ភ្នំពេញ ៖ គម្រោងស្ថាបនាផ្លូវជាតិលេខ១០ មានប្រវែងសរុប ១៩៨,២១៨ គ.ម (PK000+000 – PK១៩៨+៥១៨) សម្រេចបានលទ្ធផលជារួម ៨៨,៣៨% ហើយ គិតត្រឹមដំណាច់ខែមិថុនា ឆ្នាំ២០២៤។
![](https://norkorthom.com/wp-content/uploads/2024/07/c8-1.jpg)
តាមប្រភពក្រសួងសាធារណការនិងដឹកជញ្ជូន បានឲ្យដឹងថា គម្រោងនេះ ចាប់ពីផ្លូវជាតិលេខ ៥៧-៧ ត្រង់ PK៣៥+៩០០ នៅភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង ឆ្លងកាត់ឃុំប្រមោយ ស្រុកវាលវែង ខេត្ត ពោធិ៍សាត់ រហូតដល់ផ្លូវជាតិលេខ៤៨ (ចាស់) ត្រង់ PK១+៧០០ ក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
![](https://norkorthom.com/wp-content/uploads/2024/07/c7-2.jpg)
វឌ្ឍនភាពនៅពេលនេះ រួមមាន ការងារផ្លូវថ្នល់ សម្រេចបាន ៨០,២៦% ការងារស្ពាន សម្រេចបាន ៩៣,២៣% ការងារស្ពានខ្ពស់ជាងគេ ប្រវែង ៥៣០ម៉ែត្រ សម្រេចបាន ៤៣,៥០% (គ្រោងដាក់ឱ្យប្រើប្រាស់សាកល្បងនៅចុងខែមីនា ឆ្នាំ២០២៥ ខាងមុខ) ការងារលូកាត់ទទឹងថ្នល់សម្រេចបាន ៩៩,៨២% និងការងារលូបណ្តោយថ្នល់ និងជញ្ជាំងការពារជើងទេរ អនុវត្តបាន ៨៩,៨៤%។
![](https://norkorthom.com/wp-content/uploads/2024/07/c6-3.jpg)
នៅរដូវវស្សានេះ ផ្លូវជាតិលេខ១០ ប្រជាពលរដ្ឋអាចធ្វើដំណើរបានដោយរលូន តែត្រូវមានការប្រុងប្រយ័ត្ន ដោយសារកំណាត់ផ្លូវខ្លះ នៅជាក្រួសក្រហម និងកំណាត់ផ្លូវខ្លះទៀត អាចរអិលដោយអន្លើ ពេលមានភ្លៀងធ្លាក់ខ្លាំង។
![](https://norkorthom.com/wp-content/uploads/2024/07/x5-4.jpg)
គួរបញ្ជាក់ថា ផ្លូវជាតិលេខ១០ នេះ ជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែងផ្លូវសរុប ១៩៨,៥១៨គីឡូម៉ែត្រ និងទទឹង ៩ម៉ែត្រ។ គម្រោងសាងសង់ផ្លូវនេះ មានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ មក ហើយគ្រោងនឹងបញ្ចប់នាខែមិថុនា ឆ្នាំ២០២៥ ខាងមុខនេះ៕ ខៀវទុំ
![](https://norkorthom.com/wp-content/uploads/2024/07/x3-6.jpg)
![](https://norkorthom.com/wp-content/uploads/2024/07/z2-3-1024x767.jpg)
![](https://norkorthom.com/wp-content/uploads/2024/07/x1-4.jpg)
![](https://norkorthom.com/wp-content/uploads/2024/07/x4-5.jpg)