កីឡាករបម្រុង Mikel Oyarzabal របស់អេស្ប៉ាញបានស៊ុតបាល់បញ្ចូលទីគ្រាប់ទី២នៅចុងម៉ោង បានរុញឱ្យក្រុមអេស្ប៉ាញទទួលបាន ជ័យជម្នះ ២-១ ទៅលើអង់គ្លេស ក្នុងវគ្គផ្តាច់ព្រ័ត្រ Euro 2024 កាលពីថ្ងៃអាទិត្យឈានចូលថ្ងៃចន្ទទី១៥ កក្កដា ដែលនេះ គឺជាការឈ្នះ ពានរង្វាន់ទ្វីបអឺរ៉ុបលើកទី៤ក្នុងប្រវត្តិសាស្ត្រយូរ៉ូច្រើនជាងគេ ខណៈដែលក្រុមរបស់លោក Gareth Southgate បានចាញ់ក្នុងវគ្គផ្តាច់ព្រ័ត្រ ជាលើកទីពីរជាប់ៗគ្នា។
![](https://norkorthom.com/wp-content/uploads/2024/07/c3-36.jpg)
កីឡាករ Oyarzabal បានបញ្ចប់ទីយ៉ាងរហ័សសម្រាប់ការរកគ្រាប់បាល់ឈ្នះ ខណៈដែលអេស្ប៉ាញបានគ្រងតំណែងជើងឯក ដោយបាន ឈ្នះការប្រកួតទាំង៧ប្រកួតនៅយូរ៉ូឆ្នាំនេះ ពោលគឺក្រុមអេស្ប៉ាញ មិនមានចាញ់ និងស្មើទាល់តែសោះ។
![](https://norkorthom.com/wp-content/uploads/2024/07/q3-4.jpg)
បន្ទាប់ពីតង់ទី១ ដែលមិនមានការស៊ុតបាល់បញ្ចូលទីទាល់តែសោះ ការប្រកួតនៅក្នុងតង់ទី២ ក៏មានការប្រែប្រួល ដោយអេស្ប៉ាញបាន គ្រប់គ្រងបាល់រហូតដល់៦៥ភាគរយ ប៉ុន្តែខ្សែប្រយុទ្ធ Phil Foden របស់អង់គ្លេសមានឱកាសស៊ុតបញ្ចូលទីនៅដើមតង់ទី២ដែរ តែការស៊ុត នោះមិនអាចធ្លាយសំណាញ់ទីក្រុមអេស្ប៉ាញបានទេ។ សម្រាប់អេស្ប៉ាញវិញ បានវាយបកយ៉ាងល្អ រហូតដល់នាទី៤៧ ដោយកីឡាករវ័យជំទង់ Lamine Yamal បានបញ្ជូនបាល់ពីស្លាបខាងស្តាំ ឱ្យមិត្តរួមក្រុម Nico Williams ស៊ុតបញ្ចូលទីយ៉ាងអស្ចារ្យ នាំមុខក្រុមអង់គ្លេស។
![](https://norkorthom.com/wp-content/uploads/2024/07/q2-4.jpg)
បន្ទាប់មកក្រុមអេស្ប៉ាញនៅតែមានឱកាសបន្តបន្ទាប់ពីការវាយបកយ៉ាងមុតស្រួច ទៅលើអង់គ្លេស ដូចជាការស៊ុតរបស់ Dani Olmo, Morata និង Williams សុទ្ធតែមានឱកាសល្អ។
លោក Southgate បានប្តូរដាក់កីឡាករ Cole Palmer ហើយកីឡាកររូបនេះបានស៊ុតពីលើដំបូលទូកចូលទីគូប្រកួត បានសម្រេចជួយ ឱ្យអង់គ្លេសតាមស្មើនៅនាទី៧៣ ដែលជាកីឡាករដែលមានគំនិតច្នៃប្រឌិតបំផុតរបស់ប្រទេសអង់គ្លេស។
![](https://norkorthom.com/wp-content/uploads/2024/07/q1-3.jpg)
ក្រោយពីលទ្ធផលស្មើគ្នា ក្រុមអេស្ប៉ាញបានបន្តវាយសម្រុករហូតដល់ធ្លាយសំណាញ់ទី ខណៈដែលខ្សែការពារស្លាប Marc Cucurella បានបញ្ជូនបាល់កាត់ទៅមុខទី ហើយ Oyarzabal បានស៊ុតបាល់បញ្ចូលទីបានសម្រេចនៅចុងម៉ោង ដែលគ្រាប់បាល់ជ័យជម្នះ របស់អេស្ប៉ាញ នៅនាទី៨៦។
អេស្ប៉ាញ ទទួលបានជ័យជម្នះ និងបានបន្ថែមពានរង្វាន់ជាលើកទី៤ដែលក្រុមនេះធ្លាប់បានឈ្នះកាលពីឆ្នាំ១៩៦៤ ឆ្នាំ២០០៨ និង២០១២ ដែលបានបំបែកកំណត់ត្រានៅយូរ៉ូ មិនទាន់មានក្រុមណាឈ្នះច្រើនជាងអេស្ប៉ាញ នៅឡើយទេ។
![](https://norkorthom.com/wp-content/uploads/2024/07/x2-16-1024x576.jpg)
សម្រាប់អង់គ្លេស នេះជាការឈឺចាប់ជាលើកទី២ជាប់ៗគ្នាក្នុងវគ្គផ្តាច់ព្រ័ត្រ និងជារយៈពេល៣០ឆ្នាំ បន្ទាប់ពីភាពជោគជ័យនៃការប្រកួត បាល់ទាត់ពិភពលោក កាលពីឆ្នាំ១៩៦៦ និងការឈ្នះ Euro 1996 ឥឡូវនេះនឹងកើន ឡើងដល់ចំនួនយ៉ាងហោចណាស់ពីរដង ខណៈដែលពួកគេ បានក្លាយជាក្រុមដំបូង ដែលចាញ់ការប្រកួតវគ្គផ្តាច់ព្រ័ត្រ Euro ជាបន្តបន្ទាប់៕
![](https://norkorthom.com/wp-content/uploads/2024/07/x3-16-1024x576.jpg)