ភ្នំពេញ៖ព្រាប សុវត្ថិ បានធ្វើខួបកំណើតឲ្យកូនប្រុសទី៣ សុវត្ថិ សិរីវុឌ្ឍ កាលពីថ្ងៃទី៥ ខែ៧ តែលើកនេះក៍ដូចជាមុនៗដែរគឺលោកធ្វើកម្មវិធីជាលក្ខណៈគ្រួសារ មិនមានកម្មវិធីជប់លៀងទ្រង់ទ្រាយធំឡើយ ។អ្វីដែលគួរឲ្យចាប់អារម្មណ៍នោះលោកសុវត្ថិ បានហៅកូនទី៣របស់លោកថាជាកូនពៅ ដែលបញ្ជាក់ថាលោកគ្មានបំណងយកកូនថែមនោះទេ បើទោះជាភរិយាលោកអ្នកស្រីឡុង ស្រីមុំ ជាញឹកញាប់ចេះតែប្រលែងលេងជាមួយលោកដោយបង្ហាញសញ្ញាចង់បានកូន១ទៀតក្ដី ប៉ុន្ដែពេលនេះលោកស្រីមិនបានពពោះកូនទី៤ឡើយ ។ប្រភពបានឲ្យដឹងថាទាំងប្រពន្ធ ម្ដាយ និងម្ដាយក្មេករបស់លោកសុវត្ថិ រួមទាំងមិត្តភក្ដិជិតដិតសុទ្ធតែជម្រុញឲ្យលោកសុវត្ថិ យកកូន១ទៀតនោះគឺជាកូនស្រី ព្រោះថាលោកមានកូនប្រុសដល់ទៅ៣នាក់ទៅហើយ អីចឹងបើបានកូនស្រីម្នាក់ទៀតទើបកាន់តែមានភាពកក់ក្ដៅក្នុងគ្រួសារ ។ប៉ុន្ដែនៅពេលឭពាក្យគេឲ្យយោបល់រឿងយកកូនថែមនោះលោកសុវត្ថិ នៅតែស្ងៀមនិងសើចញឹមៗប៉ុណ្ណោះ ខណៈអ្នកស្រីឡុង ស្រីមុំ ចង់បានកូនស្រីខ្លាំង ។តែលោកសុវត្ថិ វិញលោកបែជាចង់ឲ្យកូនទី៣របស់លោកយកប្រពន្ធទៅវិញ ព្រោះលោកធ្លាប់សួរទៅកូនប្រុសថាកាលណាបានយកសង្សារ? ដែលនេះបញ្ជាក់ថាបើលោកមានកូនប្រសារគឺនឹងមានចៅ។
![](https://norkorthom.com/wp-content/uploads/2024/07/c2-27.jpg)
នៅមិនទាន់ដឹងពីមូលហេតុដែលលោកព្រាប សុវត្ថិ មិនមានផែនការណ៍តាមយកកូនស្រីឬកូនទី៤ នោះទេ តែតាមការព័តមានថាអាចមកពីលោកគិតថាពេលនេះវ័យ៤៩ឆ្នាំ របស់លោករាងជ្រេបន្ដិចហើយ ហេតុនេះលោកចង់ឲ្យកូនប្រុសយកប្រពន្ធដើម្បីលោកបានចៅពវិញប្រសើរជាង។ប៉ុន្ដែក្នុងចំណោមកូនទាំង៣របស់លោកសុវត្ថិ ពេលនេះមិនទាន់មានដំណឹងថាម្នាក់ណានឹងការប្រពន្ធមុនគេទេ ព្រោះកូនទី២របស់លោកគឺសុវត្ថិ មុនីនាគ ដែលធ្លាប់តែស្និតស្នេហ៍នាងរ៉េត ស៊ូហ្សាណា នោះពេលនេះពួកគេលែងដើរចូលគ្នាទៅហើយ បន្ទាប់ពីលោកស្រីឡុង ស្រីមុំ ប្រកាសកាលពីឆ្នាំ២០២២ ថាមុនីនាគ និងស៊ូហ្សាណា អត់មានទំនាក់ទំនងស្នេហា ហើយសូមកុំឲ្យមហាជនយល់ច្រឡំជាបន្ដទៅទៀតនោះ ។
![](https://norkorthom.com/wp-content/uploads/2024/07/c1-36.jpg)
