កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កងយោធពលខេមរៈភូមិន្ទប៉ុស្ដិ៍លេខ៥ (Tv5) សហការជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី២៤ហើយ ដែលសប្ដាហ៍នេះកាន់តែតែអស្ចារ្យថែមទៀតដោយសារតែទាំងកីឡាករជាតិ និងអន្ដរជាតិវាយគ្នាអស់ពីសម្ថភាពពិសេសអ្នកដឹកនាំកម្មវិធីសម្រិតសម្រាំងយកសុទ្ធតែកីឡាការខ្លាំងៗមកប្រកួត នាំឲ្យទស្សនិកជកជក់ចិត្ដខ្លាំង ស្រែកហ៊ោពេញសែង្វៀនព្រែកកំពឹសតែម្ដង។
លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី២៣ ខែមីនា ឆ្នាំ២០២៤ គឺ៖
-គូពិសេសទី១៖កីឡាករបង្គោលក្រហមជិន ចាង អាយុ២១ឆ្នាំ មកពីក្លិបឃ្លាំងមឿងកីឡាខេត្តពោធិសាត់ សមា គមកីឡាប្រដាល់ក្រសួងមហាផ្ទៃ ធ្លាប់ប្រកួតបាន៤០លើក ឈ្នះ២៩លើក,ចាញ់៨លើក ស្មើ៣លើក ធ្លាប់ផ្ដួលគូប្រកួតឲ្យសម្លប់ចំនួន៣ដង ប្រកួតទម្ងន់៦០គ.ក្រ បានឈ្នះដោយពិន្ទុ លើកីឡាករបង្គោលខៀវថា សារុន មកពីក្លិបតាឡីដំរីមានរិទ្ធសមាគមកីឡាប្រដាល់ក្រសួងមហាផ្ទៃ អាយុ២៦ឆ្នាំ ធ្លាប់ប្រកួត១៦៥លើក,ឈ្នះ១១២លើក,មិនស្មើ២លើក ,ចាញ់៥១លើក និងធ្លាប់ផ្ដួលគូប្រកួតឲ្យសម្លប់ចំនួន២២ដង ។
-គូពិសេសទី២៖ កីឡាករបង្គោលក្រហមសៀវ ង៉ុយ អាយុ២៧ឆ្នាំ មកពីក្លិបប្រដាល់ដំរីគុនខ្មែរ សមាគមកីឡាប្រដាល់រាជធានីភ្នំពេញ ធ្លាប់ប្រកួត៨២លើក,ឈ្នះ៥៦លើក,ចាញ់២៣លើក ,ស្មើ៣លើក ធ្លាប់ផ្ដួលគូប្រកួតឲ្យសម្លប់ចំនួន១០ដង ប្រភេទទម្ងន់៦០គ.ក្រ ត្រូវបានចៅក្រមកាត់ក្ដីឲ្យចាញ់កីឡាករបង្គោលខៀវដោយសារតែមិនស្ដាប់លោកអាជ្ញាកណ្ដាលឃាត់ឲ្យឈប់វ៉ៃលើគូប្រកួតដែលនៅអែបកៀនសង្វៀនកីឡាករខុន បូឡា អាយុ២៧ឆ្នាំមកពីក្លិបនាគនាំសំណាងនរាយណ៍តេជៈ សមាគមកីឡាប្រដាល់ក្រសួងមហាផ្ទៃ ធ្លាប់ប្រកួតចំនួន៨២លើក ឈ្នះ៦១លើក ,ចាញ់១៥លើក ,ស្មើ៦លើក និងធ្លាប់ផ្ដួលគូប្រកួតឲ្យសម្លប់១២ដង ។សៀវ ង៉ុយ មិនអស់ចិត្តតែគ្មានការតវ៉ាចំពោះលទ្ធផលនេះឡើយ។
-គូអន្ដរជាតិទី៣៖កីឡាករបង្គោលក្រហមកីឡាកររិន សារ័ត្ន មកពីក្លិបនាគនាំសំណាងនរាយណ៍តេជៈ សមគមកីឡាប្រដាល់ក្រសួងមហាផ្ទៃ អាយុ២៥ឆ្នាំ ធ្លាប់ប្រកួត៨៤លើក,ឈះ៦០លើក,ចាញ់១៧លើក ,ស្មើ៧លើក និងធ្លាប់ផ្ដួលគូប្រកួតឲ្យសម្លប់ចំនួន២០ដង ប្រកួតប្រភេទទម្ងន់៦៣,៥ គ.ក្រ បានត្រឹមស្មើពិន្ទុ កីឡាករបង្គោលខៀវអាមី សីឡាក់ឆ័យ មកពីThailand ។
