កាលពីថ្ងៃពុធទី២២ខែវិច្ឆិកាកូរ៉េខាងត្បូង បានសម្រេចផ្អាកផ្នែកមួយនៃកិច្ចព្រមព្រៀងយោធា ដែលខ្លួនបានចុះ ហត្ថលេខាជាមួយទីក្រុងព្យុងយ៉ាងកាលពីឆ្នាំ ២០១៨បន្ទាប់ពីកូរ៉េខាងបានផ្គើននឹងការព្រមានពី សហរដ្ឋអាមេ រិកនិងសម្ព័ន្ធមិត្តដោយបាញ់បង្ហោះផ្កាយរណបចារកម្មយោធាដោយហៅវាថាជាជោគជ័យ។នេះបើយោងតាម ការចេញផ្សាយរបស់សារព័ត៌មានរ៉យទ័រ។
នាយករដ្ឋមន្ត្រីកូរ៉េខាងត្បូង លោក Han Duck-soo បានរៀបចំកិច្ចប្រជុំគណៈរដ្ឋមន្ត្រីកាលពីថ្ងៃពុធ ហើយបាន និយាយនៅក្នុងសុន្ទរកថាតាមទូរទស្សន៍ថា រដ្ឋាភិបាលកំពុងឆ្ពោះទៅមុខដើម្បីព្យួរផ្នែកមួយ នៃកិច្ចព្រមព្រៀង អន្តរកូរ៉េ។
កតិកាសញ្ញាដែលគេស្គាល់ថាជាកិច្ចព្រមព្រៀងយោធាគ្រប់ជ្រុងជ្រោយ និងមានគោលបំណងកាត់បន្ថយភាព តានតឹងនៅឧបទ្វីបកូរ៉េ ត្រូវបានចុះហត្ថលេខាក្នុងកិច្ចប្រជុំកំពូលឆ្នាំ ២០១៨រវាងអតីតប្រធានាធិបតីកូរ៉េខាងត្បូង លោក ម៉ូន ចេអ៊ីន និងមេដឹកនាំកូរ៉េខាងជើងលោកគីម ជុងអ៊ុន។
ភាគីទាំងពីរបានព្រមព្រៀងគ្នាដាក់តំបន់ការពារ ដែលសមយុទ្ធបាញ់គ្រាប់ពិតនឹងត្រូវផ្អាក ក៏ដូចជាតំបន់ហាម ហោះហើរដកប៉ុស្តិ៍យាមមួយចំនួនចេញពីតំបន់គ្មានយោធាខណ្ឌចែកប្រទេស និងរក្សាខ្សែទូរស័ព្ទទាន់ហេតុ ការណ៍ រួមនឹងវិធានការផ្សេងទៀត។
ប្រទេសកូរ៉េខាងជើងបាននិយាយថាខ្លួនបានបង្ហោះផ្កាយរណបចារកម្មដំបូងរបស់ខ្លួននៅក្នុងគន្លងតារាវិថីកាលពីថ្ងៃអង្គារដោយជោគជ័យហើយបានប្តេជ្ញាថានឹងបាញ់បង្ហោះបន្ថែមទៀតនាពេលអនាគតដ៏ខ្លីខាងមុខនេះ។ រូបថតដោយប្រព័ន្ធផ្សព្វផ្សាយរដ្ឋរបស់កូរ៉េខាងជើង បង្ហាញពីអ្វីដែលហាក់ដូចជាមេដឹកនាំ គីម ជុងអ៊ុន កំពុង មើលការបាញ់បង្ហោះរ៉ុក្កែតដ៏កាចសាហាវពីមូលដ្ឋានមួយ។
ទីភ្នាក់ងារសារព័ត៌មានរដ្ឋ KCNA របស់កូរ៉េខាងជើង បាននិយាយថា ផ្កាយរណប Malligyong-1 ត្រូវបាន បាញ់បង្ហោះនៅលើរ៉ុក្កែត Chollima-1 ពីកន្លែងបាញ់បង្ហោះផ្កាយរណប Sohae នៅម៉ោង ១០និង៤២ យប់ ស្មើនឹងម៉ោង៩និង៤២នាទី យប់ ម៉ោងនៅប្រទេសសិង្ហបុរី) កាលពីថ្ងៃអង្គារ ហើយបានចូលគន្លងផែនដីនៅម៉ោង ១០និង៥៤នាទី យប់។