គួរបញ្ជាក់ថាព្រាប សុវត្ថិ បានចាប់ដៃអ្នកស្រីឡុង ស្រីមុំ រយៈពេល២៧ឆ្នាំ(១៩៩៧-២០២៣ )មកហើយដែលទទួលបានចំណងដៃកូនប្រុស៣នាក់គឺកូនទី១៖សុវត្ថិ មុនីវណ្ណ,កូនទី២៖សុវត្ថិ មុនីនាគ និងកូនទី៣៖សុវត្ថិ សិរីវុឌ្ឍ ដែលពេលនេះពួកគេសុទ្ធតែជាតារាចម្រៀងទាំងអស់ ក្រោមការបណ្ដុះបណ្ដាលរបស់ឪពុកគេផ្ទាល់តែម្ដង។តែក្រៅពីអាជីពចម្រៀងកូនៗរបស់លោកសុវត្ថិ ក៍មានតួនាទីក្នុងជូរកងទ័ព្ទផងដែរគឺលោកព្រឹន្ទបាលឯក សុវត្ថិ មុនីវណ្ណ មានតួនាទីជាជំនួយការ ការិយាល័យទី៥ នៃកងទ័ព្ទជើងគោក,លោកពលបាលទោ សុវត្ថិ មុនីនាគ មានតួនាទីជាជំនួយការ ការិយាល័យទី៥ នៃកងទ័ព្ទជើងគោក និងលោកពលបាលទោ សុវត្ថិ សិរីវុឌ្ឍ មានតួនាទីជាជំនួយការ ការិយាល័យទី៥ នៃកងទ័ព្ទជើងគោក ខណៈដែលឪពុករបស់ពួកគេលោកវីរៈសេនីយ៍ឯកព្រាប សុវត្ថិ មានតួនាទីជារងការិយាល័យទី៥ នៃកងទ័ព្ទជើងគោក ។
![](https://norkorthom.com/wp-content/uploads/2024/07/c7-8.jpg)
គេចាប់អារម្មណ៍ដែរថាព្រាប សុវត្ថិ បាននាំកូនច្បងសុវត្ថិ មុនីវណ្ណ និងកូនពៅសុវត្ថិ សិរីវុឌ្ឍ ឲ្យចូលច្រៀងនៅ Galaxy ជាមួយខ្លួន បន្ទាប់ពីលោកនិងកូនៗចេញពីហង្សមាស ប៉ុន្ដែលោកនៅតែផ្អឹបទុកកូនទី២ សុវត្ថិ មុនីនាគ ឲ្យនៅក្រៅសែង្វៀនដដែល ទើបធ្វើឲ្យកូនកណ្ដាលរបស់លោកម្នាក់នេះលែងសូវមានសកម្មភាពសិល្បៈច្រើនដូចមុន ។អ្នកជំនាញសិល្បៈលោកនូ ស៊ឹប បានប្រាប់អ្នកយកព័តមានយើងថាមូលហេតុដែលព្រាប សុវត្ថិ អត់ទាន់យកកូនចូលGalaxy ទាំងអស់ ព្រោះតែលោកចង់រក្សារតម្លៃកូនៗរបស់លោក។តែអ្នកលេងបណ្ដាញសង្គមថាមិនយូទេ លោកសុវត្ថិ នឹងយកកូនទី២ឲ្យទៅច្រៀងជុំគ្នាជាមួយលោកនិងបងប្អូនគេដូចកាលពួកគេជ្រកនៅហង្សមាសជាមិនខាន ។
![](https://norkorthom.com/wp-content/uploads/2024/07/c5-10.jpg)
មហាជនកត់សម្គាល់ថាតាំងពីព្រាប សុវត្ថិ ដើរចេញពីហង្សមាសជិត៤ឆ្នាំ នេះលោកមិនទាន់អាចធ្វើព្យុះភ្លៀងក្នុងទីផ្សារចម្រៀងដូចមុនទេ ព្រោះFan នៅតែនិយមស្ដាប់ និងច្រៀងបទលោកចាស់ៗលោកដដែល បើទោះជាបទទាំងនោះភាគច្រើនចម្លងពីចិន និងថៃ ក្ដី ។ប៉ុន្ដែគេចាំមើលថានៅឆ្នាំទី៥ ឬឆ្នាំ២០២៥ នៅGalaxy ព្រាប សុវត្ថិ ដែលពេលនោះមានអាយុ៥០ឆ្នាំគត់ អាចនឹងមានការប្រែប្រួលខុសពី៤ឆ្នាំមុន ដែរឬអត់ ?
![](https://norkorthom.com/wp-content/uploads/2024/07/c3-24.jpg)
![](https://norkorthom.com/wp-content/uploads/2024/07/c4-16.jpg)
![](https://norkorthom.com/wp-content/uploads/2024/07/c6-9.jpg)