Saturday, February 24, 2024
Homeកីឡាជាតិប្រដាល់គុនខ្មែរលក្ខណៈអន្ដរជាតិ Tv5 សូត្រ វាសនា យកឈ្នះពិន្ទុ NOENG TRAKARN  ខណៈវីវ៉ា សាវ៉េត ចាញ់ពិន្ទុ SING YAI

ប្រដាល់គុនខ្មែរលក្ខណៈអន្ដរជាតិ Tv5 សូត្រ វាសនា យកឈ្នះពិន្ទុ NOENG TRAKARN  ខណៈវីវ៉ា សាវ៉េត ចាញ់ពិន្ទុ SING YAI

កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កង​យោធ​ពលខេមរៈភូមិន្ទប៉ុស្ដិ៍លេខ៥ (Tv5) សហការ​ជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី១៧ហើយ ដែល​សប្ដាហ៍នេះកាន់​តែ​អស្ចារ្យថែមទៀត​ដោយសារ​តែ​ទាំង​កីឡាករជាតិ និងអន្ដរជាតិវាយគ្នាអស់ពីសម្ថភាព នាំឲ្យទស្ស​និក​ជកជក់ចិត្ដខ្លាំង និងហ៊ោ​ពេញសែង្វៀន ព្រោះតែអ្នករៀបចំកម្មវិធីមានការសម្រិតសម្រាំង​យក​កីឡាករ​បរទេស​មក​សុទ្ធ​តែខ្លាំងៗទើបធ្វើឲ្យអ្នកស្នេហាវិស័យប្រដាល់គុនខ្មែរមានចំនួនកាន់តែកើនឡើង ពិសេស​គឺនៅ ដើមឆ្នាំថ្មី ២០២៤ ។

លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី៣ ខែកុម្ភៈ ឆ្នាំ២០២៤ គឺ៖

-គូពិសេសទី១៖កីឡាករបង្គោលក្រហមឡុង ខេត្ត  ទម្ងន់៦០គ.ក្រ បានយក​ឈ្នះ​ដោយពិន្ទុលើកីឡាករបង្គោល​ខៀវខុន សីហា   មក​ពី​ក្លិបនាគនាំសំណាងនរាយណ៍តេជៈ​គុនខ្មែរ សមាគមកីឡាប្រ​ដាល់ក្រសួងមហាផ្ទៃ ។

 -គូអន្ដរជាតិទី២៖កីឡាបង្គោលក្រហមវីវ៉ា សាវ៉េត  មកពីក្លិបមហិទ្ធិរិទ្ធមេសថ្ញក ខេត្ត​ស្វាយរៀង សមាគមកីឡាកងយោធពលខេមភូមិន្ទ ធ្លាប់បក្រកួត១០៨លើក​,ឈះ​៧២​លើក,ចាញ់៣១លើក ,ស្មើ៥លើកនិងធ្លាប់ផ្ដួលគូប្រកួតឲ្យសម្លប់១៦ ដង ប្រភេទទម្ងន់៦០  គ.ក្រ បានចាញ់ពិន្ទុកី​ឡាករ​បង្គោល​ខៀវស៊ីង យ៉ៃ(Sing Yai)  មកពីLao  ធ្លាប់ប្រកួត៩១​លើក,ឈ្នះ៦៥លើក,ចាញ់២២លើក ,ស្មើ ៤លើក  និងធ្លាប់ផ្ដួលគូប្រកួតឲ្យសម្លប់១២ដង ។

-គូអន្ដរជាតិទី៣៖ កីឡាករបង្គោលក្រហមធី វ៉ារិទ្ធ  មកពីក្លិបមហិទ្ធិរិទ្ធមេសថ្ញក សមា គមកីឡាកងយោធពលខេមភូមិន្ទ ធ្លាប់ប្រកួត១១២លើក,ឈ្នះ៨៧លើក,ចាញ់​២២​លើក​,ស្មើ​៣លើក និងធ្លាប់ផ្ដួលគូប្រកួតឲ្យសម្លប់១៥ដងប្រភេទទម្ងន់៦៥គ.ក្រ  បានត្រឹមស្មើពិន្ទុកីឡាករ​បង្គោល​ខៀវនៀវ វាំងចាន់( Niev Vangchan) មកពីThailand  ធ្លាប់ប្រកួត៨៦លើក,ឈ្នះ​៦០លើក,ចាញ់២៣លើក ,ស្មើ៣លើក និងធ្លាប់ផ្ដួលគូប្រកួតឲ្យសម្លប់១១ដង ។

 -គូអន្ដរជាតិទី៤៖ កីឡាករបង្គោលក្រហមកីឡាករសូត្រ វាសនា  ប្រភេទទម្ងន់​៦៣,៥គ.ក្រ  បានយកឈ្នះដោយពិន្ទុលើកីឡាករបង្គោលខៀវនឹង ត្រាកាណ Noeng TrakarnមកពីThailand  ធ្លាប់ប្រកួត៩២លើក,ឈ្នះ៨១លើក,ចាញ់១០លើក ,ស្មើ២លើក និងធ្លាប់​ផ្ដួល​គូប្រកួតឲ្យសម្លប់១២ដង ។

-គូពិសេសទី៥៖ជាការប្រកួតត្រឹម៣ទឹកប៉ុណ្ណោះកីឡាករបង្គោលក្រហមនៅ សុខទី  មកពីក្លិបតា​ឡីដំរីមានរិទ្ធ សមាគមកីឡាប្រដាល់ក្រសួងមហាផ្ទៃ ប្រភេទទម្ងន់៥៤គ.ក្រ បាន​យកឈ្នះ​ដោយពិន្ទុលើកីឡាករបង្គោលខៀវសេក សាវ៉ាន់    មកពីក្លិបអង្គរមានជ័យ យោធ​ភូមិភាគ៤ ខេត្តសៀមរាប ។

គូរបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិក​ជនគាំទ្រច្រើន ព្រោះតែមានការជ្រើសរើសគូពិសេសៗជារៀង​រាល់សប្ដាហ៍ទាំង​កីឡាករ​ជាតិ និងអន្ដរជាតិដើម្បីបម្រើអារម្មណ៍បងប្អូនក៍ដូចជាបំផុស​កីឡាប្រដាល់គុនខ្មែរឲ្យកាន់​តែ​ល្បី​ល្បាញទាំងនៅលើឆាកជាតិ និងអន្ដរជាតិ។ ទស្សនិកជនអាចមកទស្សនាដោយ​ផ្ទាល់ឬតាម​Ap Tv5 Cambodia Facebook  និងតាមយូធូបរៀងរាល់ល្ងាចថ្ងៃសៅរិ៍ចាប់ពីម៉ោង៦​ល្ងាចតទៅ​នៅស្ទូឌីយោ ប៉ុស្ដិ៍​លេខ៥ ព្រែកកំពឹស។ ប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ តំ​ណើរ​ការបាន ដោយសារតែមានការឧបត្ថម្ភធំពីទឹកបរិសុទ្ធលីយ៉ង និងក្រុមហ៊ុនទឹកកក​អនា​ម័យ​Premium ៕

RELATED ARTICLES