ភ្នំពេញ៖រយៈពេលជាង៩ខែហើយដែលស្រីស្រស់ជុំ រចនាពេជ្រ ហៅបេប៊ី បានវិលមកកាន់ក្បាលមីក្រូសារជាថ្មី បន្ទាប់ពីបាត់ខ្លួនជាង៣ឆ្នាំ ។តែគេកត់សម្គាល់ថានាងរចនាពេជ្រ ពិបាកដណ្ដើមទីផ្សារចម្រៀងឲ្យលេចធ្លោ ក្រោយនាងចាកចេញពីថោន មកធ្វើជាអ្នកចម្រៀងឯករាជ្យ ។បេប៊ី ត្រូវចំណាយលុយធ្វើបទភ្លេង ទិញទំនុកច្រៀងនិងMelody រួមទាំងការចំណាយទៅលើក្រុមរាំដោយខ្លួនឯង ទើបធ្វើឲ្យការបុកនៅលើទីផ្សារចម្រៀងបើហ៊ានតែចង់បានបទច្រើនគឺទាល់តែចាយលុយកាន់តែខ្ពស់ទើបអាចទៅរួច ។យ៉ាងណាប្រសិនបើនាងនៅតែឈរច្រៀងនៅក្រៅផលិតកម្មបែបនេះទៀត នោះនាងរចនាពេជ្រ ច្បាស់ជាប្រឈមការចំណាយច្រើនជាងចំណូលជាមិនខាន ដោយសារតែការប្រជែងជាមួយតារាចម្រៀងល្បីៗផ្សេងទៀតសម្រាប់Concerts ធំៗកាន់តែតឹងតែងជាងមុន ។
![](https://norkorthom.com/wp-content/uploads/2024/07/x4-3.jpg)
អ្នកយកព័តមានយើងមិនអាចទាក់ទងបេប៊ី បានទេកាលពីពេលថ្មីៗនេះ ព្រោះលេខនាងតេមិនចូល ។ប៉ុន្ដែកាលពីខែមុននាងបានទទួលស្គាល់ថាមកលើកនេះគឺពិតជាមិនដូចលើកមុនមែន ព្រោះតារាបច្ចុបប្បន្នកាន់តែច្រើន ហេតុនេះនាងទទួលបានប្រភេទConcerts តូចៗច្រើនជាងធំ។ប៉ុន្ដែរចនាពេជ្រ ថានាងមិនរាថយជាដាច់ខាត ពោលគឺនៅតែប្ដេជ្ញាថាចាប់អាជីពមួយនេះទៅទៀត ដោយសារតែអាជីពចម្រៀងជាផ្នែកមួយនៃសិល្បៈដែលនាងស្រលាញ់បំផុត។
![](https://norkorthom.com/wp-content/uploads/2024/07/x3-3.jpg)
បេប៊ី បានដកខ្លួនពីការច្រៀងសម្ដែងនៅថោន ជាង៣ឆ្នាំ(២០២០-២០២៣)ដោយអះអាងថាពេលនោះកូវីដផ្ទុះខ្លាំងពេក តែអ្នកខ្លះសង្ស័យថានាងមានសម្ពាធពីគូស្នេហ៍តែនាងបានច្រានចោល ។អតីតតារាសម្ដែង ពិធីការិនី រូបនេះបានបើកហាងកាហ្វេដល់ទៅ៤សាខាផ្សេងគ្នា ហើយបច្ចុប្បន្ននាងបានទុកមុខជំនួញខាងលើឲ្យទៅបងប្រុសនាងអ្នកមើលការខុសត្រូវ អំឡុងពេលដែលនាងជាប់ដៃកាន់ក្បាលមីក្រូច្រៀងរាំជាថ្មីនេះ ។ប៉ុន្ដែមានអ្នកខ្លះនាំគ្នាខ្សឹបខ្សៀវគ្នាថានាងរចនាពេជ្រ អាចនឹងមានគូស្នេហ៍នៅក្រោយខ្នងពីការធ្វើជំនួញទាំងនោះទើបបានជានាងលឹបលៗពីការងារសិល្បៈហើយពេលនេះក៍គ្មានបំណងវិលមកសម្ដែងភាពយន្ដ ខារ៉ាអូខេ និងធ្វើជាMC វិញដែរ ។
