Steven Gerrard បាននិយាយថាខ្ញុំបានសម្រេចចិត្តមិនទទួលយកតួនាទីគ្រូបង្វឹក នៅក្នុងប្រទេសអារ៉ាប៊ីសា អូឌីតបន្ទាប់ពីមានរបាយការណ៍ថាអតីតប្រធានក្រុម Liverpool កំពុងតែពិចារណាលើការផ្តល់ជូន ដើម្បី ក្លាយជាគ្រូបង្វឹករបស់ក្រុម Al-Ettifaq របស់លីកបាល់ទាត់អារ៉ាប៊ីសាអ៊ូឌីត Saudi Pro League ។
បុរសវ័យ ៤៣ ឆ្នាំរូបនេះបានដឹកនាំក្រុម Rangers ឱ្យឈ្នះពានរង្វាន់ ស្កុតឡែនលីកជាលើកដំបូងរបស់ពួកគេ ក្នុងរយៈពេល ១០ឆ្នាំកាលពីឆ្នាំ ២០២១ មុនពេលចាកចេញទៅកាន់ Aston Villa ជាកន្លែងដែលគាត់ត្រូវបាន បណ្តេញចេញកាលពីខែតុលាឆ្នាំមុន។
អតីតប្រធានក្រុមអង់គ្លេសបានប្រាប់ Channel 4 ថា ខ្ញុំត្រូវបានគេអញ្ជើញធ្វើជាគ្រូបង្វឹកនៅទីនោះ។ខ្ញុំបានវិភាគ រឿងនោះក្នុងរយៈពេលពីរបីថ្ងៃចុងក្រោយនេះប៉ុន្តែ ចុងក្រោយខ្ញុំនឹងមិនទទួលយកការផ្តល់ជូននេះទេ។លោកបានបន្ថែមថាមានបុគ្គលល្បី ៗ ជាច្រើនត្រូវបានផ្សារភ្ជាប់ជាមួយនឹងការផ្លាស់ទៅ អារ៉ាប៊ីសាអូឌីតក្នុង ប៉ុន្មានខែថ្មីៗនេះបន្ទាប់ពី Cristiano Ronaldo បានចុះហត្ថលេខាជាមួយ Al-Nassr ក្នុងខែធ្នូ៕