ក្លឹបBrighton បានចុះហត្ថលេខាទិញខ្សែបម្រើសញ្ជាតិកាមេរូន Carlos Baleba ដោយមានកិច្ចសន្យា រយៈពេលប្រាំឆ្នាំក្នុងតម្លៃ ជាង៣០លានដុល្លារ ពីក្លឹបបាល់ទាត់បារាំង Lille ។កីឡាករវ័យ១៩ឆ្នាំទើបតែបង្ហាញខ្លួនលើកដំបូងនៅ Lille កាលពី១២ខែមុនប៉ុន្តែបានបង្កើតកេរ្តិ៍ឈ្មោះគួរ ឲ្យចាប់អារម្មណ៍។
Baleba នឹងបំពេញចន្លោះប្រហោងដែលបន្សល់ទុកដោយខ្សែបម្រើសញ្ជាតិអេក្វាឌ័រ Moises Caicedo ដែល បានចេញពី Brighton ទៅចូលរួមជាមួយ Chelsea ក្នុងតម្លៃឯតទគ្គកម្ម ជាង១២០លានដុល្លារ។លោក Roberto de Zerbi គ្រូបង្វឹក Seagulls បាននិយាយថា គាត់នឹងក្លាយជាកីឡាករឆ្នើម របស់ក្លឹបនា ពេលអនាគត ។
លោកDe Zerbi បានបន្ថែមថា Carlos គឺជាកីឡាករដ៏ល្អម្នាក់។ គាត់នៅក្មេងប៉ុន្តែជាកីឡាករជាក់លាក់សម្រាប់ ទម្រង់លេងរបស់យើង។
Baleba បានផ្លាស់ទៅ Lille ក្នុងខែមករា ឆ្នាំ 2022 មុនពេលចាប់ផ្តើម Ligue 1 ជាលើកដំបូង 12 ខែក្រោយមក។
Baleba បានបង្ហាញខ្លួន ១៩ប្រកួតសម្រាប់ Lille កាលពីរដូវកាលមុន។គាត់លេងបានពីរប្រកួតក្នុងយុទ្ធនាការនេះមុនពេលត្រូវបានទុកនៅលើកៅអីបម្រុងសម្រាប់ការបរាជ័យ៤-១ របស់ Lilleប៉ះជាមួយ Lorient កាលពីថ្ងៃអាទិត្យ៕