សមាជិកក្រុមប្រឹក្សាភិបាលនៃក្លឹប Bayern លោក Karl-Heinz Rummenigge បានបញ្ជាក់កាលពីថ្ងៃសៅរ៍ថា ម្ចាស់ជើងឯក ប៊ុនដេស្លីហ្គានឹងចុះហត្ថលេខាលើខ្សែការពារ Raphael Guerreiro ពីក្លឹបគូប្រជែង Dortmund ។
Rummenigge បានប្រាប់គេហទំព័រ DAZN នៅវគ្គផ្តាច់ព្រ័ត្រនៃក្របខ័ណ្ឌ យូហ្វាឆេមពានលីកក្នុង ទីក្រុងអ៊ីស្តង់ ប៊ុលប្រទេសតួកគីថា យើងទទួលបានកីឡាករល្អ Guerreiro និង Konrad Laimer។ Bayern បានបញ្ជាក់ពីការចុះ ហត្ថលេខាលើកីឡាករ Laimer ពី ក្លឹបLeipzig កាលពីថ្ងៃសុក្រ ប៉ុន្តែមិនទាន់បានបញ្ជាក់ការមកដល់របស់កីឡា ករអន្តរជាតិព័រទុយហ្គាល់ Guerreiro ជាផ្លូវការនោះទេ។
សេចក្តីរាយការណ៍ព័ត៌មានកាលពីដើមសប្តាហ៍នេះបាននិយាយថា Bayern និង Guerreiro បានឈានដល់ កិច្ចព្រមព្រៀងផ្ទាល់មាត់មួយលើលក្ខខណ្ឌផ្ទាល់ខ្លួននៃកិច្ចសន្យារយៈពេល ៣ ឆ្នាំ ហើយគាត់នឹងទទួលការ ពិនិត្យសុខភាពនៅសប្តាហ៍ក្រោយ។
ដូចកីឡាករLaimer ដែរ Guerreiro នឹងមកដល់ក្លឹបBayern លើការផ្ទេរដោយឥតគិតថ្លៃ ខណៈដែលគាត់មិនបាន បន្តកិច្ចសន្យារបស់គាត់នៅ Dortmund ជាកន្លែងដែលគាត់បានលេងតាំងពីឆ្នាំ ២០១៦ លើសពីរដូវកាល។លោកRummenigge ក៏បាននិយាយផងដែរថា Bayern កំពុងស្វែងរកខ្សែប្រយុទ្ធម្នាក់បន្ទាប់ពីពួកគេ មិនអាចរៀប ចំបានពេញលេញសម្រាប់ការចាកចេញកាលពីឆ្នាំមុនរបស់កីឡាករRobertLewandowskiដែលស៊ុតបញ្ចូលទី ច្រើនជាងគេគ្រប់ពេល។
អតីតនាយកប្រតិបត្តិក្លឹប Bayern លោក Rummenigge បានវិលត្រឡប់មកក្លឹបវិញនៅក្នុងក្រុមប្រឹក្សាត្រួតពិនិត្យ បន្ទាប់ពីនាយកប្រតិបត្តិ Oliver Kahn និងសមាជិកក្រុមប្រឹក្សាភិបាលសម្រាប់កីឡាលោក Hasan Salihamidzic ត្រូវចាកចេញភ្លាមៗបន្ទាប់ពីBayern បានលើកពានប៊ុនដេស្លីហ្គាកាលពីខែមុន៕