ភ្នំពេញ៖ពិធីការិនីរូបស្រស់សោភាកែវ សីហា មានស្វាមីរយៈជិត៥ឆ្នាំមកហើយ ប៉ុន្ដែពេលនេះនាងបែជាមិនទាន់មានកូន១គ្រាប់ទៅវិញ ។អ្វីដែលចាប់អារម្មណ៍នោះស្វាមីរបស់សីហា ជាគ្រូពេទ្យរូបសង្ហារម្នាក់ដែលគួរតែថាចង់បានកូនពេលណាត្រូវតែបានពេលហ្នឹងនោះ តែពេលនេះនាងបែជាអត់កូនង៉ាបីប្រលែងលេងដូចគេទៅវិញ ។ក្នុងជំនួបតាមទូរស័ព្ទកាលពីពេលថ្មីៗនេះអតីតពិធីការិនីទូរទស្សន៍អាស៊ីអាគ្នេហ៍កែវ សីហា ថាមូលហេតុដែលនាងការប្ដី៥ឆ្នាំ អត់មានកូននោះដោយសារតែនាងរវល់រឿងការងាររកស៊ីច្រើនពេក ។សីហា ថានាងនឹងស្វាមីបានបើកឱសថស្ថានមួយនៅខេត្តព្រះសីហនុ អីចឹងរវល់មែនទែនចុះឡើងៗ ហេតុនេះហើយបានជាមិនទាន់មានកូនដូចគេ។នាងថាក្រៅពីមុខរបរខាងលើរូបនាងក៍នៅតែបន្ដការងារសិល្បៈដែរតាមរយៈការធ្វើជាពិធីការិរិនីfree-lance ដោយគ្មានការកុងត្រាជាមួយស្ថានីយ៍ទូរទស្សន៍មួយណាទេ ហេតុនេះនាងអាចធ្វើMC ឲ្យក្រុមហ៊ុនណាក៍បានដែរ ។ ទោះជាយ៉ាងណានាងថាទាក់ទងរឿងយកកូននោះដែរនាងសង្ឃឹមថានឹងបានឆាប់ៗ នេះហើយ ។
គេចាំបានថាតារាដែលរៀបការនៅឆ្នាំតែមួយជាមួយកែវ សីហា ដូចជាលោកប៉ែន ចំរ៉ុង ,សួស វីសា និងម៉ូ លីកា ជាដើមពួកគេខ្លះមានកូន១ ខ្លះទៀតកូន២ក៍មានដែរ តែសីហា ថានាងគ្មានកូនដូចគេដោយលើកហេតុផលថាព្រោះតែជាប់ដៃរកស៊ីទៅវិញ ។យ៉ាងណាគេរំពឹងថាសីហា អាចនឹងមិនដូចសុគន្ធ និសា ដែលរៀបការ៧ឆ្នាំហើយដាក់គម្រោងយកកូនតាំងពីឆ្នាំ២០២០ តែរហូតមកដល់ពេលនេះនៅតែគ្មានកូននោះឡើយ ព្រោះមើលទៅសីហា អាចពន្យាពេលពពោះដោយសារតែនាងប្រឹងរកលុយឲ្យបានច្រើនសិន ។ប៉ុន្ដែបើសីហា ពន្យាច្រើនឆ្នាំពេកនោះភាគរយខ្ពស់នៃការយកកូនមិនអាចធានា១០០% តាមចិត្តនាងចង់បាននោះទេ បើទោះជាប្ដីនាងជាដុកទ័រដ៍ប៉ិនប្រសពម្នាក់ក្ដី ។
សូមរំលឹកថាកែវ សីហា បានរៀបការជាមួយលោកគ្រូពេទ្យវ័យក្មេងកាលពីថ្ងៃទី២៧ ខែវិចិ្ឆកា ឆ្នាំ២០១៩ ហើយក្រោយមានស្វាមីជិត៥ឆ្នាំនេះសីហា មិនសូវសម្រុកការថតសម្ដែងMV និងភាពយន្ដដូចមុនឡើយ ។ប្រភពខ្លះថាស្វាមីសីហា មិនចង់ឲ្យនាងថតខារ៉ាអូខេ និងភាពយន្ដ តែលោកគាំទ្រនាងធ្វើMC ហេតុនេះហើយបានជាស្រីស្រស់នៅតែផ្ដោតការងារពិធីការិនីជាងMV និងថតកុន។
កែវ សីហា បន្ថែមថាជាការពិតស្វាមីនាងឲ្យកាត់បន្ថយការងារសិល្បៈមែន ប៉ុន្ដែរូបនាងនៅតែថតភាពយន្ដប្រសិនបើរឿងនោះនាងស្រលាញ់ហើយមានពេលវេលាគ្រប់គ្រាន់ក្នុងការចេញថត។នាងថាកន្លងមកមានអ្នកដឹកនាំ និងផលិតករចង់ឲ្យនាងថតMV និងផាពយន្ដឡើងវិញ តែនាងមិនបានទទួល ហេតុនេះគឺមានតែការសុំអធ្យាស្រ័យពីពួកគាត់ ព្រោះតែនាងរវល់រកស៊ីនេះឯង។ប៉ុន្ដែចំពោះការធ្វើជាMC វិញនាងថានៅតែចេញមុខជាធម្មតាក្នុងនាមជាfree-lance ម្នាក់អាចធ្វើឲ្យខាងណាក៍បានដែរ។
កែវ សីហា ស្ថិតក្នុងចំណោមតារាដែលមានស្វាមីគ្រូពេទ្យដូចជាអ្នកនាងគឹម លក្ខិណា និងមាស សុខសោភា ជាដើម ។សីហា ក៍នៅតែមានរូបសម្រស់ផូផងមិនប្រែប្រួលខ្លាំងទេ ក្រោយពីនាងការប្ដី៥ឆ្នាំ ខណៈដែលប្ដីនាងក៍ដូចជាស្វាមីសុគន្ធ និសា ដែរពោលគឺកម្រនឹងដើរតាមភរិយាដល់ឆាកតន្រ្ដីណាស់ ព្រោះតែពួកគេមានទំនុកចិត្តលើគ្នារៀងៗខ្លួន ។
ទស្សនិកជនរងចាំមើលថាកែវ សីហា ដែលមិនបារម្ភរឿងអត់កូនក្រោយមានប្ដីជិត៦០ខែ នេះនាងពិតជាអាចមានកូនង៉ា ឆាប់ៗដូចមែន ឬលោកប្ដីគ្រូពេទ្យដែលជួយសង្រ្គោះអ្នកជំងឺជាច្រើនបានជោគជ័យ ប៉ុន្ដែមិនអាចបំពេញបំណងប្រពន្ធបាន ?
