ភ្នំពេញ៖ស្រីស្រស់តន់ ច័ន្ទសីម៉ា គ្មានប្រតិកម្ម ឬឆ្លើយតបចំពោះអ្នកវិភាគដែលថាអាជីពចម្រៀងរបស់នាងនារយៈពេលចុងក្រោយនេះចុះខ្សោយជាងមុនតាមរយៈការធ្លាក់Views បទថ្មីៗ បន្ទាប់ពីនាងបង្ហាញសកម្មភាពគាំទ្រថៅកែយ៉ាងសកម្មដែលប្រឆាំងទៅនិងFan ខ្លះរបស់នាងនោះទេ ហើយផ្ទុយទៅវិញនាងនៅតែត្រៀមចេញបទថ្មីៗជាមួយលោកព្រាប សុវត្ថិ ជាបន្ដទៀតពោលគឺគិតមកដល់ខែ៦ ឆ្នាំ២០២៣ នេះមិនមានដំណឹងថាGalaxy ត្រៀមទិញតារាស្រីជើងខ្លាំងរូបណាយកមកប្រជែងនាងឡើយ ដែលចំណុចនេះមានន័យថាសីម៉ា នៅតែជាតួឯកតទៅទៀត ព្រោះតារាប្រុសលំដាប់ជូរមុខរបស់ផលិតកម្មមួយនេះនៅតែគ្មានជម្រើសច្រៀងជាមួយដៃគូផ្សេងក្រៅពីរូបនាង។ប្រភពបានឲ្យដឹងថាលោកឧកញ៉ាព្រាប សុវត្ថិ ,ខេមរៈ សិរីមន្ដ ,យឹម តាស្រង់ និងឡេង ណាវ៉ាត្រា ដែលពេលខ្លះមានឡើងអក្សរនៅលើបទចម្រៀងថាលោកថៅកែរូបនេះជាអ្នកនិពន្ធបទចម្រៀងនោះនៅតែគាំទ្រនិងចាប់ដៃនាងច័ន្ទសីម៉ា ក្នុងការចេញបទថ្មីៗតទៅទៀត ហេតុនេះហើយអតីតអ្នកស្មូតលេខ១នៅខេត្តតាកែវរូបនេះរូបនេះនឹងមិនបារម្ភច្រើនក្នុងការធ្លាក់កូដ ឬចុះខ្សោយឡើយដ៍រាបណា ឧកញ៉ាទាំង៤រូបខាងលើពេញចិត្តច្រៀងសម្ដែងនិងធ្វើបទចម្រៀងឲ្យនាងច្រៀងតទៀត។ប៉ុន្ដែយ៉ាងណាទស្សនិកជនរងចាំមើលថាការចេញបទថ្មីៗរបស់សីម៉ា ជាមួយលោកឧកញ៉ាសុវត្ថិ នាពេលខាងមុខនេះសន្ទុះនៃការគាំទ្រមកលើនាងពិតជាប្រែប្រួល ពោលគឺចុះខ្សោយជាងមុនដូចការលើកឡើងមែន ឬយ៉ាងណា?
តន់ ច័ន្ទសីម៉ា ជាតារាម្នាក់ដែលល្បីឈ្មោះលឿនជាងអ្នកចម្រៀងស្រីផ្សេងៗទៀត ហើយពេលនេះតម្លៃខ្លួននាងបានវ៉ាអ្នកចម្រៀងរៀមច្បងលំដាប់Grade A ខ្លះទៀតផង ខណៈដែលនាងត្រូវបានគេចាត់ទុកថាមានដៃគូល្អជាងគេនៅឆ្នាំ២០២៣ ព្រោះព្រាប សុវត្ថិ ,ខេមរៈ សិរីមន្ដ និងខេម គឺសុទ្ធតែជាដៃគូរបស់នាងទាំងអស់។ការរកបានដៃគូសុទ្ធតែជាអ្នកខ្លាំងៗរបស់នាងច័ន្ទសីម៉ា នាពេលនេះមានន័យថាតារាចម្រៀងផ្នែកយុវវ័យផ្សេងៗទៀត ពិបាកតាមប្រជែងជាមួយនាងព្រោះរកដៃគូដែលមកផ្ដួលនាងមិនបានឡើយ។ប៉ុន្ដែភាពខ្វែងគំនិតជាមួយFan មួយចំនួន១ប្រាវរបស់នាងសីម៉ា នាមុននេះធ្វើឲ្យអ្នកតាមដានបទចម្រៀងនាងថាមិនសូវមានViews ខ្ពស់ដូចមុនទេ ហេតុនេះហើយការប្រែប្រួលកេរ្ដិ៍ឈ្មោះរបស់នាងក្នុងអាជីពចម្រៀងមានគ្រប់ពេលវេលាទាំងអស់ ប្រសិនបើនាងហ៊ានតែថ្លោះធ្លោយនូវចំណុចណាមួយនោះ ទោះជានាងមានបទចម្រៀងល្បីៗ និងមានដៃគូពិសេសយ៉ាងណាក៍ដោយ ព្រោះមានតែមហាជនទេ ជាអ្នកកំណត់ពីជោគវាសនាតារាបាន។
