ភ្នំពេញ៖រយៈពេលជាង១ឆ្នាំមកហើយដែលលោកឆន សុវណ្ណារាជ ច្រៀងនៅហង្សមាសដោយអត់មានគូប្រជែងធំលោកខេមរៈ សិរីមន្ដ ដែលលោតទៅចូលGalaxy ហើយគេរំពឹងថាលោករាជ អាចនឹងឡើងកូដខ្លាំងវិញជាមិនខាន ព្រោះគ្មានអ្នកពាំងផ្លូវទៀត ។ប៉ុន្ដែជាង១៦ខែមកនេះលោកសុវណ្ណារាជ នៅតែមិនទាន់អាចធ្វើព្យុះភ្លៀងបានទេ ពោលគឺលោកបែជាងាកទៅច្រៀងCover បទល្បីរបស់តារាស្រីៗនៅហង្សមាសទៅវិញដូចជាបទ”យុត្តិធ័ម គ្មានសម្រាប់អ្នកស្មោះ “របស់ឱក សុគន្ធកញ្ញា និងបទ”បុរសល្ងីល្ងើស្មោះស្នេហ៍”របស់ពេជ្រ សោភា ជាដើម ខណៈដែលបទថ្មីរបស់លោក”ពូក៍ដូចប៉ា “ បែជាមានគេសើចចំអកឲ្យនូវបច្ចេកទេសច្រៀង និងរាំរបស់លោក ទៅវិញរហូតមានអ្នកខ្លះសួរថាតើពូរាជ ពីមុនបាត់ទៅណាហើយ ?ការងាកទៅច្រៀងCover បទតារាស្រីទ្រនុំរបស់លោកសុវណ្ណារាជ នាពេលនេះត្រូវបានគេមើលឃើញថាដោយសារតែលោកមិនសូវមានបទថ្មីៗច្រៀងព្រោះអ្នកចម្រៀងហង្សមាសបច្ចុប្បន្នមានច្រើនជាងអ្នកនិពន្ធជាដើម ទើបលោកលេងស្ទីលនេះវិញម្ដង ។តែយ៉ាណាសម្រាប់Concerts នារដូវក្ដៅនេះ លោកសុវណ្ណារាជ នៅតែចេញមុខច្រៀងសម្ដែងតាមConcerts របស់ហង្សមាសជាបន្ដបន្ទាប់ដដែល ទើបមានការសន្និដ្ឋានថាទោះជាលោករាជ មិនខ្លាំងក្លាដូចមុនក៍អ្នកចម្រៀងរោមទ្រូងច្រើនរូបនេះនៅតែអាចរកប្រាក់ចំណូលបានជាច្រើនម៉ឺនដុល្លារក្នុង១រដូវក្ដៅនេះដែរ ។
សូមរំលឹកថាឆន សុវណ្ណារាជ ធ្លាប់លេចធ្លោខ្លាំងកាលពីឆ្នាំ២០០៧ អំឡុងពេលដែលលោកចេញពីU2 ចូលហង្សមាសដែលពេលនោះលោកនៅក្រោមតែលោកព្រាប សុវត្ថិ ម្នាក់ប៉ុណ្ណោះ ។យ៉ាងណាការទៅដល់ហង្សមាសដែររបស់លោកខែម ប៊ុនថៃ នៅឆ្នាំ២០១៧ ធ្វើឲ្យលោករាជ ចុះខ្សោយទៅវិញបន្ដិច ហើយបើទោះជាពេលនេះហង្សមាសគ្មានលោកថៃ ក៍លោករាជ នៅតែពិបាកដណ្ដើមភាពលេចធ្លោដូចមុនដែរ ព្រោះថាបច្ចុប្បន្នតារាហង្សមាសមានច្រើន ហេតុនេះការគាំទ្របែកខ្ញែក