ប្រទេសសមាជិកណាតូ បដិសេធការបញ្ជូនទ័ពទៅអ៊ុយក្រែន

បារាំង ៖ ប្រទេសសមាជិកណាតូ (NATO) ជាច្រើន រួមមាន សហរដ្ឋអាមេរិក អាល្លឺម៉ង់ និងអង់គ្លេស បានបដិ សេធការបញ្ជូនទ័ពទៅអ៊ុយក្រែន បន្ទាប់ពីមេដឹកនាំបារាំង បាននិយាយថាលទ្ធភាពណាមួយ មិនគួរត្រូវបានបដិ សេធឡើយ។

ទីភ្នាក់ងារសារព័ត៌មានបរទេស បានរាយការណ៍កាលពីល្ងាចថ្ងៃទី២៦ ខែកុម្ភៈ ឆ្នាំ២០២៤ ថា លោកអេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង បានថ្លែងក្នុងសន្និសីទសារព័ត៌មានថា “យើងមិនគួរបដិសេធពីលទ្ធភាពនោះទេ វាអាចនឹងមានតម្រូវការសន្តិសុខដែលបង្ហាញពីភាពត្រឹមត្រូវនៃការបញ្ជូនកងទ័ព»។

សុន្ទរកថារបស់មេដឹកនាំបារាំង បានធ្វើឡើងនៅទីក្រុងប៉ារីស ដែលកំពុងធ្វើជាម្ចាស់ផ្ទះរៀបចំកិច្ចប្រជុំបន្ទាន់មួយ ដើម្បីស្វែងរកការគាំទ្រសម្រាប់អ៊ុយក្រែន បង្កឱ្យប្រទេសអឺរ៉ុបជាច្រើន ក្នុងនោះមានសហរដ្ឋអាមេរិក ផង បាននិយាយថា ប្រធានាធិបតី ចូ បៃដិន (Joe Biden) ជឿថា ផ្លូវរបស់អ៊ុយក្រែនទៅរកជ័យជម្នះ គឺតាមរយៈជំនួយយោធា ដើម្បីបំពាក់អាវុធដល់កងទ័ពអ៊ុយក្រែន និងគ្រាប់រំសេវ ដែលពួកគេត្រូវប្រើ ដើម្បីការពារខ្លួន។  ប្រធានាធិបតី បៃដិន  តែងតែច្បាស់ថា សហរដ្ឋអាមេរិក នឹងមិនបញ្ជូនទ័ពទៅប្រយុទ្ធនៅអ៊ុយក្រែនឡើយ។អធិការបតីអាល្លឺម៉ង់ អូឡាហ្វ ស្កូលស៍ (Olaf Scholz) បាននិយាយថា មិនមានការផ្លាស់ប្តូរទេ ក្នុងកិច្ចព្រម ព្រៀងថា នឹងគ្មានប្រទេសអឺរ៉ុប ឬរដ្ឋសមាជិកណាតូ បញ្ជូនទាហានទៅអ៊ុយក្រែនក្នុងនាមជាជាសមាជិកអូតង់ អាល្លឺម៉ង់ សម្តែងការមិនយល់ស្របរបស់ខ្លួន។

អ្នកនាំពាក្យនាយករដ្ឋមន្ត្រីអង់គ្លេស លោករិស្ហ៊ី  ស៊ូណាក់ (Rishi Sunak) បាននិយាយថា ចក្រភពអង់គ្លេស មិនមានគម្រោងបញ្ជូនកងកម្លាំងយោធាដ៏ធំមួយ ទៅកាន់អ៊ុយក្រែន នោះទេ។ នេះគឺបន្ថែមពីលើបុគ្គលិកយោធាមួយចំនួនតូច ដែលបច្ចុប្បន្នកំពុងបណ្តុះបណ្តាលកងទ័ពអ៊ុយក្រែន។

ទន្ទឹមនឹងនេះ នាយកខុទ្ទកាល័យនាយករដ្ឋមន្ត្រីអ៊ីតាលី លោកស្រី ចចជា មេឡូនី (Georgia Meloni) បាននិយាយថា ការគាំទ្ររបស់អ៊ីតាលី មិនរាប់បញ្ចូលការបញ្ជូនកងទ័ពពីអឺរ៉ុប ឬអង្គការណាតូ ទៅកាន់អ៊ុយក្រែននោះទេ។

មុននេះ អ្នកនាំពាក្យរដ្ឋាភិបាលរុស្ស៊ី លោកឌីមីទ្រី ប៉េស្កូវ (Dmitry Peskov) បានចេញការព្រមានថា «សំ ណូមពររបស់លោកម៉ាក្រុង (Macron) គឺជាធាតុថ្មីដ៏សំខាន់មួយ។ ក្នុងករណីនោះ យើងត្រូវនិយាយ។ មិនទាក់ទងនឹងលទ្ធភាពទេ ប៉ុន្តែវាចៀសមិនរួចទេដែលនឹងមានជម្លោះផ្ទាល់»៕