Wednesday, July 17, 2024
Homeកីឡាជាតិប្រដាល់គុនខ្មែរលក្ខណៈអន្ដរជាតិ Tv5 សប្ដាហ៍ ទី១១,រិទ្ធី សុផាត និងសោម វិច្ឆ័យ ចាញ់ពិន្ធុកីឡា ករថៃដូចគ្នា ខណៈសៀន សេងហួរ បានត្រឹមស្មើ...

ប្រដាល់គុនខ្មែរលក្ខណៈអន្ដរជាតិ Tv5 សប្ដាហ៍ ទី១១,រិទ្ធី សុផាត និងសោម វិច្ឆ័យ ចាញ់ពិន្ធុកីឡា ករថៃដូចគ្នា ខណៈសៀន សេងហួរ បានត្រឹមស្មើ !

កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កង​យោធ​ពលខេមរៈភូមិន្ទប៉ុស្ដិ៍លេខ៥ (Tv5) សហការ​ជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី១១ហើយ ដែល​អាទិត្យនេះកាន់​តែ​អស្ចារ្យថែមទៀត​ដោយសារ​តែគូ​អន្ដរជាតិកីឡាករខ្មែរ​ច្រើនតែឈ្នះថៃនោះសប្ដាហ៍នេះ បានត្រឹមស្មើ និងចាញ់ នាំឲ្យទស្ស​និក​ជកជក់ចិត្ដខ្លាំង និងហ៊ោពេញសែង្វៀនតែម្ដង ព្រោះថាអ្នករៀបចំកម្មវិធី កាន់តែសម្រិតសម្រាំង​យក​កីឡាករ​បរទេស​មកសុទ្ធតែខ្លាំងៗទើបធ្វើឲ្យអ្នកស្នេហាវិស័យប្រដាល់គុនខ្មែរ​ថារឹតតែល្អ​មើល ។

លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី១១ ខែធ្នូ ឆ្នាំ២០២៣ គឺ៖

-គូពិសេសទី១៖កីឡាករបង្គោលក្រហមជ័យ គឹមហុង  មកពីក្លិបឃ្លាំងមឿងកីឡា ខេត្តពោធិសាត់ សមាគម កីឡាកងយោធពលខេមរភូមិន្ទ ប្រភទទម្ងន់៥៧គ.ក្រ បានចាញ់ពិន្ទុ កីឡាករ​បង្គោល​ខៀវទូច ប្រុសណុច  មកពីក្លិបមហិទ្ធិរិទ្ធមេសរថ្ងកគុនខ្មែរខេត្តស្វាយរៀង សមា​គម​កីឡាកងយោធពលខេមរភូមិន្ទ ។

-គូពិសេសទី២៖ បង្គោលក្រហមកីឡាករនួន រ៉ាថេប  មកពីក្លិបតាឯកដំបងដែកមានរិទ្ធ សមាគមកីឡា ខេត្តព្រៃវែង  ប្រភេទទម្ងន់៦៣,៥គ.ក្រ បានឈ្នះដោយ​ពិន្ទុកីឡាករបង្គោល​ខៀវខុន ស៊ីចាន់   មកពីក្លិបនាគ នាំសំណាងនរាយតេជៈគុនខ្មែរ សមាគមកីឡា ក្រសួង​មហា​ផ្ទៃ ។

-គូអន្ដរជាតិទី៣៖កីឡាកបង្គោលក្រហមសៀន សេងហួរ  មកពីក្លិប បញ្ជា​ការ​ដ្ឋាន​កាំ​ភ្លើងធំ សមាគម កីឡា កងយោពលខេមរភូមិន្ទ ប្រភេទទម្ងន់៦០.គ.ក្រ បានត្រឹមស្មើពិន្ទុគ្នាជា​មួយកីឡាករបង្គោលខៀវVITHYA VIN.OBUN (Thailand) ។

 -គូអន្ដរជាតិទី៤៖កីឡាបង្គោលក្រហមរិទ្ធី សុផាត មកពីក្លិបប្រដាល់គុនខ្មែរSuper Fight &Gym សមាគម កីឡាកងយោពលខេមរភូមិន្ទ ប្រភេទទម្ងន់៦៣,៥  គ.ក្រ បានចាញ់ពិន្ទុកីឡា ករបង្គោលខៀវSING THANG  (Thailand) ។

 -គូអន្ដរជាតិទី៥៖កីឡាករបង្គោលក្រហមសោម វិច្ឆ័យ មកពីក្លិបវិបុលដារិទ្ធ ខណ្ឌពោធិ​សែនជ័យ សមាគមកី ឡាប្រដាល់ក្រសួងមហាផ្ទៃប្រភេទទម្ងន់៦៣,៥  គ.ក្រ បានចាញ់​ដោយ​ពិន្ទុកីឡាករបង្គោល​ខៀវ​PICH BOPHA ។គូលក្ខណៈអន្ដរជាតិទី៥នេះត្រូវបាន​ពិធីករ​លោក​ថាច់ គឹមឡុង ប្រកាសថា​ជាគូឯកប្រចាំសប្ដាហ៍តែម្ដង ព្រោះតាំងពីទឹកទី១ដល់ទី៥ កីឡាករ​ទាំង​ខាងវាយគ្នា​អស់ពីសម្ថភាពនាំឲ្យអ្នកទស្សនាពេញចិត្តបំផុត។

 គូរបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិក​ជនគាំទ្រ ខ្លាំងព្រោះតែមាន ការសម្រិតសម្រាំងគូពិសេសៗជារៀង​រាល់សប្ដាហ៍ទាំង​កីឡាករ​ជាតិ និងអន្ដរជាតិដើម្បីបម្រើអារម្មណ៍បង ប្អូនក៍ដូចជាបំផុស​កីឡាប្រដាល់គុនខ្មែរឲ្យកាន់​តែ​ល្បី​ល្បាញទាំងនៅលើឆាកជាតិ និងអន្ដរជាតិ។ទស្សនិកជនអាចមកទស្សនាដោយផ្ទាល់​ដោយសេរីនៅស្ទូឌីយោ ប៉ុស្ដិ៍លេខ៥ ព្រែកកំពឹស ឬតាមAp Tv5 Cambodia Facebook  និងតាមយូធូបរៀងរាល់ល្ងាចថ្ងៃអាទិត្យចាប់ពីម៉ោង៦ល្ងាចតទៅ ។ប្រដាល់គុនខ្មែរ លក្ខណៈ​អន្ដរជាតិប៉ុស្ដិ៍​លេខ​៥ តំ​ណើរ​ការបានដោយសារតែមានការឧបត្ថម្ភធំពីទឹកបរិសុទ្ធលីយ៉ង និង​ក្រុមហ៊ុន​ទឹក​កក​អនា​ម័យ​Premium ៕

RELATED ARTICLES