ខ្សែបម្រើ Carney Chukwuemeka របស់ក្លឹប Chelsea បានទទួលការវះកាត់បន្ទាប់ពីរបួសជង្គង់អំឡុងពេល ការប្រកួត ប្រឺមីញេលីកកាលពីថ្ងៃអាទិត្យជាមួយនឹងក្រុម West Ham ។
Chukwuemeka បានរកគ្រាប់បាល់តាមស្មើ មុនពេលត្រូវបានបង្ខំឱ្យចេញពីទីលានប្រកួតតង់ទី 2 នៅកីឡដ្ឋាន London Stadium ដែល Chelsea បានរងបរាជ័យក្នុងលទ្ធផល៣-១ទល់នឹង West Ham ។
Chelsea បាននិយាយនៅក្នុងសេចក្តីថ្លែងការណ៍មួយថា Carney បានទទួលការវះកាត់ ហើយឥឡូវនេះគាត់នឹង ចាប់ផ្តើមជាសះស្បើយបណ្តើរៗហើយ ។
កីឡាករវ័យ១៩ឆ្នាំនឹងធ្វើ ការស្តារនីតិសម្បទារបស់គាត់នៅ កន្លែងហ្វឹកហាត់របស់ Chelsea។ Chelsea បានចុះ ហត្ថលេខាលើកីឡាករជម្រើសជាតិយុវជនអង់គ្លេសពី Aston Villa ក្នុងកិច្ចសន្យារយៈពេលប្រាំមួយឆ្នាំកាលពី ដើមខែនេះ។
Chukwuemeka និយាយនៅលើ Instagramថា ពីភាពរីករាយ ទៅឈឺចាប់ក្នុងរយៈពេលប៉ុន្មាននាទី… ជាមួយនឹង គ្រាប់បាល់ដំបូងរបស់ខ្ញុំសម្រាប់ Chelsea ។
វាជាការថយក្រោយតិចតួច ប៉ុន្តែខ្ញុំនឹងត្រលប់មកវិញជាមួយនឹងភាពខ្លាំងជាងមុន។ អរគុណអ្នកគាំទ្រ Chelsea សម្រាប់ការស្រលាញ់ និងគាំទ្ររបស់អ្នក។ ជួបគ្នាឆាប់ៗនេះ៕