ហើយអ្នកនិពន្ធដែលធ្លាប់សរសេរឲ្យលោកច្រៀងល្បីកន្លងមកនោះក៍បានដើរចេញពីហង្សមាសជាបន្ដបន្ទាប់ផងដែរ ។តែថៅកែហង្សមាសនៅតែទុកចិត្តលើតារាវ័យ៣៩ ឆ្នាំរូបនេះដដែល តាមរយៈការឲ្យតំណែងធំដល់លោកដល់ទៅ៣ផ្សេងគ្នាគឺធ្វើជាJudge កម្មវិធីCambodia Idol ,ធ្វើCoach កម្មវិធីThe Voice Cambodia និងថ្មីៗនេះទើបឲ្យកៅអីជាJudge កម្មវិធីBeat The Best រដូវកាលទី២ ផងដែរ ។តំណែង៣ផ្សេងគ្នារបស់លោករាជ នេះបញ្ជាក់ថាលោកនៅតែជាតារាស្នូលរបស់ផលិតកម្មធំមួយនេះ ហើយហង្សមាសក៍មិនចង់បាត់បង់លោកដូចព្រាប សុវត្ថិ និងខេមរៈ សិរីមន្ដ ឡើយ ។
គេចាំមើលថាតើនៅថ្ងៃបុណ្យចូលឆ្នាំខ្មែរ២០២៤ នេះលោកឆន សុវណ្ណារាជ នឹងមានបទអ្វីស្ដារមុខមាត់ឡើងវិញទេ ព្រោះប្រសិនបើលោករយាលពីការសម្រុកបទថ្មីៗឡើងវិញបែបនេះ កុំថាឡើយពិបាកទប់ទល់ជាមួយលោកព្រាប សុវត្ថិ និងខេមរៈ សិរីមន្ដ របស់Galaxy តែសូម្បីតែទប់ទល់ជាមួយម្ចាស់ពាននៅហង្សមាសនោះក៍ពិបាកនឹងទៅរួចដែរ។តែសម្រាប់Fan របស់លោករាជ វិញនៅតែជឿជាក់ថាលោកនឹងអាចឡើងមកវិញឲ្យតែហង្សមាសធ្វើបទត្រូវឲ្យច្រៀង។
គួរបញ្ជាក់ថាលោកឆន សុវណ្ណារាជ ស្ថិតក្នុងចំណោមតារាដែលគ្មានដំណឹងការប្រពន្ធដូចជាលោកណុប បាយ៉ារិទ្ធ និងទេព រិនដារ៉ូ ជាដើម ហើយកន្លងមកធ្លាប់លេចឭថាលោករាជ មានស្រីស្រលាញ់តិចជាងប្រុសទៀតផង រហូតមានអ្នកខ្លះបានហៅលោកដោយឌឺដងថា”ម៉ាក់រាជ “ក៍មាន។ប៉ុន្ដែលោកសុវណ្ណារាជ មិនដែលជះកំហឹងទៅអ្នកមិនពេញចិត្តលោកនោះទេ បើទោះជាពេលខ្លះគេឃើញលោកហាក់មានអារម្មណ៍ច្របូកច្របល់ ព្រោះជូនកាលលោកចាប់ថើបស្រីស្អាតហេង ចន្ថា នៅក្រៅឆាក និងរាំស្លូវជាមួយនាងសុភ័ក្រ កុសុម៉ា ឆ្លៀតយកដៃបន្លះប៉ះគូថផ្អើលពេញបណ្ដាញសង្គមក្ដី ។អ្នកគាំទ្រលោករាជ ចង់ឃើញលោករៀបការប្រពន្ធជាសាធារណៈដើម្បីលុបចោលដានរឿងគេថាលោកមានប្រុសតាមស្រលាញ់ច្រើនជាងស្រីភេទ នោះព្រោះថាលោកខែម ប៊ុនថៃ មានអាយុ៣៩ស្មើលោកដែរ ពេលនេះមានកូនដល់ទៅ៣នាក់ទៅហើយ ៕
