កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កងយោធពលខេមរៈភូមិន្ទប៉ុស្ដិ៍លេខ៥ (Tv5) សហការជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី២៣ហើយ ដែលសប្ដាហ៍នេះកាន់តែតែអស្ចារ្យថែមទៀតដោយសារតែទាំងកីឡាករជាតិ និងអន្ដរជាតិវាយគ្នាអស់ពីសម្ថភាព នាំឲ្យទស្សនិកជកជក់ចិត្ដខ្លាំង និងស្រែកហ៊ោពេញសែង្វៀន ព្រោះតែអ្នករៀបចំកម្មវិធីបានសម្រិតសម្រាំងយកកីឡាករបរទេសមកសុទ្ធតែលំដាប់ខ្លាំងៗទើបធ្វើឲ្យអ្នកស្នេហាវិស័យប្រដាល់គុនខ្មែរមានចំនួនកាន់តែកើនឡើង ពិសេសគឺនៅដើមឆ្នាំ២០២៤ ។
លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី១៦ ខែមីនា ឆ្នាំ២០២៤ គឺ៖
-គូពិសេសទី១៖កីឡាករបង្គោលក្រហមឡុង សំណាង អាយុ២១ឆ្នាំ មកពីក្លិបវិបុលដារិទ្ធ ខណ្ឌពោធិសែនជ័យ សមាគមកីឡាប្រដាល់ក្រសួងមហាផ្ទៃ ធ្លាប់ប្រកួតបាន៣២លើក ឈ្នះ២៣លើក,ចាញ់៦លើក ស្មើ៣លើក ធ្លាប់ផ្ដួលគូប្រកួតឲ្យសម្លប់ចំនួន៧ដង ប្រកួតទម្ងន់៦៥គ.ក្រ បានឈ្នះដោយពិន្ទុ លើកីឡាករបង្គោលខៀវជុច លីហូវ មកពីក្លិបកងពលតូចដឹកជញ្ជួនលេខ៩០ សមាគមកីឡាប្រដាល់ក្រសួងមហាផ្ទៃ អាយុ២១ឆ្នាំ ធ្លាប់ប្រកួត១៨លើក,ឈ្នះ១៨លើក,មិនធ្លាប់ស្មើ ,ចាញ់៨លើក និងធ្លាប់ផ្ដួលគូប្រកួតឲ្យសម្លប់ចំនួន៣ដង ។
-គូពិសេសទី២៖ កីឡាករបង្គោលក្រហមឡុង លីហេង អាយុ១៧ឆ្នាំ មកពីក្លិបប្រដាល់សាលវ័ន្ដកីឡាខេត្តមណ្ឌុលគិរី សមាគមកីឡាប្រដាល់ក្រសួងមហាផ្ទៃ ធ្លាប់ប្រកួត២៧លើក,ឈ្នះ១៩លើក,ចាញ់៦លើក ,ស្មើ២លើក មិនធ្លាប់ផ្ដួលគូប្រកួតឲ្យសម្លប់ ប្រភេទទម្ងន់៥៧គ.ក្រ បានចាញ់ពិន្ទុ កីឡាករបង្គោលខៀវគឿម សុវណ្ណាង៉ា អាយុ២១ឆ្នាំមកពីក្លិបឃ្លាំងមឿងកីឡាខេត្តពោធិសាត់ សមាគមកីឡាប្រដាល់ក្រសួងមហាផ្ទៃ ធ្លាប់ប្រកួតចំនួន៣៨លើក ឈ្នះ២៧លើក ,ចាញ់៩លើក ,ស្មើ២លើក និងធ្លាប់ផ្ដួលគូប្រកួតឲ្យសម្លប់១០ដង ។
-គូអន្ដរជាតិទី៣៖កីឡាករបង្គោលក្រហមកីឡាករនួន រ៉ាថេន មកពីក្លិបតាឯកដំបងដែកមានរិទ្ធ សមគមកីឡាប្រដាល់ខេត្តព្រៃវែង អាយុ៣១ឆ្នាំ ធ្លាប់ប្រកួត៦៤លើក,ឈះ៤៣លើក,ចាញ់១៦លើក ,ស្មើ៥លើក និងធ្លាប់ផ្ដួលគូប្រកួតឲ្យសម្លប់ចំនួន១០ដង ប្រកួតប្រភេទទម្ងន់៦៣,៥ គ.ក្រ បានចាញ់ពិន្ទុ កីឡាករបង្គោលខៀវពេជ្រ ណា ខន (Pich Nakhorn) មកពីThailand អាយុ២៤ឆ្នាំ ធ្លាប់ប្រកួត៨៤លើក,ឈ្នះ៥៩លើក,ចាញ់២២លើក ,ស្មើ៣ លើក និងធ្លាប់ផ្ដួលគូប្រកួតឲ្យសម្លប់៩ដង ។
