Monday, April 15, 2024
Homeកីឡាជាតិប្រដាល់គុនខ្មែរលក្ខណៈអន្ដរជាតិ ប៉ុស្ដិ៍លេខ៥  កែងឆេះ ឃីម បូរ៉ា  ផ្ដួល ឃុម ភិតឡេក ត្រឹមទឹកទី២

ប្រដាល់គុនខ្មែរលក្ខណៈអន្ដរជាតិ ប៉ុស្ដិ៍លេខ៥  កែងឆេះ ឃីម បូរ៉ា  ផ្ដួល ឃុម ភិតឡេក ត្រឹមទឹកទី២

កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កង​យោធ​ពលខេមរៈភូមិន្ទប៉ុស្ដិ៍លេខ៥ (Tv5) សហការ​ជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី២០ហើយ ដែល​សប្ដាហ៍នេះកាន់តែ​អស្ចារ្យថែមទៀត​ដោយសារ​តែ​ទាំង​កីឡាករជាតិ និងអន្ដរជាតិវាយគ្នាអស់ពីសម្ថភាព នាំឲ្យទស្ស​និក​ជកជក់ចិត្ដខ្លាំង និង​ស្រែកហ៊ោ​ពេញសែង្វៀន ព្រោះតែអ្នករៀបចំកម្មវិធីបានសម្រិតសម្រាំង​យក​កីឡា​ករ​បរទេស​មក​សុទ្ធ​តែខ្លាំងៗទើបធ្វើឲ្យអ្នកស្នេហាវិស័យ​ប្រដាល់គុន​ខ្មែរមានចំនួនកាន់តែកើនឡើង ពិ​សេស​​គឺនៅឆ្នាំថ្មី២០២៤ តែម្ដង។

លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី២៤ ខែកុម្ភៈ ឆ្នាំ២០២៤ គឺ៖

 -គូពិសេសទី១៖កីឡាករបង្គោលក្រហមឆង ឈាងរ៉ាន់ ២៣ឆ្នាំ មកពី​ក្លឹបសុភានូគុនខ្មែរ សមាគមកីឡាប្រដាល់ក្រសួងមហាផ្ទៃ ធ្លាប់ប្រកួតបាន៤០លើក ឈ្នះ២៧លើក,ចាញ់១០​លើក និងស្មើ៣លើក ធ្លាប់ផ្ដួលគូប្រ​កួតឲ្យសម្លប់​៧ដង ប្រកួតទម្ងន់៦០គ.ក្រ បានចាញ់​ពិន្ទុកីឡាករបង្គោល​ខៀវ​ខុន សីហា  អាយុ២២ឆ្នាំ ប្រកួត៧៦លើក,ឈ្នះ​៤៧លើក,ស្មើ៥លើក និងចាញ់២៤លើក  ធ្លាប់​ផ្ដួលគូប្រកួតឲ្យសម្លប់៨ដង មក​ពី​ក្លិប​នាគនាំសំណាងនរាយតេជៈ សមាគមកីឡាប្រដាល់ក្រសួងមហាផ្ទៃ ។

 -គូពិសេសទី២៖ កីឡាករបង្គោលក្រហមជិន ចាង អាយុ២១ឆ្នាំ មកពីក្លិប​ឃ្លាំងមឿង​កីឡា ខេត្តពោធិសាត់ សមាគមកីឡាប្រដាល់ក្រសួងមហាផ្ទៃ  ធ្លាប់ប្រកួត៣៥​លើក​,ឈ្នះ​២៥លើក,ចាញ់៧លើក ,ស្មើ៣លើក ធ្លាប់ផ្ដួលគូប្រកួតឲ្យសម្លប់៣ដង ប្រភេទទម្ងន់៦០គ.ក្រ បានស្មើពិន្ទុគ្នាជាមួយកីឡាករបង្គោលខៀវសៀវ ង៉ុយ  អាយុ ២៧ឆ្នាំមកពីក្លិបដំរីគុនខ្មែរ  សមាគមកីឡារាជធានីភ្នំពេញ ធ្លាប់ប្រកួតចំនួន៨០លើក ឈ្នះ៥៥លើក ,ចាញ់២៣​លើក ,ស្មើ២លើក និងធ្លាប់ផ្ដួលគូប្រកួតឲ្យសម្លប់១០ដង ។

 -គូអន្ដរជាតិទី៣៖កីឡាបង្គោលក្រហមកីឡាករវ៉ែន សុវណ្ណ មកពីក្លឹបមហិទ្ធិរិទ្ធ មេសថ្ងក ខេត្តស្វាយរៀង សមា​គមកីឡាកងយោធពលខេមរភូមិន្ទ អាយុ៣០ឆ្នាំ ធ្លាប់ប្រកួត​១៥០លើក​,ឈះ​១២៥​លើក,ចាញ់២០លើក ,ស្មើ៥លើក និងធ្លាប់ផ្ដួលគូប្រកួតឲ្យសម្លប់២០ ដង ប្រកួត​ប្រភេទ​ទម្ងន់៦៧  គ.ក្រ បាន​បោះបង់ការប្រកួតត្រឹមទឹកទី២ ក្រោម​កណ្ដាប់ដៃកី​ឡាករ​បង្គោល​ខៀវNAM KHAMUON  មកពី​Thailand  អាយុ២៧ឆ្នាំ ធ្លាប់ប្រកួត៨៥​លើក,​ឈ្នះ៦០​លើក​,ចាញ់២០លើក ,ស្មើ៥លើក  និងធ្លាប់ផ្ដួល​គូប្រកួតឲ្យសម្លប់១៣ដង ។