គូរបញ្ជាក់ថានាងតន់ ច័ន្ទសីម៉ា ក្រៅពីឈលើគេនៅGalaxy ក្នុងនាមជាតារាចម្រៀងស្រីនោះនាងក៍ស្ថិតក្នុងការគ្រងតំណែងជាតួឯកភាពយន្ដរបស់ផលិតកម្មមួយនេះដែរក្នុងជំហ៊ានបន្ទាប់។តារាវ័យ២៥ឆ្នាំនេះ ត្រូវបានអ្នកគ្រប់គ្រងGalaxy កំណត់តម្លៃខ្លួននាងច្រៀងConcerts ធំ១កម្មវិធីស៊ីថ្លៃ៥ពាន់ដុល្លារ ស្របពេលដែលច្រៀងតាមទូរទស្សន៍ម្ដងពី១ទៅ២ពាន់ដុល្លារ ទើបធ្វើឲ្យអ្នកដឹកនាំកម្មវិធីប្រគុំតន្រ្ដីថ្ងូរដូចព្រាប ព្រោះគ្មានលទ្ធភាពជួល នាំឲ្យនាងសីម៉ា បាត់បង់ឱកាសចេញច្រៀងតាមឆាកទូរទស្សន៍ស្ទើតែទាំងស្រុង ព្រោះបើគេហៅនាងម្នាក់ ស្មើតារាល្បីល្មមៗ១០នាក់ឯណ្ណោះ។តែក្រៅពីនាងសីម៉ា ក៍មានលោកសុវត្ថិ ,សិរីមន្ដ និងខេម ក៍កម្រនឹងឡើងឆាកទូរទស្សន៍ដូចគ្នាដែរនាពេលនេះព្រោះពួកគេខ្លាចចេញមុខញឹកពេកនាំតែគេសាំផង និងអ្នកដឹកនាំកម្មវិធីគ្មានលទ្ធភាពជួលផង លើកលែងតែខាងក្រុមហ៊ុនឧបត្ថម្ភកុម្មង់តែម្ដង។
អ្នកជំនាញសិល្បៈលើកឡើងថាតំណែងរបស់នាងតន់ ច័ន្ទសីម៉ា គ្មានសុវត្ថិភាពយូអង្វែងនោះទេ ព្រោះមិនយូឡើយហ្គាឡាក់ស៊ី នឹងទិញតារាស្រីជើងខ្លាំងរូបណាចូលមកចូលរួមជាមិនខាន ដោយសារខ្លួនមានសុទ្ធតែតារាប្រុសលំដាប់ជូរមុខក្នុងកណ្ដាប់ដៃ ហើយរឿងអីដែលមានតារាស្រីតែម្នាក់ជារៀងរហូត?ប៉ុន្ដែនាងសីម៉ា ធ្លាប់ចេញសារថានៅលើលោកនេះគ្មានអ្វីថិតថេរនោះទេ ហើយនៅ១០ឆ្នាំ ខាងមុខទៀតមិនដឹងជាមានរឿងអ្វីកើតឡើងឡើយ ដែលនេះជាសញ្ញាមួយបញ្ជាក់ថានាងបានត្រៀមចិត្តកាយ រួចរាល់ថាអាជីពសិល្បៈគឺបែបនេះឯង។ដោយឡែករឿងស្នេហាវិញតារាវ័យ២៥ឆ្នាំ រូបនេះបិតមុខគូស្នេហ៍ជិតឈឹង ក្រោយឧកញ៉ាពោះម៉ាយម្នាក់ដែលធ្លាប់ស្និតស្នេហ៍នាងត្រៀមរៀបការជាមួយអ្នកមេម៉ាយទ្រព្យស្ដុកម្នាក់។សីម៉ា ធ្លាប់ប្រាប់ទៅ អ្នកគាំទ្រនាងថាខ្លួនរកតែសង្សារ១បណ្ដើរដូចគេគ្មានឡើយ ហើយនាងថែមទាំងតូចចិត្តទៀតផងថាពេលនាងនិយាយបែបនោះគ្មានអ្នកណាជឿរនាងទេ៕
