យោងតាមប្រភពព័ត៌មានប៊ីប៊ីស៊ីចេញផ្សាយកាលពីថ្ងៃចន្ទ ទី ១៧ កក្កដាឆ្នាំ ២០២៣ បានឲ្យដឹងថា ក្លឹប Chelseaបានចុះហត្ថលេខាទិញខ្សែបម្រើស្លាបសញ្ជាតិប្រេស៊ីល Angelo Gabriel ពីក្លឹបបាល់ទាត់ប្រេស៊ីលSantos ។នៅក្នុងលក្ខខណ្ឌនៃកិច្ចព្រមព្រៀងនេះមិនត្រូវបានបង្ហាញឱ្យដឹងលម្អិតនោះទេប៉ុន្តែប្រព័ន្ធផ្សព្វផ្សាយរបស់អង់គ្លេសបានរាយការណ៍ថាកីឡាករវ័យ១៨ឆ្នាំរូបនេះបានចុះហត្ថលេខាលើកិច្ចសន្យារយៈពេលវែងបន្ទាប់ពី Chelsea បានចំណាយប្រាក់ ១៨លានដុល្លារទៅឱ្យក្រុមប្រេស៊ីលស៊េរី A ។
Angelo មកដល់ក្លឹបនៅទីក្រុងឡុងដ៍ បន្ទាប់ពីបង្ហាញខ្លួនបាន ១២៩ប្រកួតសម្រាប់ Santos នៅគ្រប់ការប្រកួតទាំង អស់ ដោយស៊ុតបញ្ចូលទីបាន ៥ គ្រាប់ និងបញ្ជូន ១៩ លើក។
កីឡាករជម្រើសជាតិប្រេស៊ីល U-20 បានក្លាយជាកីឡាករក្មេងបំផុតដែលបានបង្ហាញខ្លួនក្នុងក្របខ័ណ្ឌ កំពូល របស់ប្រេស៊ីលនៅអាយុ១៥ឆ្នាំ៣០៨ថ្ងៃក្នុងឆ្នាំ២០២០ដោយបានបំបែកកំណត់ត្រាចាស់ដែលគ្រប់គ្រងដោយលោក Pele ។
គាត់ក៏ជាកីឡាករក្មេងបំផុតដែលរកគ្រាប់បាល់បានក្នុងប្រវត្តិសាស្ត្រ Copa Libertadores៕