![](https://norkorthom.com/wp-content/uploads/2024/07/x5-2.jpg)
អ្នកជំនាញសិល្បៈបានលើកឡើងថាបេប៊ី អាចនឹងដើរដល់ផ្លូវទ័លច្រក ប្រសិនបើនាងមិនអាចបំបែកទីផ្សារចម្រៀងបាននៅឆ្នាំ២០២៤ នេះទេ ព្រោះ៣ឆ្នាំមុននាងធ្លាក់កូដខ្លាំងទៅហើយ ដោយសារតែគ្មានបទថ្មី ហេតុនេះប្រសិនបើច្រៀងបទអីក៍មិនផ្ទុះទៀត គេជឿរថានាងអាចនឹងដកឃ្លាថយក្រោយជាលើកទី២ជាមិនខាន ។យ៉ាងណានាងបេប៊ី បានដឹងខ្លួនតាំងពីមុននាងវិលរកឆាកតន្រ្ដីម្លេះថារូបនាងបើគ្មានអ្វីថ្មី និងប្លែកទាំងស្រុងទេ នោះមិនអាចទៅរួចឡើយ ព្រោះនាងដកខ្លួនយូខែពេក ។
![](https://norkorthom.com/wp-content/uploads/2024/07/x8-3.jpg)
ក្រៅពីបេប៊ី តារាចម្រៀងដែលបានដកខ្លួនពីអាជីពចម្រៀងហើយវិលមកវិញមានដូចជាលោកឃុំ ប៉ុណ្ណាដែត និងហេង ប៊ុនលាភ ជាដើម ។ចំពោះនាងរចនាពេជ្រ វិញពេលនេះរឿងសំខាន់ដែលនាងត្រូវធ្វើនោះគឺការសម្រកទម្ងន់ឲ្យវិលមកដូចកាលពី៣ឆ្នាំមុនទើបទទួលបានការចាប់អារម្មណ៍ជាថ្មីបានខ្លះ ខណៈដែលអ្នកស្ដាប់ចម្រៀងរបស់នាងមួយចំនួនបានលើកឡើងថាបេប៊ី មានសម្លេងស្រដៀងអតីតតារាចម្រៀងហង្សមាសនាងទេព បូព្រឹក្ស ។
![](https://norkorthom.com/wp-content/uploads/2024/07/x9-3.jpg)
សូមបញ្ជាក់ថានៅក្នុងពិភពសិល្បៈស្រីស្អាតៗច្រើនជាមុខសញ្ញានៃការតាមប្រម៉ាញ់ស្នេហាពីសំណាក់ប្រុសមានអំណាច និងលុយ ទើបមានខ្លះបាត់មុខពីសែង្វៀនសិល្បៈជារៀងរហូត និងខ្លះទៀតវិលមកវិញជាមួយកូនធំៗ បើទោះជាពួកគេមិនដែលឭថាបានរៀបការក្ដី ។សម្រាប់នាងបេប៊ី វិញនាងមិនធ្លាប់មានរឿងអាស្រូវស្នេហានោះទេ បើទោះជាមុនដកខ្លួនពីច្រៀងរាំស្រីស្រស់ធ្លាប់ជំពប់ទៅនិងរឿងថាមានប្រុស២នាក់តាមស្នេហា នោះគឺលោកឧកញ៉ាម្នាក់ និងលោកអភិបាលខណ្ឌ ម្នាក់ទៀតក្ដី តែរចនា ពេជ្រ អត់បេតី ហើយម្ដាយនាងអ្នកស្រីប៊ុន ណារី ថាគាត់និងកូនស្រីអត់ស្គាល់ប្រុសទាំងពីរនាក់ខាងលើនោះទេ ។
![](https://norkorthom.com/wp-content/uploads/2024/07/x7.jpg)
គេចាំមើលថាតើបេប៊ី នឹងនៅតែបន្ដច្រៀងដោយចាយលុយធ្វើបទដោយខ្លួនឯង និងពិបាកទៅមុខដូចពេលនេះទៀត ឬមួយក៍នាងអាចនឹងបាត់ខ្លួនជាលើកទី២ ?
![](https://norkorthom.com/wp-content/uploads/2024/07/x6.jpg)