ខេត្តពោធិ៍សាត់ ៖ យុវជនឈាមរាវ បានបើកម៉ូតូបោះពួយយ៉ាងលឿនហាក់បីដូចជាមាន ការសំខាន់ ទៅជួបជាមួយអ្នកណាម្នាក់ជា បន្ទាន់ ដោយមិនបារម្ភជួបគ្រោះថ្នាក់ពេល កំពុងធ្វើដំណើរឡើយ។ លុះពេលមកដល់ ពាក់កណ្តាលផ្លូវ ដោយសារបើកបរខ្វះការ ប្រុងប្រយ័ត្ន ក៏ជ្រុលចង្កូតទៅបុករថយន្តឈប់ ស្ងៀមយ៉ាងពេញទំហឹងបណ្តាលឱ្យបាក់កស្លាប់យ៉ាងអាណោចអាធ័មតែម្តង។
ហេតុការណ៍យុវជនឈាមរាវបើកម៉ូតូ លឿនទៅបុករថយន្តឈប់ស្ងៀមបាក់កស្លាប់ខ្លួន ឯងនេះ បង្កឱ្យមានការភ្ញាក់ផ្អើល កាលពីវេលា ម៉ោង៨និង១៥នាទីយប់ ថ្ងៃទី០៨ ខែកុម្ភៈ ឆ្នាំ ២០១៧ ស្ថិតត្រង់ចំណុចបង្គោលគីឡូម៉ែត្រ លេខ១៩៨-១៩៩ ក្នុងភូមិអណ្តូង ឃុំស្នាមព្រះ ស្រុកបាកាន។
យុវជនរងគ្រោះបើកម៉ូតូលឿនទៅបុកគូទ រថយន្តស្លាប់ខ្លួនឯងនេះ ឈ្មោះទៀង រ៉ាត់ អាយុ១៨ឆ្នាំ រស់នៅភូមិបឹងឈូក ឃុំបឹងបត់ កណ្តោល ស្រុកបាកាន បើកម៉ូតូម៉ាកហុងដាវ៉េវ អាល់ហ្វា ពណ៌ក្រហម ពាក់ស្លាកលេខ ពោធិ៍សាត់ 1D-3865។
តាមប្រភពព័ត៌មានពីកន្លែងកើតហេតុ បាន ឱ្យដឹងថា មុនពេលកើតហេតុគេឃើញជនរង គ្រោះបើកម៉ូតូតាមបណ្តោយផ្លូវខាងលើ ក្នុង ទិសដៅពីលិចទៅកើត ក្នុងល្បឿនលឿនហាក់ បីដូចជាមានការប្រញាប់ទៅជួបជាមួយអ្នកណា ម្នាក់ មានរឿងសំខាន់ជាបន្ទាន់ ដោយមិនខ្លាច ជួបគ្រោះថ្នាក់ចរាចរណ៍ឡើយ។ លុះទៅដល់ ចំណុចកើតហេតុ ដោយសារជនរងគ្រោះបើកបរ ខ្វះការប្រុងប្រយ័ត្ន ស្រាប់តែជ្រុលចង្កូតទៅ បុករថយន្តម៉ាកហ៊ីយ៉ាន់ដាយ ពណ៌ខៀវ ពាក់ ស្លាកលេខ ភ្នំពេញ ៣ៅ-៥៥០៥ ដែលឈប់នៅ ស្ងៀមតាមចិញ្ចើមផ្លូវពីក្រោយយ៉ាងពេញទំហឹង លាន់ដូចរន្ទះ បណ្តាលឱ្យបាក់កស្លាប់នៅកន្លែង កើតហេតុយ៉ាងអាណោចអាធ័ម ចំណែកម៉ូតូ រងការខូតខាតយ៉ាងដំណំ ទើបអ្នករស់នៅក្បែរ កន្លែងកើតហេតុ រាយការណ៍ប្រាប់សមត្ថកិច្ច ជួយអន្តរាគមន៍តែម្តង។
ប្រភពសមត្ថកិច្ចបានឱ្យដឹងថា ក្រោយពី ទទួលបានដំណឹងមានគ្រោះថ្នាក់ចរាចរណ៍កើត ឡើង កម្លាងសមត្ថកិច្ចបានចុះទៅដល់កន្លែង កើតហេតុ និងបានទាក់ទងផ្តល់ដំណឹងក្រុម គ្រួសារជនរងគ្រោះមកទទួលសពដឹកទៅចាត់ចែង ធ្វើបុណ្យតាមប្រពៃណី។ ចំណែកម៉ូតូជនរងគ្រោះ និងរថយន្តបង្ក ក្រោយពីសមត្ថកិច្ចធ្វើការវាស់ វែងរួចរាល់ បានយកទៅរក្សាទុកនៅ អធិការដ្ឋាន នគរបាលស្រុកបាកាន ដើម្បីស្រាវជ្រាវរកម្ចាស់ រថយន្តមកធ្វើការដោះស្រាយជាមួយក្រុមគ្រួសារ ជនរងគ្រោះតាមផ្លូវច្បាប់។ សមត្ថកិច្ចបញ្ជាក់ ថា គ្រោះថ្នាក់នេះ កើតឡើងដោយសារជន រងគ្រោះបើកម៉ូតូលឿនពេកខ្វះការប្រុងប្រយ័ត្ន ក៏ជ្រុលទៅបុកគុទរថយន្តតែម្តង៕ សាមៀន