ភ្នំពេញ៖ថ្មីៗនេះតារាពហុជំនាញអ្នកនាងខាត់ សុឃីម បានទម្លាយចឬកកូនប្រុសកំលោះរបស់នាងឈ្មោះបញ្ញា ស្កាយ យសស័ក្ក័ ថាថាពិតជាមានល្បិចខ្ពស់ រហូតនាងមិនអាចតាមទាន់ទេ ព្រោះធ្វើខ្លួនកម្សត់ តែរឿងសម្ងាត់ គ្រប់ស្រី ។បើទោះជាសុឃីម និយាយលេងបែបមែនក៍ដោយ ប៉ុន្ដែអ្នកលេងបណ្ដាញសង្គមលើកឡើងថាកូនរបស់សុឃីម អាចកាត់ទៅរកឪពុករបស់គេ បានជាគ្រាន់តែពេញវ័យកំលោះភ្លាម ស្រីតោងស្នេហ៍បែបនេះ។
ខាត់ សុឃីម ទម្លាយពីចឬកកូនកំលោះជាសាធារណៈថា”ល្បិចកូនមីងៈ ធ្វើខ្លួនជាSad តែPrivate គ្រប់ស្រី “។
ក្រោយពីខាត់ សុឃីម មានការកាតត្រដាងពីកូនប្រុសសំណព្វចិត្តបែបនេះ មានអ្នកលេងបណ្ដាញសង្គមជាច្រើនបានលើកឡើងថាកូនសុឃីម ជាបុរសមានមន្ដស្នេហ៍ខ្លាំង ព្រោះរូបរាងសង្ហារកាត់ទៅប៉ាគេ និងខ្លះទៀតថាជាព្រាននារីតាំងពីក្មេងជាដើម ។
ហ្វេសបុកឈ្មោះNeth Neardey ខមិនថា “ព្រានសុទ្ធហើយអ៊ី” ។ហ្វេសបុកឈ្មោះAh Gich Emiko ខមិនថា”ពេលនេះកូនអ៊ី អស់ផ្លូវដើរហើយ “។ហ្វេសបុកឈ្មោះkanha Rith ខមិនថា”ហែកកេរ្តិ៍កូនចឹងមីង “។
ទោះជាអ្នកលេងបណ្ដាញសង្គមភាគច្រើនថាកូនប្រុសខាត់ សុឃីម អាចនឹងកាត់ទៅតាមឪពុករបស់គេដែលជាលោកចា រិទ្ធី ក្ដី ក៍អ្នកនាងសុឃីម នៅរក្សារភាពស្ងៀមស្ងាត់ ហើយមិនបញ្ជាក់ថាកូននាងកាត់ទៅតាមអ្នកណាទេ ។តែការដែលអ្នកលេងហ្វេសបុកភ្ជាប់ឈ្មោះកូនប្រុសសុឃីម ទៅលោកចា រិទ្ធី ព្រោះតែគេដឹងថាតារាភាពយន្ដជើងចាស់លោករិទ្ធី ជាបុរសសម្បូរមន្ដស្នេហ៍មិនធម្មតាឡើយ បើទោះជាពេលនេះលោកមានវ័យចំណាស់ក្ដី តែម៉ូដសក់ នៅតែខ្ញង់ ហើយសង្សារលោកសុទ្ធតែជាស្រីក្មេងមានវ័យស្មើកូនលោក ដែលប្រុសផ្សេងៗទៀតពិបាកធ្វើតាមលោក។សម្រាប់សុឃីម កន្លងមកកូនប្រុសនាងធ្វើឲ្យនាងរំភើប ខ្លាំងព្រោះតែកូនកំលោះបានចេញវីដេអូ ថាគេមានមោទនភាពខ្លាំងណាស់ ដែលបានកើតជាកូននាង នាំឲ្យសុឃីម សែនរំភើបចិត្តក្រៃលែង ។ក្រៅពីញោះកូនកំលោះរឿងពូកែញ៉ែស្រីដោយសម្ងាត់នោះសុឃីម ក៍ធ្លាប់ធ្វើតេស្ដរឿងរកកូនប្រសារផងដែរ ដែលពេលនោះមិនខ្វះក្រមុំៗចង់ដាក់ពាក្យឡើយ ក្នុងនោះថែមទាំងមានតារាចម្រៀងវ័យក្មេងដែលធ្លាប់រាប់អានគ្នាជាមួយនាងក៍ពួកគេចង់ធ្វើសង្សារស្កាយ ដែរ តែពេលនេះគ្មានដំណឹងកូនប្រុសសុឃីម គ្រោងភ្ជាប់ពាក្យជាមួយនារីណាម្នាក់ឲ្យប្រាកដទេ ។
ខាត់ សុឃីម បានចាប់ដៃស្វាមីក្មេងលោកអ៊ិន សុបញ្ញា ហៅផាណូ រយៈពេល១២ឆ្នាំមកហើយដោយទទួលបានកូនស្រីម្នាក់ជាចំណងដៃឈ្មោះបញ្ញា ហ្វូតូស្អាត អាយុ១១ឆ្នាំ ខណៈដែលកូនប្រុសនាងឈ្មោះបញ្ញា ស្កាយ យសស័ក្ក័ អាយុ១៩ឆ្នាំ ។ប្រភពបានឲ្យដឹងថាសុឃីម មិនអនុញ្ញាត្តិឲ្យកូនប្រុសបានជួបមុខឪពុករបស់គេទេ ប៉ុន្ដែលោកចា រិទ្ធី រំពឹងថាពេលកូនធំពេញវ័យទៅគេនឹងទៅជួបឪពុកដោយខ្លួនឯងជាមិនខាន ។
អ្នកនាងខាត់ សុឃីម ធ្លាប់ប្រាប់អ្នកយកព័តមានយើងថាការមានកូន២នាក់នេះគឺគ្រប់គ្រាន់ហើយសម្រាប់រូបនាង ហេតុនេះនាងលុបចោលគម្រោងយកកូនទី៣ ដោយហេតុផលថាក្មេងសម័យនេះអាចនឹងពិបាកគ្រប់គ្រងហើយដើរខុសផ្លូវបើឪពុកម្ដាយគ្មានពេលវេលាគ្រប់គ្រាន់អប់រំគេ អីចឹងហើយបានជានាងលែងចង់បានកូនថែម ។ប៉ុន្ដែនាងចង់បានកូនប្រសារទៅវិញ ។
គួររំលឹកថាខាត់ សុឃីម ដែលត្រូវបានគេចាត់ទុកថានាងជាតារាម្នាក់ដ៍ឈ្លាសវៃនោះបានភ្លាត់ស្នៀតចាញ់បោកឧកញ៉ាម្នាក់អស់ប្រាក់ជាង៩០ម៉ឺនដុល្លារកាលពីចុងឆ្នាំ២០២១ ធ្វើឲ្យអ្នកខ្លះពេបជ្រាយ និងសើចចំអកថានាងធ្លាក់ខ្លួនហើយ ។សុឃីម ឈឺចិត្តណាស់នៅពេលដែលនាងប្រាប់វិធីដល់អ្នកទាំងឡាយកុំឲ្យចាញ់បោកគេដូចជារូបនាង តែបែមើលស្រាលលើខ្លួនបែបនេះ ហើយនាងបានលេង១ក្បាច់តបទៅអ្នកចំអកឲ្យនាងវិញតាមរយៈការពាក់គ្រឿងអង្ការមាស ពេជ្រ ជ្រែកខ្លួន និងពេលនេះជិះរថយន្ដទំនើប២គ្រឿងឆ្លាស់គ្នាគឺLexus Lx600 និងLexus Lx570 ដែលធ្វើឲ្យអ្នកធ្លាប់ថានាងធ្លាក់ខ្លួនក្រព្រោះចាញ់បោកឧកញ៉ានោះ លែងហ៊ានក្អក ៕