-គូអន្ដរជាតិទី៤៖ កីឡាករបង្គោលក្រហមរិន សារ័ត្ន អាយុ២៥ឆ្នាំ​មកពីក្លិបនាគ​នាំសំ​ណាង​តេជៈ សមាគមកីឡាប្រដាល់ក្រសួងមហាផ្ទៃ ធ្លាប់ប្រកួត៨៣លើក,ឈ្នះ​៥៩​លើក,ចាញ់​១៧លើក​,ស្មើ​៧លើក និងធ្លាប់​ផ្ដួល​គូប្រកួតឲ្យសម្លប់ចំនួន២០ដង ប្រកួតប្រភេទ​ទម្ងន់៦៣​,៥គ.ក្រ  បានឈ្នះដោយពិន្ទុលើកីឡាករ​បង្គោល​ខៀវKANG NAPHA  អាយុ២៧ឆ្នាំ​មកពី​Thailand ធ្លាប់ប្រកួតចំនួន៩២លើក,ឈ្នះ៦៦លើក,ចាញ់២១លើក ,ស្មើ៥លើក និងធ្លាប់​ផ្ដួលគូប្រកួតឲ្យសម្លប់ចំនួន១២ដង ។

 -គូអន្ដរជាតិទី៥៖ កីឡាករបង្គោលក្រហមអ្នកលេងកែងឆេះកីឡាករឃីម បូរ៉ា អាយុ​២៧ឆ្នាំមកពីក្លិបរស្មីភូមិគាប ខេត្តបន្ទាយមានមានជ័យ សមាគមកីឡាកងយោធ​ពលខេម​រភូមិន្ទ​ ធ្លាប់ប្រកួត១៥១លើក​,ឈ្នះ១១១​លើក,​ចាញ់៣៨លើក និងស្មើ២លើក ធ្លាប់ផ្ដួលគូប្រ​កួតឲ្យសម្លប់៤៥ដង ប្រភេទទម្ងន់​៦០គ.ក្រ  បានផ្ដួលត្រឹមទឹកទី២ទៅលើកីឡាករបង្គោលខៀវ KHUM PHITLEK មកពីThailand អាយុ២៥ឆ្នាំ  ធ្លាប់​ប្រកួត​៩០លើក,ឈ្នះ៦០​លើក,ចាញ់​២៥​លើក ,ស្មើ៥លើក និងធ្លាប់​ផ្ដួល​គូប្រកួតឲ្យ​សម្លប់​១៤ដង ។គូពិសេសប្រចាំសប្ដាហ៍នេះ​ទស្ស​និកជនមើលឃើញច្បាស់ថាកីឡាករឃីម បូរ៉ា ពិតជាប្រើ​កែង​បានលឿននិង​សាហាវ​ខ្លាំង​រហូតគូប្រកួតវង្វេងស្មារតី ក្រោយត្រូវមួយកែងនៅទឹកទី២ ហេតុនេះហើយបូរ៉ា ពិតជាសាក​សម​ម្ចាស់មេដាយមាស និងលំដាប់កីឡាករ​ជើងខ្លាំងជូរមុខនាពេល​បច្ចុប្បន្នមែន ។

 គូរបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិក​ជនគាំ​ទ្រច្រើន ដោយសារតែមានការជ្រើសរើសគូពិសេសៗជារៀង​រាល់សប្ដាហ៍ទាំង​កីឡាករ​ជាតិ និងអន្ដរជាតិដើម្បីបម្រើអារម្មណ៍បងប្អូនក៍ដូចជាបំផុស​កីឡាប្រដាល់គុនខ្មែរឲ្យកាន់​តែ​ល្បី​ល្បាញទាំងនៅលើឆាកជាតិ និងអន្ដរជាតិ។ប្រដាល់គុនខ្មែរ លក្​ណៈអន្ដរជាតិប៉ុស្ដិ៍លេខ៥ តំណើរការបាន ដោយសារតែមានការឧបត្ថម្ភធំពីទឹកបរិសុទ្ធលីយ៉ង និងក្រុមហ៊ុនទឹកកក​អនា​ម័យ​Premium ។ ទស្សនិកជនអាចមកទស្សនាដោយ​ផ្ទាល់នៅស្ទូឌីយោ ប៉ុស្ដិ៍លេខ៥ ព្រែកកំ​ពឹស​ឬតាម​Ap Tv5 Cambodia Facebook  និងតាមយូធូបរៀងរាល់ល្ងាចថ្ងៃសៅរិ៍ចាប់ពីម៉ោង៦​ល្ងាចតទៅ​៕

RELATED ARTICLES