ក្រុមបាល់ទាត់នារីដែលឈ្នះពានបាល់ទាត់ពិភពលោករបស់អេស្ប៉ាញបានយល់ព្រមបញ្ចប់ការធ្វើពហិការរបស់ពួកគេ បន្ទាប់ពីសហព័ន្ធកីឡាបាល់ទាត់ (RFEF) បាននិយាយថា ខ្លួននឹងធ្វើឱ្យមានការផ្លាស់ប្តូរភ្លាមៗ និងយ៉ាង ជ្រាលជ្រៅចំពោះរចនាសម្ព័ន្ធរបស់ខ្លួន។ នេះបើយោងតាមរដ្ឋលេខាធិការកីឡាអេស្ប៉ាញ Victor Francos ។ទាំងលោក Francos និង Rafael del Amo ប្រធានគណៈកម្មាធិការជាតិសម្រាប់កីឡាបាល់ទាត់នារី មិនបាន បញ្ជាក់លម្អិតអំពីកិច្ចព្រមព្រៀងនោះទេ ដោយគ្រាន់តែនិយាយថាពួកគេនឹងត្រូវបានប្រកាស ឆាប់ៗនេះ។
ការសម្រេចចិត្តនេះបានកើតឡើងកាលពីវេលាម៉ោងប្រហែល ៥ ព្រឹកបន្ទាប់ពីកិច្ចប្រជុំជាង៧ ម៉ោងនៅសណ្ឋា គារក្នុង Oliva មួយម៉ោងពី Valencia ដែលមានការចូលរួមពីកីឡាករ មន្ត្រី RFEF ក្រុមប្រឹក្សាកីឡា ជាតិរបស់ អេស្ប៉ាញ (CSD) និងសហព័ន្ធកីឡានារី Futpro ។
ប្រធាន CSD លោក Victor Francos បានប្រាប់អ្នកយកព័ត៌មានថាគណៈកម្មាការរួម មួយនឹងត្រូវបានបង្កើតឡើង រវាង RFEF, CSD និងកីឡាករដើម្បីតាមដានលើកិច្ចព្រមព្រៀងដែលនឹងត្រូវបានចុះហត្ថលេខានៅថ្ងៃស្អែក៕