សហរដ្ឋអាមេរិក ៖ សាកលវិទ្យាល័យ សៅថឺន កាលីហ្វ័រញ៉ា (Southern California) នៅសហរដ្ឋអាមេរិក បានលុបចោលពិធីបញ្ចប់ការសិក្សា ចែកសញ្ញាបត្រ នៅឆ្នាំនេះ ក្រោយសង្គ្រាមអ៊ីស្រាអែល-ហ្គាហ្សា ជាមូល ហេតុនៃការតវ៉ា និងអំពើហិង្សា វាបានកើតឡើងនៅសាកលវិទ្យាល័យនានា នៅទូទាំងសហរដ្ឋអាមេរិក។សាកលវិទ្យាល័យ Southern California (USC) បានប្រកាសនៅថ្ងៃព្រហស្បតិ៍ ទី២៥ ខែមេសា ឆ្នាំ២០២៤ ថាខ្លួនបានលុបចោលពិធីបញ្ចប់ការសិក្សា ចែកសញ្ញាបត្រឆ្នាំនេះ ឬមួយសប្តាហ៍បន្ទាប់ពីការលុបចោលសុន្ទរកថារបស់និស្សិតមូស្លីម ដែលថានាងត្រូវបានគេបំបិទមាត់ ដោយការស្អប់របស់ប៉ាឡេស្ទីន។
គេហទំព័រ USC បញ្ជាក់ថា វិធានការសុវត្ថិភាពនៅក្នុងឆ្នាំនេះ រួមមាននីតិវិធីពិនិត្យមើលអ្នកចូលរួម វាអាចបណ្តាលឱ្យអ្នកចូលរួមទទួលបានសញ្ញាបត្ររបស់ពួកគេ ដោយមាននិស្សិត 65 000 នាក់ ក្រុមគ្រួសារ និងមិត្តភក្តិ វាអាចចំណាយពេលច្រើន។ នេះជាហេតុធ្វើឱ្យពិធីនេះត្រូវលុបចោល។
សង្គ្រាមអ៊ីស្រាអែល-ហ្គាហ្សា វាបានបង្កឱ្យមានភាពតានតឹងនៅសាកលវិទ្យាល័យជាច្រើន នៅសហរដ្ឋអាមេរិក។ ជាលទ្ធផល និស្សិតជាច្រើនបានធ្វើបាតុកម្មនៅបរិវេណសាលា ក្នុងប៉ុន្មានថ្ងៃថ្មីៗនេះ។ ដោយប៉ូលិសបានចាប់ខ្លួនបាតុករ យ៉ាងតិច ៩៣នាក់ នៅក្នុងបរិវេណសាលា ពីបទរំលោភបំពាន ហើយបានបញ្ជាឱ្យរុះរើតង់។ក្រុមសិទ្ធិមនុស្ស បានសម្តែងការព្រួយបារម្ភចំពោះការចាប់ខ្លួនបាតុករ និងនិស្សិត ជុំវិញបញ្ហាសេរីភាពនៃការបញ្ចេញមតិ។ ទន្ទឹមនឹងនោះ មន្ត្រីសាកលវិទ្យាល័យ បាននិយាយថា ការតវ៉ាមិនត្រូវបានអនុញ្ញាតទេ។
ការសម្រេចចិត្តរបស់ USC ក្នុងការលុបចោលពិធីបញ្ចប់ការសិក្សា វាកើតឡើងតែប៉ុន្មានថ្ងៃប៉ុណ្ណោះ បន្ទាប់ពីអ្នកខ្លះ បានសម្តែងការមិនពេញចិត្តចំពោះការសម្រេចចិត្តរបស់សាកលវិទ្យាល័យ ក្នុងការលុបចោលសុន្ទរកថានិស្សិត។
លោកអែនឌ្រូវ ហ្គូសម៉ែន (Andrew Guzman) ប្រធានក្រុមប្រឹក្សាភិបាល USC បាននិយាយនៅក្នុងសេចក្តីថ្លែងការណ៍មួយ កាលពីសប្តាហ៍មុនថា ការសម្រេចចិត្តលុបចោលសុន្ទរកថារបស់លោកអាសាណា តាបាសស៊ុម (Asana Tabassum) និស្សិតផ្នែកវិស្វកម្មជីវវេជ្ជសាស្ត្រ ត្រូវបានធ្វើឡើង ក្នុងគោលដៅគឺដើម្បីការពារសុវត្ថិភាពរបស់សាកលវិទ្យាល័យ ហើយវាមិនពាក់ព័ន្ធនឹងសេរីភាពនៃការបញ្ចេញមតិទេ។
ការតវ៉ាក៏បានផ្ទុះឡើងនៅសាកលវិទ្យាល័យ អេម៉ីរី (Emory) នៅអាត្លង់តា ដោយក្រុមបាតុករគាំទ្រប៉ាឡេស្ទីន រួមមានការប្រឆាំងនឹងការសាងសង់មជ្ឈមណ្ឌលហ្វឹកហ្វឺនប៉ូលិស នៅអាត្លង់តា ។
សន្តិសុខសាកលវិទ្យាល័យ Emory បាននិយាយ ក្រុមអ្នកតវ៉ា បានរុញច្រានមន្ត្រីដែលយាមនៅតំបន់ដែលត្រូវបានប្រើសម្រាប់ពិធីប្រគល់សញ្ញាបត្រ នៅព្រឹកថ្ងៃព្រហស្បតិ៍ ទី២៥ ខែមេសា ឆ្នាំ២០២៤ និងបង្ហាញពីការប្រើប្រាស់សារធាតុគីមី ដែលជាផ្នែកមួយនៃវិធានការគ្រប់គ្រងហ្វូងមនុស្ស កើតឡើងបន្ទាប់ពីបាតុករមួយចំនួន បានគប់វត្ថុដាក់មន្ត្រី។ ទន្ទឹមនឹងនោះ ប៉ូលិសក្រុងអាត្លង់តា (Atlanta) បានបញ្ជាក់អំពីការប្រើប្រាស់សារធាតុពុលគីមី ប៉ុន្តែបានបដិសេធរបាយការណ៍ដែលថាបានបាញ់គ្រាប់កៅស៊ូ ទៅលើបាតុករ។
រលកចុងក្រោយនៃការតវ៉ាក្នុងបរិវេណសាលា បានចាប់ផ្តើម បន្ទាប់ពីមន្ត្រីនៅសាកលវិទ្យាល័យកូឡុមប៊ី (Columbia) ប្រាប់ប៉ូលិសឱ្យបោសសម្អាតការតវ៉ា ហើយមនុស្សជាង ១០០នាក់ ត្រូវបានចាប់ខ្លួន។ សកម្មជនកំពុងអំពាវនាវឱ្យសាកលវិទ្យាល័យនានា ដោះលែងនិងអនុញ្ញាតឱ្យក្រុមផ្សេងៗ បញ្ឈប់ការទទួលយកអំ ណោយពីក្រុមហ៊ុនពាក់ព័ន្ធនឹងការផលិតអាវុធ និងឧស្សាហកម្មផ្សេងទៀត ដែលគាំទ្រសង្គ្រាមរបស់អ៊ីស្រាអែល នៅហ្គាហ្សា៕