Monday, April 15, 2024
Homeកីឡាជាតិប្រដាល់គុនខ្មែរលក្ខណៈអន្ដរជាតិប៉ុស្ដិ៍លេខ៥ ផាន់ សុផាត សម្លប់ក្រោម​ស្នា​ដៃអាម៉ី ស៊ីឡាក់ឆៃ  ខណៈសោម វិឆ័យ ចៅក្រម ឲ្យចាញ់ ព្រោះទាត់របស់​ពិសេស​ឈោគ ម៉ុងឃុន

ប្រដាល់គុនខ្មែរលក្ខណៈអន្ដរជាតិប៉ុស្ដិ៍លេខ៥ ផាន់ សុផាត សម្លប់ក្រោម​ស្នា​ដៃអាម៉ី ស៊ីឡាក់ឆៃ  ខណៈសោម វិឆ័យ ចៅក្រម ឲ្យចាញ់ ព្រោះទាត់របស់​ពិសេស​ឈោគ ម៉ុងឃុន

កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កង​យោធ​ពលខេមរៈភូមិន្ទប៉ុស្ដិ៍លេខ៥ (Tv5) សហការ​ជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី២២ហើយ ដែល​សប្ដាហ៍នេះរឹតតែ​អស្ចារ្យថែមទៀត​ដោយសារ​តែ​ទាំង​កីឡាករជាតិ និងអន្ដរជាតិវាយគ្នាអស់ពីសម្ថភាព នាំឲ្យទស្ស​និក​ជកជក់ចិត្ដខ្លាំង និង​ស្រែកហ៊ោ​ពេញសែង្វៀន ព្រោះតែអ្នករៀបចំកម្មវិធីបានសម្រិតសម្រាំង​យក​កីឡាករ​បរទេស​មក​សុទ្ធ​តែលំដាប់ខ្លាំងៗទើបធ្វើឲ្យអ្នកស្នេហាវិស័យ​ប្រដាល់គុន​ខ្មែរមានចំនួនកាន់តែ​កើន​ឡើង ពិ​សេស​​គឺនៅដើមឆ្នាំថ្មី២០២៤ នេះតែម្ដង។

លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី៩ ខែមីនា ឆ្នាំ២០២៤ គឺ៖

 -គូពិសេសទី១៖កីឡាករបង្គោលក្រហមនៅ វ៉ាន់ថន  អាយុ១៧ឆ្នាំ មកពី​ក្លឹប​មហិ​ទ្ទិរិទ្ធ​មេសថ្ញក ខេត្តស្វាយរៀង សមាគមកីឡាកងយោធពលខេមរភូមិន្ទ ធ្លាប់ប្រកួតបាន១៥លើក ឈ្នះ​១៣​លើក,ចាញ់២លើក មិនធ្លាប់ស្មើ ធ្លាប់ផ្ដួលគូប្រ​កួតឲ្យសម្លប់៧ដង ប្រកួតទម្ងន់​៥៤គ.ក្រ បានផ្ដួលនៅត្រឹមទឹកទី២ លើកីឡាករបង្គោល​ខៀវឌឿន សុខលីម  មកពីក្លិបនាគ​នាំសំណាងនរាណ៍តេជៈ សមាគមកីឡាប្រដាល់ក្រសួងមហាផ្ទៃ  អាយុ១៧ឆ្នាំ ធ្លាប់ប្រកួត​២៥លើក,ឈ្នះ​២០លើក,ស្មើ៤លើក ,​ចាញ់​១លើក  និងធ្លាប់​ផ្ដួលគូប្រកួតឲ្យសម្លប់៣ដង ។

-គូពិសេសទី២៖ កីឡាករបង្គោលក្រហមខុន សីហា  អាយុ២២ឆ្នាំ មកពីក្លិប​នាគនាំសំណាងនរាយណ៍តេជៈ សមាគមកីឡាប្រដាល់ក្រសួងមហាផ្ទៃ  ធ្លាប់ប្រកួត៧៧​លើក​,ឈ្នះ​៤៨លើក,ចាញ់២៤លើក ,ស្មើ៥លើក ធ្លាប់ផ្ដួលគូប្រកួតឲ្យសម្លប់៨ដង ប្រភេទ​ទម្ងន់៦០គ.ក្រ បានបោះបងការប្រកួតនៅទឹកទី៤ ក្រោមស្នាដៃកីឡាករបង្គោលខៀវសៀវ ង៉ុយ  អាយុ ២៧ឆ្នាំមកពីក្លិបដំរីគុណខ្មែរ សមាគមកីឡាប្រដាល់រាជធានីភ្នំពេញ ធ្លាប់ប្រកួត​ចំនួន៨១លើក ឈ្នះ៥៥លើក ,ចាញ់២៣លើក ,ស្មើ៣លើក និងធ្លាប់ផ្ដួលគូប្រកួត​ឲ្យសម្លប់​១០​ដង ។

