Juventus បានចុះហត្ថលេខាលើខ្សែប្រយុទ្ធអាមេរិកTimothy Weahក្នុងកិច្ចសន្យាអចិន្ត្រៃយ៍កាលពីថ្ងៃសៅរ៍។ក្លឹបអ៊ីតាលីបាននិយាយនៅក្នុងសេចក្តីថ្លែងការណ៍មួយថាTimothy Weah បានក្លាយជាកីឡាកររបស់ Juventus ជាផ្លូវការហើយ។
Weah ចូលរួមជាមួយក្លឹបដែលមានមូលដ្ឋាននៅទីក្រុង Turin ក្នុងតម្លៃខ្លួន១៣លានដុល្លារបន្ទាប់ពីមួយរដូវកាលគាត់មិនអាចរកគ្រាប់បាល់បាន។
Timothy វ័យ ២៣ឆ្នាំ អតីតកីឡាករ Paris SG (PSG) និង Lille នឹងលេងនៅក្របខ័ណ្ឌអ៊ីតាលី Serie A ជាលើកដំបូង។ ឪពុករបស់លោកគឺ George Weah គឺជាខ្សែប្រយុទ្ធរបស់ Milan ក្នុងឆ្នាំ ១៩៩៥-២០០០ ហើយបានឈ្នះពានរង្វាន់អ៊ីតាលីចំនួនពីរនៅទីនោះ។
Timothy បានឈ្នះជើងឯកបារាំងបីដង ពីរដងជាមួយ PSG និងមួយដងជាមួយ Lille ។គាត់ក៏ធ្លាប់ឈ្នះជើងឯកស្កុតឡែនជាមួយ Celtic ។
Timothyដែលមានដើមកំណើតនៅញូវយ៉កក៏លេងឱ្យក្រុមជម្រើសជាតិអាមេរិកផងដែរ។នៅជាមួយក្រុមជម្រើសជាតិធ្លាប់បង្ហាញខ្លួន៣១ប្រកួតនិងស៊ុតបាល់បាន ៤គ្រាប់៕