ក្លឹបកាំភ្លើងធំArsenalបានបញ្ជាក់ពីការចុះហត្ថលេខាទិញខ្សែបម្រើសញ្ជាតិអង់គ្លេស Declan Rice ពី West Ham ក្នុងតម្លៃ ជាង១៣០លានដុល្លារបូកនឹងប្រាក់លើកទឹកចិត្តជាង៦លានដុល្លារបន្ថែមទៀត។ Rice បានចុះហត្ថលេខាលើកិច្ចសន្យារយៈពេល៥ឆ្នាំជាមួយក្រុមArsenalក្នុងកិច្ចព្រមព្រៀងដែលមានជម្រើសមួយឆ្នាំទៀត។ការប្រកាសរបស់ក្លឹបកាំភ្លើងធំបានធ្វើឡើងបន្ទាប់ពីកីឡាករវ័យ២៤ឆ្នាំរូបនេះបានចេញលិខិតចំហមួយទៅកាន់អ្នកគាំទ្ររបស់ក្លឹបញញួរធំដោយនិយាយថាវាគឺជាការសម្រេចចិត្តដ៏លំបាកដែលខ្លួនបានចាកចេញពីក្លឹបនេះ។
លោក Mikel Arteta អ្នកចាត់ការទូទៅរបស់ក្រុម Arsenal បាននិយាយថា គាត់គឺជាកីឡាករដែលមានសមត្ថភាពដ៏អស្ចារ្យ ដែលបានសម្តែងក្នុងកម្រិតខ្ពស់នៅក្នុងក្របខ័ណ្ឌ ប្រឺមីញេលីកនិងសម្រាប់ប្រទេសអង់គ្លេសជាច្រើនរដូវកាលឥឡូវនេះ។
Declan Rice បាននិយាយថា ខ្ញុំបានសម្លឹងមើលក្រុម Arsenal ក្នុងរយៈពេលពីរបីរដូវកាលចុងក្រោយនេះ។គាត់បានបន្តថាមិនមែនរដូវកាលមុនទេ ប៉ុន្តែរដូវកាលមុនមួយទៀត ពួកគេ ត្រឹមតែបានបញ្ចប់ក្នុងចំណាត់ថ្នាក់លេខប្រាំប៉ុន្តែអ្នកអាចឃើញទម្រង់លេងរបស់ Mikel កំពុងអនុវត្តបានយ៉ាងល្អ ៕