កណ្ដាល៖ការប្រកួតគុនខ្មែរ លក្ខណៈអន្ដរជាតិនៅស្ថានីយ៍ទូរទស្សន៍កងយោធពលខេមរភូមិន្ទ ប៉ុស្ដិ៍លេខ៥ បានឈានមកដល់សប្ដាហ៍ទី៥ ហើយកាលពីល្ងាចថ្ងៃទី៥ ខែវិច្ឆិកា ឆ្នាំ២០២៣ ខណៈទស្សនិកជននៅតែមកទស្សនាណែនស្ទូឌីយូ និងជក់ចិត្តខ្លាំងតាំងពីគូប្រកួតទី១ដល់ទី៥ ។
![](https://norkorthom.com/wp-content/uploads/2023/11/q2-1-1024x680.jpg)
![](https://norkorthom.com/wp-content/uploads/2023/11/q4-1-1024x680.jpg)
![](https://norkorthom.com/wp-content/uploads/2023/11/q5-1-1024x680.jpg)
![](https://norkorthom.com/wp-content/uploads/2023/11/q6-2-1024x680.jpg)
![](https://norkorthom.com/wp-content/uploads/2023/11/q7-2-1024x680.jpg)
សម្រាប់លទ្ធផលទាំង៥ ប្រកួតគឺគូពិសេសទី១៖កីឡាករបង្គោលក្រហមនៅ សុខទី ក្លឹបតាឡីដំរីមានរិទ្ធ ប្រភេទទម្ងន់៥៤ គ.ក្រ យកឈ្នះដោយពិន្ទុ លើបង្គោលខៀវកីឡាកររិទ្ធី នឹមណូ មកពីក្លឹប ស៊ុនព័រហ្វៃ ,គូពិសេសទី២៖កីឡាករបង្គោលក្រហមប៊ន ពន្លឹក មកពីក្លឹបនាគរាជចតុមុខ សមាគមន៍កីឡាប្រដាល់ក្រសួងមហាផ្ទៃ ប្រភទទម្ងន់៥១ គ.ក្រ បានផ្ដួលកីឡាករបង្គោលខៀវធន់ វិស្នុ សមាគមកីឡាប្រដាល់ក្រសួងការពារជាតិនៅត្រឹមទឹកទី៣ ដោយក្បាច់ពិសេសនាគវាត់កន្ទុយ,គូអន្ដរជាតិទី៣៖បង្គោលក្រហមធន់ ស៊ីហុង ប្រកួតទម្ងន់៦០ គ.ក្រ មកពីសមាគមកីឡាប្រដាល់ខ.ភ.ម បានយកឈ្នះបង្គោលខៀវតុង មឿងថង (Thong Moeurng Thang) (Thailand) ដោយពិន្ទុ ,គូអន្ដរជាតិទី៤ ៖បង្គោលក្រហមកីឡាករអេលីត ភក្ដី ទម្ងន់៦៧គ.ក្រ ចាញ់ពិន្ធុកីឡាករបង្គោលខៀវនឹង ត្រាកាណ (Noeng Trakarn) Thailand ដោយពិន្ទុ និងគូអន្ដរជាតិទី៥៖កីឡាករបង្គោលក្រហមចក់ ស៊ីវិន ក្លឹប មហិទ្ធិរិទ្ធិមេសរថ្ងកខេត្តស្វាយរៀង សមាគមកីឡាប្រដាល់ខ.ភ.ម ទម្ងន់៦០ គ.ក្រ ស្មើពិន្ទុគ្នាជា មួយកីឡាករបង្គោលខៀវពេជ្រ ណាខន (Pich Nakhorn) Thailand ។
![](https://norkorthom.com/wp-content/uploads/2023/11/q8-1-1024x680.jpg)
![](https://norkorthom.com/wp-content/uploads/2023/11/q10-1-1024x680.jpg)
![](https://norkorthom.com/wp-content/uploads/2023/11/q11-2-1024x680.jpg)
![](https://norkorthom.com/wp-content/uploads/2023/11/q12-1024x680.jpg)
![](https://norkorthom.com/wp-content/uploads/2023/11/q14-1024x680.jpg)
![](https://norkorthom.com/wp-content/uploads/2023/11/q15-1024x680.jpg)
មជ្ឈដ្ឋានមហាជនបានសរសើរចំពោះការជ្រើសរើសកីឡាករមកប្រកួតរបស់ប៉ុស្ដិ៍លេខ៥ ដែលទាំងគូពិសេស និងគូអន្ដរជាតិ កីឡាករប្រកួតគ្នាដោយអស់ពីសម្ថភាពធ្វើឲ្យអ្នកទស្សនាជក់ចិត្តខ្លាំង ហើយសម្លេងហោពេញស្ទូឌីយោតែម្ដងជារៀងរាល់សប្ដាហ៍។ទស្សនិកជនអាចមកទស្សនាដោយផ្ទាល់នៅស្ទូឌីយោ ប៉ុស្ដិ៍លេខ៥ ព្រែកកំពឹស ឬតាមAp Tv5 Cambodia Facebook និងតាមយូធូបរៀងរាល់ល្ងាចថ្ងៃអាទិត្យចាប់ពីម៉ោង៦ល្ងាចតទៅ។ចំពោះការតំណើរការដោយរលូនប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ ទៅបានដោយសារតែមានការឧបត្ថម្ភធំពីទឹកបរិសុទ្ធលីយ៉ង និងក្រុមហ៊ុនទឹកកកអនាម័យPremium ៕
![](https://norkorthom.com/wp-content/uploads/2023/11/q1-2-1024x680.jpg)
![](https://norkorthom.com/wp-content/uploads/2023/11/q13-1-1024x680.jpg)
![](https://norkorthom.com/wp-content/uploads/2023/11/q9-1-1024x680.jpg)