Chelsea គ្រោងនឹងបញ្ចប់ការចុះហត្ថលេខាលើអ្នកចាំទី Djordje Petrovic ពីក្លឹបបាល់ទាត់អាមេរិក New England Revolution ក្នុងតម្លៃជាង១៥លានដុល្លារ បូកនឹងប្រាក់បន្ថែមជាង៣លានដុល្លារ។
កីឡាករអន្តរជាតិស៊ែប៊ីវ័យ ២៣ ឆ្នាំរូបនេះនឹងប្រជែងជាមួយ Robert Sanchez ដើម្បីដណ្តើមបានចំណាត់ថ្នាក់លេខ១នៅ ពហុកីឡដ្ឋាន Stamford Bridge ។
ការចង់បានរបស់ក្លឹប Chelsea បានកើតឡើងបន្ទាប់ពី Kepa Arrizabalaga បានចាកចេញពីក្លឹបទៅចូលរួមជាមួយ Real Madrid ក្នុងលក្ខខណ្ឌខ្ចីជើង និង Edouard Mendy បានចុះហត្ថលេខាជាមួយ ក្លឹបAl-Ahli ។Petrovic លេងបាន ៤៣ដងសម្រាប់ក្លឹប New England Revolution និងបានលេងអោយក្រុមជម្រើសជាតិស៊ែប៊ីចំនួន២ដង។
អ្នកចាំទីរបស់ក្រុមតោខៀវ Chelsea កីឡាករ Marcus Bettinelli បច្ចុប្បន្នអវត្តមានដោយសាររបួស ខណៈដែល Lucas Bergstrom វ័យ 20 ឆ្នាំបានអង្គុយកៅអីបម្រុងរបស់លោក Mauricio Pochettino សម្រាប់ពីរប្រកួតដំបូងនៃរដូវកាល ប្រឺមីញេលីក៕
ក្លឹបបានចំណាយប្រហែល 323 លានផោនលើកីឡាករប្រាំបីនាក់នៅក្នុងទីផ្សារដោះដូរកីឡាករនេះ ច្រើនជាងភាគីផ្សេងទៀតនៅអឺរ៉ុប ហើយបានបំបែកកំណត់ត្រាសម្រាប់ការចំណាយរដូវក្តៅខ្ពស់បំផុតដោយក្លឹបណាមួយក្នុងពិភពលោក – បំបែកកំណត់ត្រាក្លឹប Real Madrid 292 លានផោនក្នុងឆ្នាំ 2019 ៕