-គូអន្ដរជាតិទី៤៖ កីឡាករបង្គោលក្រហមគង់ ហូវ អាយុ២៣ឆ្នាំមកពីក្លិបមហិទ្ធិរិទ្ធមេសថ្ញក ខេត្តស្វាយរៀង សមគមកីឡាកងយោធពលខេរភូមិន្ទ ធ្លាប់ប្រកួត១០០លើក,ឈ្នះ៧៩លើក,ចាញ់១៦លើក,ស្មើ៥លើក និងធ្លាប់ផ្ដួលគូប្រកួតឲ្យសម្លប់ចំនួន៣៦ដង ប្រកួតប្រភេទទម្ងន់៦០គ.ក្រ បានឈ្នះដោយពិន្ទុលើកីឡាករបង្គោលខៀវភេត ណាមខាំ (Phat Namkham) អាយុ២០ឆ្នាំមកពីThailand ធ្លាប់ប្រកួតចំនួន៨៥លើក,ឈ្នះ១៨លើក,ចាញ់៣លើក ,ស្មើ៣លើក និងធ្លាប់ផ្ដួលគូប្រកួតឲ្យសម្លប់ចំនួន១២ដង ។
-គូអន្ដរជាតិទី៥៖ កីឡាករបង្គោលក្រហមព្រំ សំណាង អាយុ២៦៣៣ឆ្នាំមកពីក្លិបមហិទ្ធិរិទ្ធមេសថ្ញក ខេត្តស្វាយ រៀង សមគមកីឡាកងយោធពលខេរភូមិន្ទ ធ្លាប់ប្រកួត១៧២លើក,ឈ្នះ១៥៦លើក,ចាញ់១៣លើក ស្មើ៣លើក និងធ្លាប់ផ្ដួលគូប្រកួតឲ្យសម្លប់ចំនួន៦៩ដង ប្រភេទ ទម្ងន់៨០គ.ក្រ បានឈ្នះដោយពិន្ទុលើកីឡាករបង្គោលខៀវខៃរ៉ាន សូលៃម៉ា (Keivan Soleimani) មកពីIran អាយុ២៧ឆ្នាំ ធ្លាប់ប្រកួត៩០លើក,ឈ្នះ៦៥ លើក,ចាញ់២១លើក ,ស្មើ៤លើក និងធ្លាប់ផ្ដួលគូប្រកួតឲ្យសម្លប់ចំនួន១០ដង ។ទោះជាការប្រកួតមានត្រឹមចំនួនតែ៣ទឹកមែន តែទស្សនិកជនជក់ចិត្តខ្លាំងនិងគូឯកប្រចាំសប្ដាហ៍រវាងព្រំ សំណាង ផ្ដួលបានសម្រេចទៅលើកីឡាករខៃរ៉ាន សូលៃម៉ានី ព្រោះសំណាង សងសឹកជូនសិស្សប្អូនរឿង សោភ័ណ្ឌ ដែលចាញ់កីឡាករមកពីអ៊ីរ៉ង់នេះបានដោយជោគជ័យ។
គួរបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិកជនគាំទ្រច្រើន ដោយសារតែមានការចម្រាញ់យកតែគូពិសេសៗជារៀងរាល់សប្ដាហ៍ទាំងកីឡាករជាតិ និងអន្ដរជាតិដើម្បីបម្រើអារម្មណ៍បង ប្អូនក៍ដូចជាបំផុសកីឡាប្រដាល់គុនខ្មែរឲ្យកាន់តែល្បីល្បាញទាំងនៅលើឆាកជាតិ និងអន្ដរជាតិ។ ប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ តំណើរការបាន ដោយសារតែមានការឧបត្ថម្ភធំពីទឹកបរិសុទ្ធលីយ៉ង និងក្រុម ហ៊ុនទឹកកកអនាម័យPremium ។ទស្សនិកជនអាចមកទស្សនាដោយផ្ទាល់នៅស្ទូឌីយោ ប៉ុស្ដិ៍លេខ៥ ព្រែកកំពឹសឬតាមAp Tv5 Cambodia Facebook និងតាមយូធូបរៀងរាល់ល្ងាចថ្ងៃសៅរិ៍ចាប់ពីម៉ោង៦ល្ងាចតទៅ៕