KCNA បាននិយាយជាភាសាអង់គ្លេសថារ៉ុក្កែតដឹកជញ្ជូន Chollima-1 បានហោះហើរជាធម្មតាតាម គន្លង ហោះហើរដែលបានកំណត់ទុកជាមុន ហើយបានដាក់ផ្កាយរណបឈ្លបយកការណ៍ Malligyong-1នៅលើ គន្លងរបស់វានៅម៉ោង២២និង៥៤នាទី បន្ទាប់ពីការបាញ់បង្ហោះ។
មន្ត្រីនៅកូរ៉េខាងត្បូង និងជប៉ុន ដែលបានរាយការណ៍ជាលើកដំបូងពីការបាញ់បង្ហោះនោះ មិនអាចផ្ទៀងផ្ទាត់ ភ្លាមៗថាតើផ្កាយរណបមួយស្ថិតនៅក្នុងគន្លងតារាវិថីនោះទេ។ អ្នកនាំពាក្យមន្ទីរបញ្ចកោណលោក Sabrina Singh បាននិយាយថា យោធាអាមេរិកនៅតែវាយតម្លៃថាតើការបាញ់បង្ហោះនេះ ទទួលបានជោគជ័យឬយ៉ាង ណា។
កូរ៉េខាងត្បូង អាមេរិក ជប៉ុន ត្រៀមសមយុទ្ធដែនសមុទ្រ ឆ្លើយតប ការបង្ហោះផ្កាយរណបចារកម្ម
ប្រភពរដ្ឋាភិ បាលបាននិយាយកាលពីថ្ងៃពុធថា ប្រទេសកូរ៉េខាងត្បូងកំពុងពិភាក្សាជាមួយសហរដ្ឋអាមេរិក និងជប៉ុនអំពីការ ធ្វើសមយុទ្ធដែនសមុទ្ររួមគ្នាដែលពាក់ព័ន្ធនឹងនាវា ផ្ទុកយន្តហោះរបស់សហរដ្ឋ អាមេរិក នៅជិតឧបទ្វីបកូរ៉េ ដើម្បីឆ្លើយតបទៅនឹងការអះអាងរបស់កូរ៉េខាងជើងជោគជ័យនៃការ បាញ់បង្ហោះផ្កាយ រណបចារកម្មរបស់ខ្លួន។ប្រភពរដ្ឋាភិបាលជាច្រើនបាននិយាយថា កងទ័ពជើងទឹកកូរ៉េខាងត្បូង និងសហរដ្ឋ អាមេរិក នឹងត្រូវបានចូលរួម ដោយកងកម្លាំងស្វ័យការពារដែនសមុទ្ររបស់ជប៉ុន នៅក្នុងសមយុទ្ធដែលបាន គ្រោងទុក ដោយមាននាវាផ្ទុក យន្តហោះប្រើថាមពលនុយក្លេអ៊ែរ USS Carl Vinson ដែលបច្ចុប្បន្នចូលចត នៅទីក្រុងប៊ូសាន ចូលរួមសមយុទ្ធ នេះ។
ប្រភពមួយបាននិយាយថាយើងកំពុងពិភាក្សាគ្នាដើម្បីធ្វើសមយុទ្ធរួមគ្នារវាងកូរ៉េខាងត្បូង-អាមេរិក និងកូរ៉េខាង ត្បូង-អាមេរិកជប៉ុននៅក្នុងដែនទឹកភាគខាងត្បូងនៃឧបទ្វីបកូរ៉េនៅចុងសប្តាហ៍នេះ នៅពេលដែលសមយុទ្ធ Carl Vinson គ្រោងនឹងត្រលប់មកវិញ។
កូរ៉េខាងត្បូង-អាមេរិក សមយុទ្ធទំនងជានឹងធ្វើឡើងនៅថ្ងៃសៅរ៍ ដោយសមយុទ្ធបីផ្លូវនឹងធ្វើតាមនៅថ្ងៃអាទិត្យ៕