ប្រទេសចិនបាននិយាយកាលពីថ្ងៃអង្គារថា ខ្លួនបានយល់ព្រមជាមួយប្រទេសជប៉ុន និងកូរ៉េខាងត្បូងដើម្បីរៀបចំកិច្ចប្រជុំកំពូលរវាងមេដឹកនាំប្រទេសទាំងបី ឱ្យបានឆាប់តាមដែលអាចធ្វើទៅបាន បន្ទាប់ពីកិច្ចប្រជុំដ៏កម្រមួយរវាងអ្នកការទូតជាន់ខ្ពស់នៅទីក្រុងសេអ៊ូល។
កិច្ចពិភាក្សាត្រីភាគី ដែលចូលរួមដោយអនុរដ្ឋមន្ត្រី និងជំនួយការមកពីប្រទេសទាំងបី ត្រូវបានគេមើលឃើញថាជាការប៉ុនប៉ងដើម្បីបន្ធូរបន្ថយកង្វល់របស់ទីក្រុងប៉េកាំងជុំវិញទំនាក់ទំនងសន្តិសុខកាន់តែស៊ីជម្រៅរបស់ទីក្រុងវ៉ាស៊ីនតោនជាមួយទីក្រុងតូក្យូ និងទីក្រុងសេអ៊ូល។
ទីក្រុងប៉េកាំងបានពណ៌នាពួកគេថាជា ការពិភាក្សាស៊ីជម្រៅលើការជំរុញឱ្យមានស្ថេរភាពនៃកិច្ចសហប្រតិបត្តិការឡើងវិញ។
អ្នកនាំពាក្យក្រសួងការបរទេសចិន លោក Wang Wenbin បាននិយាយថា វាត្រូវបានព្រមព្រៀងថា ការអនុវត្តកិច្ចសហប្រតិបត្តិការរវាងប្រទេសចិន ជប៉ុន និងកូរ៉េខាងត្បូង គឺជាផលប្រយោជន៍រួមរបស់ភាគីទាំងបី ។
លោក Wang បាននិយាយថា ប្រទេសទាំងបីបានយល់ព្រមរៀបចំកិច្ចប្រជុំរដ្ឋមន្ត្រីការបរទេសរបស់ពួកគេ នៅប៉ុន្មានខែខាងមុខនេះនិងដើម្បីជំរុញ ការរៀបចំកិច្ចប្រជុំរបស់មេដឹកនាំឱ្យបានឆាប់តាមដែលអាចធ្វើទៅបាន ក្នុងពេលដែលងាយស្រួលសម្រាប់ប្រទេសទាំងបី” ។
ក្រសួងការបរទេសកូរ៉េខាងត្បូងក៏បាននិយាយផងដែរថា អ្នកការទូតបានយល់ព្រមរៀបចំកិច្ចប្រជុំកំពូលត្រីភាគីនៅពេលវេលាដ៏ល្អបំផុតដែលអាចធ្វើទៅបាន និងធ្វើជាម្ចាស់ផ្ទះកិច្ចប្រជុំថ្នាក់រដ្ឋមន្ត្រីត្រីភាគី។កិច្ចប្រជុំកំពូលចុងក្រោយនេះបានធ្វើឡើងក្នុងឆ្នាំ ២០១៩។
ចាប់តាំងពីពេលនោះមកកិច្ចប្រជុំកំពូលរបស់មេដឹកនាំផ្សេងទៀតមិនត្រូវបានធ្វើឡើងទេ ដោយសារតែជម្លោះការទូត និងប្រវត្តិសាស្ត្ររវាងទីក្រុងសេអ៊ូល និងតូក្យូ ដែលផ្នែកមួយត្រូវបានផ្សារភ្ជាប់ទៅនឹងការគ្រប់គ្រងអាណានិគមរបស់ប្រទេសជប៉ុនលើឧបទ្វីបកូរ៉េពីឆ្នាំ ១៩១០ ដល់ឆ្នាំ ១៩៤៥ ៕