ភ្នំពេញ៖ពិធីការិនីហ៊ិន ច័ន្ទនីរ័ត្ន លេចមុខចុងក្រោយនេះដោយប្រើឈុតសម្លៀកបំពាក់បែបរលុងៗមើលទៅដូចជាកំពុងតែលេចសញ្ញាមានផ្ទៃពោះដែលស្របទៅនិងការបង្ហើបពីមាន សូនីតា ថានីរ័ត្ន ប្រាប់នាងថាចង់បានកូននៅឆ្នាំរោងនេះ គឺចង់យកឲ្យខាងតែបាន។ប៉ុន្ដែច័ន្ទនីរ័ត្ន ដែលមើលទៅទំនងជាចាញ់កូនខ្លាំងនោះនាងនៅតែបន្ដអាជីពជាពិធីការិនីដដែល ទាំងនៅStudio បានយ័ននិងតាមក្រុមហ៊ុនAgency ទាំងឡាយ គឺបាត់មុខតែតាមរយៈការសម្ដែងភាពយន្ដនិងMV ប៉ុណ្ណោះ ដែលតាមព័តមានថានាងនៅទទួលថតតែរឿងបែបប្រវត្តិសាស្រ្ដរបស់ថ្នាក់ដឹកនាំប៉ុណ្ណោះ បើការថតរឿងភាគឬរឿងដុំស្វាមីរបស់នាងអាចនឹងមិនអនុញ្ញាត្តិឲ្យនាងលេងដូចមុនទៀតឡើយ ។
អ្នកយកព័តមានយើងបានទូរស័ព្ទទៅហ៊ិន ច័ន្ទនីរ័ត្ន ជាច្រើនដងកាលពីពេលថ្មីៗនេះ ប៉ុន្ដែមិនអាចទាក់ទងបានទេ ព្រោះតេមិនចូល។យ៉ាងណាក្រោយមានស្វាមីជាង៣ខែនេះច័ន្ទនីរ័ត្ន ហាក់មើលទៅរាងសាច់និងមានព្រលឹងជាងមុនបន្ដិច ហើយនាងក្លាយជាតារារស់នៅសុខសាន្ដត្រានលើផ្ទះវីឡារយ៉ាងប្រណិតនិងជិះរថយន្ដថ្លៃៗដូចជាម៉ាកBentley ជាដើម។ប្រភពបានឲ្យដឹងថាក្រុមផលិតករដែលធ្លាប់ហៅច័ន្ទនីរ័ត្ន ថតភាពយន្ដពីមុននោះមិនហ៊ានហៅនាងថតរឿងទៀតឡើយក្រោយពីនាងក្លាយទៅជាក្មួយប្រសារលោកអតីតនាយករដ្ឋមន្រ្ដីមកដោយម្នាក់ៗថានាងមិនចាប់អារម្មណ៍កើបលុយល្អិតទៀតទេ និងខ្លះថាប្ដីនាងមិនអនុញ្ញាត្តិឲ្យស្រីស្រស់រូបនេះលេងឈុតដែលមានតារាប្រុសអោបថើបដូចមុនទៀតទេ ក្នុងនោះភាពស្និតស្នាលជាមួយលោកសេង មង្គល ក៍ត្រូវបានកាត់បន្ថយស្ទើតែទាំងស្រុងដែរ ។
គួររំលឹកថាហ៊ិន ច័ន្ទនីរ័ត្ន បានដឹកដៃលោកឌី ពេជ្រ ដែលជាក្មួយអតីតនាយករដ្ឋមន្រ្ដីរៀបការកាលពីថ្ងៃទី២២ ខែធ្នូ ឆ្នាំ២០២៣ ហើយនៅថ្ងៃទី២២ ខែមីនា ឆ្នាំ២០២៤ នាងនាំប្ដីទៅចុះអេតាស៊ីវិលបញ្ជាក់ថាពួកគេក្លាយទៅជាប្ដីប្រពន្ធគ្នាស្របច្បាប់។ច័ន្ទនីរ័ត្ន ថាមុនមួយថ្ងៃនាំស្វាមីទៅចុះអេតាស៊ីវិលនោះនាងនិងលោកពេជ្រ បានធ្វើពិធីលើករាសី