ខ្សែការពារសញ្ជាតិបារាំង Lucas Hernandez បានសម្រេចចិត្តផ្លាស់ទ្រនំពី Bayern ទៅ Paris SG ។នេះបើយោង តាមក្លឹបម្ចាស់ជើងឯកអាល្លឺម៉ង់ប៊ុនដេស្លីហ្គាបានបានប្រកាសកាលពីថ្ងៃអាទិត្យ។នាយកប្រតិបត្តិក្លឹប Bayern លោក Jan-Christian Dreesen បាននិយាយថា យើងសូមថ្លែងអំណរគុណដល់Lucas Hernandez សម្រាប់ រយៈ ពេល៤ឆ្នាំដ៏ជោគជ័យជាមួយគ្នា។ គាត់តែងតែផ្តល់អ្វីៗគ្រប់យ៉ាងយើងតែងតែចាប់អារម្មណ៍ដោយស្មារតីប្រយុទ្ធ និងចំណង់ចំណូលចិត្តរបស់គាត់។
Bayern នឹងទទួលបាន ៥៤,៨ លានដុល្លារសម្រាប់ការផ្ទេរនេះ ខណៈដែលHernandezនឹងក្លាយជាការចាកចេញ ថ្លៃបំផុតរបស់ក្លឹប។
Hernandez បាននិយាយថាខ្ញុំពិតជារំភើបណាស់។ ខ្ញុំបានរង់ចាំចូលរួមជាមួយ PSG ជាយូរមកហើយ ហើយទីបំ ផុតវាបានកើតឡើង។ វាជាថ្ងៃដ៏ពិសេសសម្រាប់ខ្ញុំ ហើយខ្ញុំរីករាយណាស់ដែលបាននៅទីនេះ។ខ្សែការពាររូបនេះបានចូលរួមជាមួយ Bayern ក្នុងឆ្នាំ២០១៩ពី At Madridក្នុងតម្លៃជាង៨០លានដុល្លារដែលបាន
ក្លាយជាកីឡាករថ្លៃបំផុតសម្រាប់ម្ចាស់ជើងឯកកំណត់ត្រាអាល្លឺម៉ង់។Bayern ត្រូវបានគេរាយការណ៍ថាបានចុះ ហត្ថលេខាលើខ្សែការពារ Kim Min Jae របស់ Napoli រួចជាស្រេចដើម្បីជំនួស Hernandezប៉ុន្តែការប្រកាសជា ផ្លូវការមិនទាន់មកដល់នៅឡើយទេ៕