-គូអន្ដរជាតិទី៤៖ កីឡាករបង្គោលក្រហមទូច ដេវីត អាយុ២២ឆ្នាំមកពីក្លិបសុភាពគុនខ្មែរ សមគមកីឡាកងយោធពលខេរភូមិន្ទ ធ្លាប់ប្រកួត៥៩លើក,ឈ្នះ៥១លើក,ចាញ់៧លើក,ស្មើ១លើក និងធ្លាប់ផ្ដួលគូប្រកួតឲ្យសម្លប់ចំនួន១២ដង ប្រកួតប្រភេទទម្ងន់៦០គ.ក្រ សងសឹកបានសម្រេចដោយផ្ដួលគូប្រកួតត្រឹមទឹកទី៣លើកីឡាករបង្គោលខៀវប៉ាន ផាត (Pan Phat) អាយុ២៥ឆ្នាំមកពីThailand ធ្លាប់ប្រកួតចំនួន៨៣លើក,ឈ្នះ៦៣លើក,ចាញ់១៧លើក ,ស្មើ៣លើក និងធ្លាប់ផ្ដួលគូប្រកួតឲ្យសម្លប់ចំនួន១០ដង ។
-គូអន្ដរជាតិទី៥៖ កីឡាករបង្គោលក្រហមមឿន សុខហ៊ុច អាយុ២៦ឆ្នាំមកពីក្លិបមហិទ្ធិរិទ្ធមេសថ្ញក ខេត្តស្វាយ រៀង សមគមកីឡាកងយោធពលខេរភូមិន្ទ ធ្លាប់ប្រកួត១២៥លើក,ឈ្នះ៩៨លើក,ចាញ់២២លើក ស្មើ៥លើក និងធ្លាប់ផ្ដួលគូប្រកួតឲ្យសម្លប់ចំនួន៣៥ដង ប្រភេទ ទម្ងន់៦៣,៥គ.ក្រ បានប្រើកែងឆេះផ្ដួលគូប្រកួតត្រឹមទឹកទី១ ប៉ុណ្ណោះលើកីឡាករបង្គោលខៀវ ឌេន ណាផូ (Den Naphau) មកពីThailand អាយុ២៤ឆ្នាំ ធ្លាប់ប្រកួត៧៨លើក,ឈ្នះ៦៨ លើក,ចាញ់៩លើក ,ស្មើ១លើក និងធ្លាប់ផ្ដួលគូប្រកួតឲ្យសម្លប់ចំនួន២១ដង ។គួរបញ្ជាក់ថាសប្ដាហ៍នេះទាំងទូច ដេវីត និងមឿន សុខហ៊ុច សុទ្ធតែបានសងសឹកគូប្រកួតរបស់ខ្លួនបានដោយជោគជ័យ និងប្រើកែងឆេះដូចគ្នា ។
សូមបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិកជនគាំទ្រច្រើន ដោយសារតែមានការសម្រិតសម្រាំងគូពិសេសៗជារៀងរាល់សប្ដាហ៍ទាំងកីឡាករជាតិ និងអន្ដរជាតិដើម្បីបម្រើអារម្មណ៍បង ប្អូនក៍ដូចជាបំផុសកីឡាប្រដាល់គុនខ្មែរឲ្យកាន់តែល្បីល្បាញទាំងនៅលើឆាកជាតិ និងអន្ដរជាតិ។ទស្សនិកជនអាចមកទស្សនាដោយផ្ទាល់នៅស្ទូឌីយោ ប៉ុស្ដិ៍លេខ៥ ព្រែកកំពឹសឬតាមAp Tv5 Cambodia Facebook និងតាមយូធូបរៀងរាល់ល្ងាចថ្ងៃសៅរិ៍ចាប់ពីម៉ោង៦ល្ងាចតទៅ៕ប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ តំ ណើរការបាន ដោយសារតែមានការឧបត្ថម្ភធំពីទឹកបរិសុទ្ធលីយ៉ង និងក្រុមហ៊ុនទឹកកកអនាម័យPremium ៕
