Monday, April 15, 2024
Homeវិទ្យាសាស្រ្ដ និងស្រាវជ្រាវយានអវកាសឯកជនអាមេរិកដំបូង ហោះទៅចុះចតនៅឋានព្រះចន្ទ

យានអវកាសឯកជនអាមេរិកដំបូង ហោះទៅចុះចតនៅឋានព្រះចន្ទ

សហរដ្ឋអាមេរិក ៖ ក្រុមហ៊ុនបច្ចេកវិទ្យាអវកាសអាមេរិក Intuitive Machines បានចុះចតដោយជោគជ័យនូវយាន Odysseus របស់ខ្លួន នៅលើប៉ូលខាងត្បូងរបស់ព្រះចន្ទ ដែលនេះជាការចុះចតដោយជោគជ័យលើកដំបូង នៃយានអវកាសពាណិជ្ជកម្មឯកជន នៅលើឋានព្រះចន្ទ។

នៅថ្ងៃទី២២ ខែកុម្ភៈ ឆ្នាំ២០២៤ BBC បានរាយការណ៍ថា ក្រុមហ៊ុន Intuitive Machines ដែលមានមូលដ្ឋាននៅទីក្រុងហ៊ូស្តុន (Houston) រដ្ឋតិចសាស់ សហរដ្ឋអាមេរិក បានបង្ហាញថា យានអវកាស “Odyssey” បានចុះ ចតដោយសុវត្ថិភាព នៅជិតប៉ូលខាងត្បូងនៃឋានព្រះចន្ទ។ វាជាលើកទីមួយហើយ ដែលក្រុមហ៊ុនឯកជនអា មេរិក បង្កើតប្រវត្តិសាស្ត្រ ដោយបានចុះចតយានអវកាសនៅលើឋានព្រះចន្ទ។

របាយការណ៍ព័ត៌មានបញ្ជាក់ថា មជ្ឈមណ្ឌលត្រួតពិនិត្យត្រូវដោះស្រាយបញ្ហាបច្ចេកទេសដែលជិតបញ្ចប់បេសកកម្ម មុនពេលចុះចត បន្ទាប់ពីឡាស៊ែរ កំណត់ចម្ងាយនៃកប៉ាល់ Odysseus  ដែលត្រូវបានគេសន្មតថា ដើម្បីគណនាកម្ពស់ និងល្បឿននៃយាននេះ មិនដំណើរការត្រឹមត្រូវ។ ប៉ុន្តែសំណាងល្អ មានឡាស៊ែរ NASA ពិសោធន៍នៅលើយាននេះ អនុញ្ញាតឱ្យវិស្វករភ្ជាប់ប្រព័ន្ធទៅកុំព្យូទ័ររុករក។

លោក ធីម ក្រេន (Tim Crane) នាយកជើងហោះហើរនៃក្រុមហ៊ុន Intuitive Machines បាននិយាយថា សម្រាប់ប៉ុន្មាននាទីដំបូង មជ្ឈមណ្ឌលបញ្ជានៅលើផែនដី ត្រូវរង់ចាំសញ្ញាពី Odysseus ដែលទីបំផុតបានទទួលសញ្ញាផ្លូវការ បញ្ជាក់ពីការចុះចតនៅម៉ោង ១១:២៣នាទីយប់ ម៉ោងនៅសហរដ្ឋអាមេរិក ឬប្រហែលម៉ោង ៦:២៣ នាទីព្រឹក ម៉ោងនៅប្រទេសកម្ពុជា ចំពេលមានសេចក្តីរីករាយរបស់បុគ្គលិកក្រុមហ៊ុនដែលបានមកធ្វើជាសាក្សីក្នុងជំពូកថ្មីនេះក្នុងប្រវត្តិសាស្រ្តនៃការរុករកអវកាសពាណិជ្ជកម្ម។ នេះក៏នឹងជួយគាំទ្រគម្រោងអវកាសរបស់រដ្ឋាភិបាល ផងដែរ។

លោក ប៊ីល ណេលសុន (Bill Nelson) នាយក NASA បានអបអរសាទរដល់ក្រុមហ៊ុន Intuitive Machines Company ដែលបង្កើតដោយសហរដ្ឋអាមេរិក បានត្រលប់ទៅឋានព្រះចន្ទ ម្តងទៀត និងត្រៀមបង្ហាញថា NASA បានទិញកន្លែងនៅលើ Odysseus ដើម្បីដំឡើងឧបករណ៍ពិសោធន៍វិទ្យាសាស្ត្រ ចំនួន ៦បំណែក៕

RELATED ARTICLES