៃរយៈពេលដ៏លំបាក និងស្មុគស្មាញ មួយ។ខ្ញុំមកទីនេះដើម្បីចង់ឈ្នះពានរង្វាន់ប៉ុន្តែវាមិនអាចទៅរួចទេ។
លោកបានបន្ថែមថា ខ្ញុំចាកចេញដោយភាពល្វីងជូរចត់ ដោយសារតែមិនបានជោគជ័យប៉ុន្តែជាមួយនឹងភាពរីក រាយនៃការមានមិត្តភ័ក្តិជាច្រើនដ៏អស្ចារ្យនៅទីនេះ ខ្ញុំនឹងយកអ្នកទាំងអស់គ្នាដាក់នៅក្នុងបេះដូងរបស់ខ្ញុំ។
Di Maria ធ្លាប់លេងឱ្យ Benfica, Paris SG, Man United និង Real Madrid ។ខ្សែបម្រើស្លាបអាហ្សង់ទីនបានចូលរួម Juventus ពី Paris SG ក្នុងការផ្ទេរដោយឥតគិតថ្លៃកាលពីរដូវកាលមុន។
កីឡាករវ័យ ៣៥ឆ្នាំរូបនេះបានឈ្នះពានរង្វាន់បារាំង Ligue 1 ចំនួន ៥ដងជាមួយនឹងក្រុម Paris SG ។មុនពេល Paris SG គាត់បានឈ្នះពាន អេស្ប៉ាញព្រីមេរ៉ាលីហ្គា ២០១២និង យូហ្វាឆេមពានលីក២០១៤ ជាមួយ Real Madrid។
Di Maria ក៏បានជួយអាហ្សង់ទីនលើកពាន FIFA World Cup ២០២២ និងពាន Copa America ២០២១៕