ភ្នំពេញ៖ខេមរៈ សិរីមន្ដ និងភរិយាលោកអ្នកស្រីគួយ ផល្លី តែងតែចេញមុខសរសើរគ្នាទៅវិញទៅមកជាច្រើនឆ្នាំមកហើយដែលធ្វើឲ្យគូស្នេហ៍នេះកាន់តែមានភាពកក់ក្ដៅក្នុងគ្រួសារ ក្រោយពីពួកគេចាប់ដៃគ្នា២០ឆ្នាំ ទទួលបានកូន៣នាក់(ស្រី២) ។មិត្តភក្ដិរបស់អ្នកនាងគួយ ផល្លី វិញច្រណែននាងមិនតិចទេ ព្រោះបានប្ដីជាតារាល្បីហើយពូកែយល់ចិត្តនិងថ្នាក់ថ្នមនាងខ្លាំង។ចំណែកនៅថ្ងៃខួបកំណើតអ្នកនាងផល្លី គម្រប់អាយុ៣៦ឆ្នាំ កាលពីពេលថ្មីៗនេះវិញលោកសិរីមន្ដ បានប្រកាសថានឹងស្រលាញ់ប្រពន្ធកូនអស់១ជីវិត ធ្វើឲ្យភរិយាតារាចម្រៀងរូបនេះសែនរំភើបចិត្តក្រៃលែង ។
ខេមរៈ សិរីមន្ដ ថ្លែងសារទៅប្រពន្ធនៅថ្ងៃខួបកំណើតនាងថា”ខួបកំណើតអូន កូនៗជូនផ្កានិងក្ដីស្រលាញ់ ឯបងវិញជូនអូននៅក្ដីស្រលាញ់ គ្មានថ្ងៃប្រែ និងមើលថែអូន និងកូនអស់មួយជីវិត “។ដោយឃើញសារលោកប្ដីសន្យាបែបនេះអ្នកនាងផល្លី តបទៅស្វាមីវិញទាំងត្រេកអរថា”អរគុណបងសម្រាប់ក្ដីស្រលាញ់មួយនេះ “។
មិនមែនតែថ្នមប្រពន្ធដូចកែវភ្នែកនោះទេ តែខេមរៈ សិរីមន្ដ ក៍ធ្លាប់បង្ហាញពីក្ដីស្រលាញ់ដល់ក្រុមគ្រួសារភរិយាដូចជាគ្រួសាររបស់លោកដែរ ដូចជានៅពេលម្ដាយអ្នកនាងផល្លី មានជំងឺធ្ងន់លោកបានគ្រា នឹងនាំម្ដាយរាំលេងកម្សាន្ដដើម្បីឲ្យធូស្រាលពីជំងឺជាដើម ធ្វើឲ្យអ្នកនាងផល្លី ពេញចិត្តនិងសកម្មភាពរបស់ប្ដីនាងខ្លាំងណាស់ ។អ្វីដែលគូស្នេហ៍តារាផ្សេងៗទៀតមិនអាចធ្វើដូចសិរីមន្ដ នោះជូនកាលនៅពេលLive លក់ដីឡូតិ៍ជាមួយប្រពន្ធនោះតារាចម្រៀងGalaxy រូបនេះថែមទាំងថើបប្រពន្ធ ហើយថាថ្ពាល់ភរិយាលោកជាតិទៀតផង ។
គួរបញ្ជាក់ថាខេមរៈ សិរីមន្ដ ឆ្នាំនេះមានអាយុ៣៩ ឆ្នាំ ពោលគឺបងភរិយាខ្លួន៣ឆ្នាំ ហើយក្រៅពីធ្វើឲ្យប្រពន្ធសប្បាយចិត្តជាញឹកញាប់ នោះអ្នកនាងផល្លី វិញក៍បានដើរតួនាទីប្រៀបដូចជាទីប្រឹក្សារ និងជំនួយការរបស់ប្ដីផងដែរ តាមរយៈការជួយរៀបចំសម្លៀកបំពាក់ ម៉ូដសក់ និងគ្រឿងអលង្ការឲ្យប្ដីទៅតាមប្រភេទកម្មវិធីនីមួយៗ ។មិនត្រឹមតែប៉ុណ្ណោះអ្នកនាងផល្លី ក៍ធ្លាប់ធ្វើជាអ្នកដឹកនាំសម្ដែងMVបទចម្រៀងរបស់ប្ដីអំឡុងពេលដែលសិរីមន្ដ ច្រៀងនៅហង្សមាសផងដែរ ។
