ខេត្តសៀមរាប ៖ ចាប់តាំពីព្រឹកថ្ងៃទី២១ ខែមីនា ឆ្នាំ២០២៤ មកដល់ថ្ងៃទី២៣ ខែមីនា ឆ្នាំ២០២៤ ព្រឹត្តិការណ៍សមរាត្រី ថ្ងៃរះចំកំពូលកណ្តាលប្រាសាទអង្គរវត្ត មានភ្ញៀវទេសចរជាតិ និងអន្តរជាតិ មកទស្សនាយ៉ាងច្រើនកុះករ ក្នុង១ថ្ងៃ ចំនួនរាប់ម៉ឺននាក់។
![](https://norkorthom.com/wp-content/uploads/2024/03/w6-3.jpg)
ក្នុងព្រឹត្តិការណ៍សមរាត្រី រដូវប្រាំង (Vernal Equinox) នេះ បានចាប់ផ្តើមពីថ្ងៃទី២១ ដល់២៣ ខែមីនា ឆ្នាំ២០២៣ ដែលភ្ញៀវទរសចរ បានមករង់ចាំទស្សនាព្រះអាទិត្យរះ ឡើងកាត់តាមកំពូលកណ្តាល នៃប្រាសាទអង្គរវត្ត តាំង ពីម៉ោង ៥ព្រឹក ដោយសារអាកាសធាតុនាព្រឹកព្រលឹម មានអំណោយផលល្អ ទេសចរអាចទស្សនានិងផ្តិតយកទិដ្ឋភាពថ្ងៃរះ គួរទីជាគយគន់ ដោយក្តីរំភើប រីករាយ ។
![](https://norkorthom.com/wp-content/uploads/2024/03/w4-6-1024x576.jpg)
តាមប្រភពអាជ្ញាធរអប្សរា បានឲ្យដឹងថា នៅថ្ងៃទី២១ ខែមីនា ឆ្នាំ២០២៤ មានភ្ញៀវទេសចរជាតិ និងអន្តរជាតិ មកទស្សនាព្រឹត្តិការណ៍ថ្ងៃរះចំកំពូលកណ្តាលប្រាសាទអង្គរវត្ត យ៉ាងច្រើនកុះករ ចំនួនជាង ១ម៉ឺននាក់។ ហើយនៅថ្ងៃបន្តបន្ទាប់ ចំនួនភ្ញៀវទេសចរជាតិ និងអន្តរជាតិ មកទស្សនា បានកើនឡើងថែមទៀត។
![](https://norkorthom.com/wp-content/uploads/2024/03/w9-2-1024x682.jpg)
ក្នុងចំណោមអ្នកទៅទស្សនាថ្ងៃរះចំកំពូលកណ្តាលប្រាសាទអង្គរវត្ត នោះ ក៏មានកំពូលតារាចម្រៀង ឧកញ៉ាខេមរ: សិរីមន្ត បាននាំភរិយារបស់លោក ទៅទស្សនា និងថតផ្តិតយករូបភាពនៃព្រឹត្តិការណ៍ដ៏អស្ចារ្យនេះ ដោយផ្ទាល់ផងដែរ កាលពីព្រឹកថ្ងៃទី២២ ខែមីនា ឆ្នាំ២០២៤។
![](https://norkorthom.com/wp-content/uploads/2024/03/w8-3-1024x683.jpg)
តារាចម្រៀងឧកញ៉ា ខេមរ: សិរីមន្ត បានបង្ហោះវីដេអូ និងសំណេរ ក្នុងទំព័របណ្តាញសង្គមហ្វេសប៊ុក របស់លោក នៅព្រឹកថ្ងៃទី២២ ខែមីនា ឆ្នាំ២០២៤ ថា «ព្រឹកនេះ ម៉ោង 6:30នាទី សមរាត្រី ថ្ងៃទី22 ខែមីនា ឆ្នាំ2024 នេះជាលើកទីមួយ រំភើបចង់ហោះ ចំកណ្តាលល្អណាស់។
![](https://norkorthom.com/wp-content/uploads/2024/03/w14-1-1024x576.jpg)
ជូនពរពុកម៉ែ បងប្អូន អ៊ំពូមីង ទទួលបានសុភមង្គលគ្រប់ៗគ្នាណាបាទ»។
សូមបញ្ជាក់ថា ព្រឹត្តិការណ៍សមរាត្រី (Equinox) តែងតែកើតមាន ២ដង ជារៀងរាល់ឆ្នាំ គឺនៅរដូវប្រាំង (Vernal Equinox) កើតទ្បើងនៅខែមីនា និងសមរាត្រីរដូវវស្សា (Autumnal Equinox) កើតទ្បើងនៅខែកញ្ញា៕
![](https://norkorthom.com/wp-content/uploads/2024/03/w20-1024x792.jpg)
![](https://norkorthom.com/wp-content/uploads/2024/03/w21-1024x576.jpg)
![](https://norkorthom.com/wp-content/uploads/2024/03/w25-1024x768.jpg)
![](https://norkorthom.com/wp-content/uploads/2024/03/w7-5.jpg)
![](https://norkorthom.com/wp-content/uploads/2024/03/x1-34.jpg)