កីឡាករCole Palmer, Ezri Konsa និង Rico Lewis ត្រូវបានកោះហៅចូលក្រុមជម្រើសជាតិអង់គ្លេសជាលើកដំបូងសម្រាប់ការប្រកួតជម្រុះ យូរ៉ូចំនួនពីរបន្ទាប់ពីការដក James Maddison, Callum Wilson និង Lewis Dunk ដោយសារតែរបួស។
ខ្សែប្រយុទ្ធ Palmer របស់ Chelsea និងខ្សែការពារ Lewis របស់ Man City ត្រូវបាននាំយកពីក្រុមជម្រើសជាតិអង់គ្លេសអាយុក្រោម២១ ឆ្នាំទៅក្រុមជាន់ខ្ពស់របស់គ្រូបង្វឹក Gareth Southgate ។ក្រុមជម្រើសជាតិអង់គ្លេសត្រូវប្រកួតជាមួយក្រុមជម្រើសជាតិម៉ាល់តិ៍នៅថ្ងៃទី ១៧ វិច្ឆិកា និងម៉ាសេដ្វាន់នៅថ្ងៃ ២០ វិច្ឆិកា។
ខ្សែបម្រើ Jude Bellingham របស់ក្រុម Real Madrid មានការសង្ស័យសម្រាប់ការប្រកួត ដោយសារតែរបួសស្មា។
សេចក្តីថ្លែងការណ៍របស់អង់គ្លេសបាននិយាយថា ភាគច្រើននៃក្រុមរបស់លោក Gareth Southgate នឹងត្រូវរាយការណ៍ទៅStGeorge’sParkនៅថ្ងៃចន្ទជាមួយនឹងការវាយតម្លៃបន្ថែមទៀតដែលនឹងប្រព្រឹត្តទៅ។Palmer វ័យ ២១ឆ្នាំគឺជាផ្នែកមួយនៃក្រុម U21 របស់អង់គ្លេសដែលបានឈ្នះជើងឯកទ្វីបអឺរ៉ុបនៅរដូវក្តៅ ហើយមានទម្រង់លេងគួរឱ្យចាប់អារម្មណ៍សម្រាប់ Chelsea ក្នុងរដូវកាលនេះ។
គាត់បានចូលរួមជាមួយក្រុមតោខៀវពីក្លឹប Manchester City នៅរដូវក្តៅហើយបានស៊ុតបាល់ប៉េណាល់ទីទល់នឹងក្រុមអតីតរបស់គាត់ក្នុងលទ្ធផលស្មើ ៤-៤ នៅប្រឺមីញេលីក ដ៏រំភើបកាលពីថ្ងៃអាទិត្យ។
Lewis ដែលមានអាយុ១៨ ឆ្នាំត្រូវបានពិនិត្យឈ្មោះដោយ Southgate ក្នុងឱកាសជាច្រើន ហើយជាផ្នែកមួយនៃក្រុម City ដែលបានឈ្នះពានរង្វាន់ ៣កាលពីរដូវកាលមុន។ ខ្សែការពារ Konsa របស់ Aston Villa វ័យ ២៦ ឆ្នាំបានឈ្នះពានរង្វាន់បាល់ទាត់ពិភពលោកអាយុក្រោម ២០ ឆ្នាំជាមួយក្រុមអង់គ្លេសក្នុងឆ្នាំ ២០១៧ ហើយបានជួយក្រុមរបស់គាត់ឱ្យឈរនៅលេខ ៥នៅ នៅរដូវកាលនេះ។អង់គ្លេសបានឡើងទៅវគ្គបន្តហើយ៕