ទោះបីក្លឹបបិសាចក្រហមMan Utd ធ្លាប់ច្រានចោលលុយជាង 15 លានដុល្លារពីក្លឹបLyon តែពេលនេះគេបានសម្រេចលក់កីឡាករ Memphis Depay ទៅឲ្យក្លឹបនេះវិញហើយ ។ក្លឹបMan utd បាននិយាយថា នៅសល់រយៈពេល48 ម៉ោងទៀតកីឡាករសញ្ជាតិហុល្លង់ នឹងត្រូវចាកចេញពីទឹកដី Old Trafford ហើយ។ទាក់ទងទៅហ្នឹងការផ្លាស់ប្តូរចិត្តចុងក្រោយនេះ ក្លឹបMan Utd មិនបានបង្ហើបឲ្យដឹងពី តម្លៃខ្លួននោះទេ តែអាចលើសពី15 លានដុល្លារ ទើបក្លឹបនេះព្រមលក់។Depay បានចូលទីលានតែមួយប្រកួតគត់ក្នុងអំឡុងពេលប្រកួត EFLCup ជួបជាមួយក្លឹប Northampton ចាប់តាំងពីខែកញ្ញា 2016 មកដល់ពេលនេះ។
ក្លឹបMan Utd បានទិញកីឡាករវ័យ22ឆ្នាំរូបនេះពីក្លឹបបាល់ទាត់ហុល្លង់PSVតម្លៃជាង30 លានដុល្លារកាលពីឆ្នាំ2015 ។
ក្រៅពីក្លឹបLyon ក្លឹបEverton ក៏ចាប់អារម្មណ៍ចង់បានកីឡាកររូបនេះដែរ តែក្លឹបMan Utd មិនព្រមលក់ឲ្យទេ ពីព្រោះគេចង់លក់ កីឡាករនេះទៅឲ្យឆ្ងាយកុំឲ្យវិលត្រឡប់មកជួបមុខគ្នាទៀត៕