ខណៈដែលប្ដីនាងប្ដីកាសថាលោកសប្បាយចិត្តក្រោយបានចុះសំបុត្រអាពាហ៍ ពិពាហ៍ ជាមួយភរិយាលោកព្រោះថាចាប់ពីពេលនេះទៅលោកជាកម្មសិទ្ធិរបស់នីរ័ត្ន ខណៈនីរ័ត្ន វិញជាកម្មសិទ្ធិផ្ដាច់មុខរបស់លោកដែរ។ប៉ុន្ដែពួកគេទាំងពីរមិនបាននិយាយពីរឿងដែលគេកំពុងតែសង្ស័យថានីរ័ត្ន មានផ្ទៃពោះកូនទី១ឡើយ ។
ហ៊ិន ច័ន្ទនីរ័ត្ន បានបិទបញ្ចប់ការដែលគេហៅនាងថាជាតារាអភ័ព្វស្នេហ៍ ក្រោយនាងក្លាយទៅជាភរិយារបស់លោកឌី ពេជ្រ ហើយនាងក៍ជាតារាតែម្នាក់គត់ដែលអំឡុងជាសង្សារលោកពេជ្រ ក៍បែកបាក់គ្នាដល់ទៅ៨ឆ្នាំ តែចុងក្រោយក៍បានជួបគ្នាវិញដឹកដៃគ្នាចូលរោងការតែម្ដង។យ៉ាងណាបន្ទាប់ពីបានក្លាយទៅជាប្រពន្ធលោកពេជ្រ ជាង៣ខែអតីតFreshie លេខ១កាលពីឆ្នាំ២០០៧ រូបនេះមិនទាន់បង្ហាញពីការបើកអាជីវកម្មអ្វីក្រៅពីសិល្បៈនោះទេ បើទោះជាស្វាមីនាងជាបុរសពោះម៉ាយទ្រព្យស្ដុកដែលមានលុយពេញៗដៃអាចឲ្យនាងបោះទុនលើមុខរបរអ្វីដែលខ្លួនស្រលាញ់បានដោយងាយក្ដី ប៉ុន្ដែគេឃើញនាងដើរទិញតែរបស់ប្រេនប្រេន ពីហាងគេប៉ុណ្ណោះ ។ចំណែករឿងសំខាន់មួយទៀតដែលនីរ័ត្ន នៅតែរក្សារភាពស្ងប់ស្ងាត់នោះគឺម្ដាយនាងបង្កើតដែលបានត្រឹមអង្គុយមើលរូបនាងរៀបការតាមទូរស័ព្ទទាំងតូចចិត្តព្រោះនាងមិនហៅឲ្យចូលរួមនោះរហូតមកដល់ពេលនេះនាងមិនទាន់បានបណ្ដើរប្ដីទៅជួបម្ដាយនិងប្អូនស្រីបង្កើតឡើយ បើទោះជាតារាភាគច្រើនបានឈរនៅខាងនីរ័ត្ន ថាវាជារឿងអយុត្តិធ័មសម្រាប់រូបនាងដែលម្ដាយបានយកនាងទៅឲ្យគេចិញ្ចឹមតាំងពីតូច ព្រោះសម្អាងថាជីវភាពក្រីក្រពេកតែពួកគេបែជាចិញ្ចឹមកូនផ្សេងៗទៀតរស់បានដោយស្រួលក្ដី ។ពិធីការិនីរូបនេះមិនដែលឆ្លើយតតបចំពោះរឿងអ្នកលេងបណ្ដាញសង្គមលើកឡើងថាពេលនេះនាងមានជីវភាពធូធារហើយគួរណាស់តែធ្វើឲ្យម្ដាយសប្បាយចិត្តនៅជីវិតចុងក្រោយតាមរយៈការទៅជួបម្ដាយដោយផ្ទាល់នោះឡើយ ពោលគឺនាងមិនដែលប្រតិកម្មទាក់ទងរឿងម្ដាយនាងតែម្ដង ។
ក្រៅពីហ៊ិន ច័ន្ទនីរ័ត្ន តារាបានប្ដីពោះម៉ាយមានដូចជាអ្នកនាងលី ម៉ារីណា ,កែវ ពិសី,កែវ ពេជ្រពិសី ,ស៊ឹម សូលិកា និងនៅ សុនិតា ជាដើម ៕
