អ៊ីស្រាអែល ៖ អ៊ីស្រាអែល បានបើកការវាយប្រហារតាមអាកាសជាថ្មី លើទីក្រុងរ៉ាហ្វាហ៍ បន្ទាប់ពីបានព្រមានអ្នកភូមិជាង ១០០ ០០០នាក់ ឱ្យជម្លៀសចេញពីផ្នែកខាងកើតនៃទីក្រុង។ ទន្ទឹមនឹងនេះ ការចរចាបទឈប់បាញ់ កំពុងឈានដល់ដំណាក់កាលសំខាន់មួយ។
ទីភ្នាក់ងារព័ត៌មានបរទេស បានរាយការណ៍នៅថ្ងៃទី០៧ ខែឧសភា ឆ្នាំ២០២៤ ថា កងទ័ពអ៊ីស្រាអែល បានបើកការវាយប្រហារតាមអាកាស លើទីក្រុងរ៉ាហ្វាហ៍ (Rafah) ចំណុចខាងត្បូងបំផុតនៃហ្គាហ្សាស្ទ្រីព បន្ទាប់ពីមុន ពួកគេបានចេញការព្រមានដល់ប្រជាពលរដ្ឋនៅតំបន់ភាគខាងកើតនៃទីក្រុង ត្រូវបានជម្លៀសទៅកាន់តំបន់មនុស្សធម៌ដែលបានកំណត់នៅក្នុងទីប្រជុំជន អាល់-ម៉ាវ៉ាស៊ី (Al-Mawasi) និង ខាន់យូនីស (Khanyounis) ចម្ងាយប្រហែល ១០គីឡូម៉ែត្រពីភាគខាងជើង។
កងកម្លាំងការពារអ៊ីស្រាអែល (IDF) បាននិយាយថា ការធ្វើចំណាកស្រុកបែបនេះ នឹងមានកម្រិត និងបណ្តោះ អាសន្ន ហើយគេរំពឹងថា នឹងប៉ះពាល់ដល់មនុស្សប្រហែល ១០០ ០០០នាក់ ខណៈដែលអ្នកនាំពាក្យ IDF ឧត្តម សេនីយ៍ឯក ដានីញ៉ែល ហាហ្គារី (Daniel Hagari) បាននិយាយនៅក្នុងសន្និសីទសារព័ត៌មានខ្លីមួយថា ពួកគេបានជូនដំណឹងដល់អ្នកស្រុកហ្គាហ្សា ។ ធ្វើអន្តោប្រវេសន៍ទៅតំបន់មនុស្សធម៌ ប្រើប្រាស់គ្រប់មធ្យោបាយទំ នាក់ទំនង រួមទាំងវិទ្យុ ប្រព័ន្ធផ្សព្វផ្សាយធំៗ អ៊ីនធឺរណិត និងខិតប័ណ្ណ។ IDF បាននិយាយថា ខ្លួនកំពុងធ្វើការវាយប្រហារជាបន្តបន្ទាប់។ គោលដៅជាក់លាក់ គឺបានវាយប្រហារក្រុមហាម៉ាស់ នៅតំបន់ភាគខាងកើតនៃទីក្រុងរ៉ាហ្វាហ៍។
ទន្ទឹមនឹងនេះ ក្រុមប្រដាប់អាវុធជីហាតអ៊ិស្លាម នៅហ្គាហ្សា បានបាញ់មីសស៊ីល ចូលទៅក្នុងភាគខាងត្បូងអ៊ីស្រាអែល ជាការឆ្លើយតបទៅនឹងការវាយប្រហារតាមអាកាសរបស់កងកម្លាំងអ៊ីស្រាអែល (IDF) សំដៅទៅលើ Sderot, Nir Am និងភូមិនានានៅជិតព្រំដែនហ្គាហ្សា។
ការវាយប្រហាររបស់ពួកជីហាតអ៊ីស្លាម បានធ្វើឱ្យកណ្តឹងប្រកាសអាសន្នរោទ៍នៅក្នុងទីក្រុង Sderot, Nir Am, Mefalzim, Qavim និងនៅមហាវិទ្យាល័យ Sapir ខណៈដែលប្រព័ន្ធសន្តិសុខបានរារាំងការវាយប្រហារតាមអាកាស «Iron Dome» នៅទីនោះ ដើម្បីរារាំងគ្រាប់រ៉ុក្កែតដែលចូលមក។
ការវាយប្រហាររបស់អ៊ីស្រាអែល បានកើតឡើង បន្ទាប់ពីមេដឹកនាំក្រុមហាម៉ាស់ ទទួលយកលក្ខខណ្ឌនៃកិច្ចព្រមព្រៀងឈប់បាញ់ ដែលផ្តល់ដោយអេហ្ស៊ីប បានជំរុញឱ្យមានក្តីសង្ឃឹមនៃការបញ្ចប់សង្រ្គាម ជាងប្រាំពីរខែ ។ ប៉ុន្តែនាយករដ្ឋមន្ត្រីអ៊ីស្រាអែល លោកបេនហ្សាមីន នេតាន់យ៉ាហ៊ូ (Benjamin Netanyahu) បាននិយាយថា លក្ខខណ្ឌនេះ គឺមិនទាបជាងការទាមទាររបស់អ៊ីស្រាអែល ទេ ហើយបានបញ្ជូនតំណាងក្រុមមួយ ទៅចរចាបន្ថែមទៀត។
រហូតមកដល់ពេលនេះមិនទាន់មានការប្រកាសជាផ្លូវការនៅឡើយទេថា តើលក្ខខណ្ឌនៃកិច្ចព្រមព្រៀង មានអ្វីខ្លះ? ប៉ុន្តែគេរំពឹងថា នឹងរួមបញ្ចូលការដោះលែងចំណាប់ខ្មាំងអ៊ីស្រាអែលដែលស្ថិតក្នុងដៃក្រុមហាម៉ាស់ និងអនុញ្ញាតឱ្យប៉ាឡេស្ទីន ដែលត្រូវបានផ្លាស់លំនៅដោយសង្រ្គាម ត្រឡប់ទៅស្រុកកំណើតវិញ។
អ្នកនាំពាក្យក្រុមប្រឹក្សាសន្តិសុខជាតិសេតវិមាន លោកចន ខឺរប៊ី (John Kirby) បាននិយាយថា ការចរចារវាងអ៊ីស្រាអែល និងក្រុមហាម៉ាស់ ស្ថិតក្នុងដំណាក់កាលដ៏សំខាន់មួយ ហើយគាត់មិនដឹងថាតើការចរចា នឹងមានភាពរសើបជាងអ្វីដែលពួកគេកំពុងធ្វើឥឡូវនេះនោះទេ៕