ក្រៅពីខេមរៈ សិរីមន្ដ តារាដែលបង្ហាញភាពផ្អែមល្ហែមស្នេហ៍ជាចំហជាមួយប្រពន្ធមានដូចជាលោកព្រាប សុវត្ថិ ,ឆាយ វីរៈយុទ្ធ ,ខាន់ ជេមស៍ ,ខេម និងលោកជា វិបុល ជាដើម ។សម្រាប់សិរីមន្ដ បន្ទាប់ពីប្រកាសសន្យាមើលថែប្រពន្ធកូនពេញមួយជីវិតនោះគ្មានដំណឹងលោកនិងភរិយាត្រៀមយកកូនទី៤នោះឡើយ តែពេលនេះលោកប៊ុនថៃ កំពុងបណ្ដុះបណ្ដាលឲ្យកូនប្រុសច្បងដើរតាមគន្លងរបស់ខ្លួនតាមរយៈការចាប់អាជីពចម្រៀងបន្ដវេនពីឪពុកនៅពេលដែលលោកមានវ័យជ្រេជាងនេះហើយកូនប្រុសលោកពេញវ័យកំលោះនោះ។
មជ្ឈដ្ឋានមហាជនកត់សម្គាល់ថាខេមរៈ សិរីមន្ដ តាំងពីចូលផលិតកម្មGalaxy ជាង១ឆ្នាំលោកជាតារាដែលអុកឡុកទីផ្សារចម្រៀងជាងគេនៅទ្រនុំទី៤ នេះ ប៉ុន្ដែពេលខ្លះសិរីមន្ដ ក៍មិនខុសពីព្រាប សុវត្ថិ ដែរពោលគឺសន្ទុះគាំទ្រហាក់មានការប្រែប្រួល ព្រោះច្រៀងបទអីក៍លែងសូវផ្ទុះខ្លាំង ក្រោយពីលោកបានចេញមុខការពារថៅកែរឿងកាប់ព្រៃភ្នំងតាម៉ៅ កាលពីខែ៨ ឆ្នាំ២០២២ នាំឲ្យលោកមានភាពចម្រូងចម្រាសខ្លាំងជាមួយFan រហូតមានអ្នកខ្លះព្រមានធ្វើពហិការលែងស្ដាប់ចម្រៀងរបស់លោកទៀតផង។ប៉ុន្ដែបើសិរីមន្ដ ផ្អាកចេញមុខLive ពាក់ព័ន្ធរឿងថៅកែទៀតនោះគេជឿរថាលោកនឹងអាខចស្ដារមុខមាត់ឡើងវិញជាមិនខាន ព្រោះគេចាប់អារម្មណ៍ថាជាញឹកញាប់ណាស់នៅពេលដែលលោកចេញផ្សាយផ្ទាល់លើបណ្ដាញសង្គមទាក់ទងរឿងថៅកែឬអ្នកកាប់ឈើ ច្រើនតែផ្ទុះប្រតិកម្មពីអ្នកលេងបណ្ដាញសង្គម ។តែសិរីមន្ដ ធ្លាប់អះអាងថាលោកមិនមែនជាអ្នកនយោបាយឡើយ ។
ទស្សនិកជនរងចាំមើលថាតើខេមរៈ សិរីមន្ដ នឹងល្បីឈានមុខគេនៅGalaxy ឬលោកនៅតែក្រោមព្រាប សុវត្ថិ ជាបន្ដទៀត ?
