នាយករដ្ឋមន្ត្រីអ៊ីស្រាអែល លោក ណេតាន់យ៉ាហ៊ូ បានណែនាំទីភ្នាក់ងារស៊ើបការណ៍សម្ងាត់របស់ប្រទេស ឱ្យកំណត់គោលដៅលើមេដឹកនាំក្រុមហាម៉ាស់នៅគ្រប់ទីកន្លែង។ក្នុងការឆ្លើយតបទៅនឹងសំណួរមួយថាតើមេដឹកនាំក្រុមហាម៉ាស់កំពូល រួមទាំង Ismail Haniyeh និង Khaled Mashaal អាចនឹងគ្រប់គ្រងតំបន់ហ្គាហ្សាបន្ទាប់ពីសង្គ្រាមបានដែរឬទេ លោកណេតាន់យ៉ាហ៊ូបាននិយាយនៅ ក្នុងសន្និសីទសារព័ត៌មាននៅទីក្រុង Tel Aviv កាលពីថ្ងៃពុធថា លោកបានណែនាំ ចារកម្មសម្ងាត់ធ្វើសកម្មភាព ប្រឆាំងនឹង មេដឹកនាំហាម៉ាសទោះនៅទីណាក៏ដោយ។ចំពោះសំណួរមួយទៀតអំពីថាតើការផ្អាកមនុស្សធម៌នាពេលខាងមុខនឹងរួមបញ្ចូលសកម្មភាពយោធារបស់អ៊ីស្រាអែលប្រឆាំងនឹងក្រុមហាម៉ាសនៅបរទេសដែរឬទេ លោក Netanyahu បាននិយាយថា មិនមានកាតព្វកិច្ច បែបនេះទេ ។
ក្នុងអំឡុងសន្និសីទសារព័ត៌មាន រដ្ឋមន្ត្រីការពារជាតិអ៊ីស្រាអែល លោក Yoav Gallant ក៏បានប្រើពាក្យគម្រាម ដូចគ្នាប្រឆាំងនឹងមេដឹកនាំក្រុមហាម៉ាសដោយនិយាយថាមេដឹកនាំក្រុមហាម៉ាស់ទាំងអស់កំពុងដើរទៅរកសេចក្តីស្លាប់ដោយបន្ថែមថា ការតស៊ូគឺនៅទូទាំងពិភពលោកដែលបង្ហាញថាភ្នាក់ងារស៊ើប ការណ៍សម្ងាត់នឹងធ្វើការ ប្រឆាំងនឹងមេដឹកនាំក្រុមហាម៉ាស់នៅជុំវិញពិភពលោកដែរ។ក្រុមហាម៉ាស់មិនទាន់ឆ្លើយតបទៅនឹងការលើកឡើងរបស់លោកណេតាន់ យ៉ាហ៊ូនៅឡើយទេ។
សង្គ្រាមកំពុងបន្តនៅហ្គាហ្សា ខណៈបទឈប់បាញ់ត្រូវបានពន្យារពេល
សង្គ្រាមនៅតែបន្តផ្ទុះឡើងនៅតំបន់ហ្គាហ្សាកាលពីថ្ងៃព្រហស្បតិ៍ខណៈបទឈប់បាញ់ដែលបានស្នើឡើងនិងការដោះលែងចំណាប់ខ្មាំងត្រូវបានពន្យារពេលយ៉ាងហោចណាស់មួយថ្ងៃទៀត។អ៊ីស្រាអែលបាននិយាយថាការដោះលែងចំណាប់ខ្មាំងដែលមានន័យថាត្រូវបានអមដោយបទឈប់បាញ់ដំបូងនៃសង្រ្គាមនឹងត្រូវពន្យារពេលយ៉ាងហោចណាស់រហូតដល់ថ្ងៃសុក្រ។យោធាអ៊ីស្រាអែលបាននិយាយថាខ្លួនបានធ្វើការវាយប្រហារតាមអាកាសចំនួន៣០០លើកក្នុងមួយថ្ងៃ ហើយ បានបន្លឺសំឡេងស៊ីរ៉ែនព្រមានពីការបាញ់រ៉ុក្កែតឆ្លងព្រំដែនដោយក្រុមប្រដាប់អាវុធប៉ាឡេស្ទីន។ ប្រព័ន្ធផ្សព្វផ្សាយប៉ាឡេស្ទីនបានរាយការណ៍ថា ការវាយប្រហាររបស់អ៊ីស្រាអែលនៅតំបន់ភាគខាងជើង ក៏ដូចជានៅក្នុងទីក្រុងភាគខាងត្បូង Khan Younis ជាកន្លែងដែលអ៊ីស្រាអែលបានប្រាប់អ្នកស្រុកនៅ ភាគ ខាងជើងឱ្យស្វែងរកទីជម្រក។
ទីប្រឹក្សាសន្តិសុខជាតិអ៊ីស្រាអែលលោកTzachi Hanegbi បាននិយាយនៅក្នុងសេចក្តីថ្លែងការណ៍មួយថា ការចរចាស្តីពីការដោះលែងចំណាប់ខ្មាំងរបស់យើងកំពុងដំណើរការទៅមុខ និងបន្តឥតឈប់ឈរ។ “ការចាប់ផ្តើមនៃការដោះលែងនឹងធ្វើឡើងស្របតាមកិច្ចព្រមព្រៀងដើមរវាងភាគីទាំងពីរតែមិនមែនមុនថ្ងៃសុក្រទេ។
បទឈប់បាញ់លើកដំបូងនៅក្នុងសង្រ្គាមរយៈពេលប្រាំពីរសប្តាហ៍គឺមានន័យថាត្រូវបានអមដោយការដោះលែងចំណាប់ខ្មាំងស្ត្រីនិងកុមារ៥០នាក់ដែលត្រូវបានចាប់ខ្លួនដោយពួកសកម្មប្រយុទ្ធដែលបានវាយឆ្មក់អ៊ីស្រាអែលកាលពីថ្ងៃទី ៧ ខែតុលាជាថ្នូរនឹងអ្នកឃុំឃាំងប៉ាឡេស្ទីន១៥០ នាក់ពីពន្ធនាគារអ៊ីស្រាអែល។កិច្ចព្រមព្រៀងនេះត្រូវបានប្រកាសកាលពីព្រឹកថ្ងៃពុធ ប៉ុន្តែជាងមួយថ្ងៃក្រោយមកការប្រកាសដែលរំពឹងទុកនៃ ពេលវេលាចាប់ផ្តើមជាផ្លូវការមិនទាន់លេចចេញជារូបរាងនៅឡើយទេ។អ្នកសម្រុះសម្រួលកាតាបាននិយាយកាលពីថ្ងៃព្រហស្បតិ៍ថាខ្លួនអាចធ្វើសេចក្តីប្រកាសក្នុងរយៈពេលប៉ុន្មានម៉ោង។
អ៊ីស្រាអែលបាននិយាយថាបទឈប់បាញ់អាចមានរយៈពេលលើសពីបួនថ្ងៃដំបូងដរាបណាពួកសកម្មប្រយុទ្ធដោះលែងចំណាប់ខ្មាំងយ៉ាងហោចណាស់ ១០នាក់ក្នុងមួយថ្ងៃ។ ប្រភពប៉ាឡេស្ទីនបាននិយាយថារលកទីពីរនៃការដោះលែងអាចអនុញ្ញាតឱ្យចំណាប់ខ្មាំងរហូតដល់ ១០០នាក់ មានសេរីភាពនៅចុងខែនេះ។ភាគីទាំងពីរបាននិយាយថានឹងវិលទៅរកការប្រយុទ្ធវិញនៅពេលបទឈប់បាញ់ត្រូវបានបញ្ចប់៕