-គូអន្ដរជាតិទី៣៖កីឡាករបង្គោលក្រហមកីឡាករផាន់ សុផាត មកពីក្លិបនាគនាំ​សំណាង​នរាយណ៍តេជៈ សមា​គមកីឡាប្រដាល់ក្រសួងមហាផ្ទៃ អាយុ២២ឆ្នាំ ធ្លាប់ប្រកួត​៧៥លើក​,ឈះ​៥២លើក,ចាញ់២១លើក ,ស្មើ២លើក និងធ្លាប់ផ្ដួលគូប្រកួតឲ្យសម្លប់៨ដង ប្រកួត​ប្រភេទ​ទម្ងន់៦០  គ.ក្រ បាន​សម្លប់ត្រឹមទឹកទី២ក្រោមកណ្ដាប់ដៃកី​ឡាករ​បង្គោល​ខៀវអាម៉ី ស៊ីឡាក់ឆៃ (Amy Selackchhai) មកពី​Thailand  អាយុ២៩ឆ្នាំ ធ្លាប់ប្រកួត៨៥លើក,​ឈ្នះ៦៥​លើក​,ចាញ់​២០លើក ,ស្មើ៣លើក  និងធ្លាប់ផ្ដួល​គូប្រកួតឲ្យសម្លប់១០ដង ។

-គូអន្ដរជាតិទី៤៖ កីឡាករបង្គោលក្រហមសោម ពិសិដ្ឋ អាយុ២៤ឆ្នាំ​មកពីក្លិប​វិបុល ដាវរិទ្ធ ខណ្ឌពោធិសែនជ័យ សមគមកីឡាប្រដាល់ក្រសួងមហាផ្ទៃ ធ្លាប់ប្រកួត១១៥​លើក,ឈ្នះ​៧១​លើក,ចាញ់​៤២លើក​,ស្មើ​២លើក និងធ្លាប់​ផ្ដួល​គូប្រកួតឲ្យសម្លប់ចំនួន២០ដង ប្រកួតប្រភេទ​ទម្ងន់៦៧គ.ក្រ  បានឈ្នះដោយពិន្ទុលើកីឡាករ​បង្គោល​ខៀវអ៊ិចស្រា្ដ (Extra)  អាយុ២៦ឆ្នាំ​មកពី​Thailand ធ្លាប់ប្រកួតចំនួន១១២លើក,ឈ្នះ​៩១លើក,ចាញ់​១៨លើក ,ស្មើ៣លើក និងធ្លាប់​ផ្ដួលគូប្រកួតឲ្យសម្លប់ចំនួន១៩ដង ។

 -គូអន្ដរជាតិទី៥៖ កីឡាករបង្គោលក្រហមសោម វិឆ័យ អាយុ​២៥ឆ្នាំមកពីក្លិបវិបុល​ដាវរិទ្ធ ខណ្ឌពោធិសែនជ័យ សមគមកីឡាប្រដាល់ក្រសួងមហាផ្ទៃ ធ្លាប់ប្រកួត១៥៩លើក​,ឈ្នះ១០៨​លើក,​ចាញ់៤៤លើក ស្មើ៧លើក និងធ្លាប់ផ្ដួលគូប្រ​កួតឲ្យសម្លប់១៥ដង ប្រភេទ ទម្ងន់​៦៣,៥គ.ក្រ  ត្រូវបានលោកចៅក្រមពិន័យ និងកាត់ក្ដីឲ្យចាញ់នៅត្រឹមទឹកទី២ លើកីឡា​ករ​បង្គោលខៀវ ឈោគ ម៉ុងឈុន (Chhuok Mongkhun) មកពីThailand អាយុ២៨ឆ្នាំ  ធ្លាប់​ប្រកួត​៨៦លើក,ឈ្នះ៦៦ លើក,ចាញ់​១៩​លើក ,ស្មើ១លើក និងធ្លាប់​ផ្ដួល​គូប្រកួតឲ្យ​សម្លប់​១៦ដង  បន្ទាប់ពីសោម វិឆ័យ បានទាត់ដោយអចេតនាទៅលើពងស្វាស កីឡាករថៃ រូបនេះ​ឲ្យឈឺចុកចាប់រហូតអាជ្ញាកណ្ដាលរាប់ដល់រាប់១០ ក្រោកមិនរួច។

គួរបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យ​ទស្ស​និក​ជនគាំ​ទ្រច្រើន ដោយសារតែមានការសម្រិតសម្រាំងគូពិសេសៗជារៀង​រាល់សប្ដាហ៍ទាំង​កីឡាករ​ជាតិ និងអន្ដរជាតិដើម្បីបម្រើអារម្មណ៍បងប្អូនក៍ដូចជាបំផុស​កីឡាប្រដាល់គុន​ខ្មែរឲ្យ​កាន់​តែ​ល្បី​ល្បាញទាំងនៅលើឆាកជាតិ និងអន្ដរជាតិ។          ប្រដាល់គុនខ្មែរ លក្ខណៈ​អន្ដរជាតិ​ប៉ុស្ដិ៍លេខ៥ តំណើរការបាន ដោយសារតែមានការ​ឧបត្ថម្ភ​ធំពីទឹកបរិសុទ្ធលីយ៉ង និងក្រុមហ៊ុន​ទឹកកកអនាម័យPremium ។ទស្សនិកជនអាចមកទស្សនាដោយផ្ទាល់នៅស្ទូឌីយោ ប៉ុស្ដិ៍លេខ​​៥ ព្រែកកំពឹសឬតាមAp Tv5 Cambodia Facebook  និងតាមយូធូបរៀងរាល់ល្ងាចថ្ងៃ​សៅរិ៍​ចាប់​ពី​ម៉ោង​៦ល្ងាចតទៅ៕

RELATED ARTICLES